Skip to main content
111

Dette jobopslag er udløbet

Nuummi Ilinniartut Ineqarfiisa Allaffeqarfiata Aqutsisoqarfiani siunnersorti/siunnersorti itinerusumik

Nuummi Ilinniartut Ineqarfiisa Allaffeqarfiata Aqutsisoqarfia (KAF) siunnersortimik/ siunnersortimik itinerusumik assassornermut tunuliaqutalik ilisimannilluartumik aamma sullissinermik ilisimasaqarluartumik pissarsiorpoq.  

Ilinniartitaanermut, Kultureqarnermut Ilageeqarnermullu Naalakkersuisoqarfiup ataani inissisimasutut Nuummi kollegiani inissiat 650 sinnilaarlugit allaffissornikkut KAF isumaginnittuuvoq.    KAF-imut aningaasaliissutit 15 mio. kr.-put, ulluinnarni ulapaarfiulluni taamatullu aningaasaqarnikkut aamma sullissinikkut pissutsinik pitsanngorsaaniarneq annertuumik aallunneqarluni. Aningaasanik aqutsinikkut ingerlatsivimmi katillugit sisamanik sulisulimmi siunnersortimik KAF pissarsiorpoq.  

Atorfimmi assassornermi tunuliaqutaliup suliassat assigiinngitsorpassuit ulluinnarni ulapaarfiusumi uku suliassaapput:

  • Aqutsisuaqqatut inissisimassaatit Pedel-i aamma eqqiaassunut
  • Aningaasaqarnikkut allaffissornikkullu suliassatigut nakkutiginninneq
  • Ulluinnarni suliassanik oqilisaanermut siunnersuisinnaasoq
  • Uninngasuutinik aqutsineq

KAF-imi aqutsisoq ulluinnarni qullersarissavat.

Naatsorsuutigaarput:

  • Suliamut attuumassutilinnik ilinniagaliussasutit taamatullu aningaasaqarnikkut aqutsinermik misilittagaliussasutit soorlu Namminersorlutik Oqartussani ingerlatsinerup iluanni.
  • Qarasaasiamik atuilluarsinnaassasutit
  • Kiffartuusserusussuseqartutit, nuannaartuullutillu suleqatigiuminartuussasutit.
  • Nammineersinnaasutit, aaqqissuisinnaassuseqartutit ineriartorusussuseqartutillu
  • Marluinnik kalaallisut/qallunaatullu oqaaseqarnissat iluaqutaassaqaaq kisianni piumasaqaataanngilaq.

Akissarsiat atorfeqartitaanermilu atugassarititaasut:
Akissarsiat atorfeqartitaanermillu tunngasut Namminersorlutik Oqartussat kattuffiullu sinniisaasa isumaqatiginninniarsinnaatitaasup akornanni ingerlanneqassapput.

Ineqarneq:
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Annertunerusumik paasisaqarusukkuit
Annertunerusumik paasisaqarusukkuit allaffiup pisortaa Peter Hardenberg Davidsen phar@nanoq.gl aammalu Vivian Schmidt Isaksen visi@nanoq.gl oqarasuaat 34 23 80-imut sianerlutit attavigisinnaavat.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk