Skip to main content
106

Nutserusiornermut atatillugu piffissami killilikkami AC-fuldmægtigitut atorfik

Oqaasileriffik nutserusiornermut atatillugu piffissamik killilikkamik AC-fuldmægtigissarsiorpoq

Oqaasileriffimmi Nuummiittumi nutserusiornermut atatillugu AC-fuldmægtigitut atorfik 1. oktober 2019-imit inuttalerneqassaaq. Atorfik ukiumik ataatsimik sivisussuseqarpoq sivitsuinissamut periarfissaqarluni.

Atorfik pillugu:
Atorfik ilinniagartuutut atorfiuvoq, makkuninnga suliassaqarfiulluni:

  • Kalaallisut leksikografimut kalaallisullu oqaatsit isumasiuinikkut immikkoortiterneqartarnerannut tunngasut, taamatullu oqaatsini allani taakkununnga tunngasut, nutserusiornermut atatillugu misissuiffigissallugit, nassuiaasiussallugit ineriartortissallugillu.

Piginnaasassat:

  • Oqaatsit pillugit ilisimatusarnernut tunngasumik kandidatitut ilinniagaqarsimanissaq
  • Kalaallisut oqaatsit pillugit ilisimasaqarnissaq taakkunanngalu suliaqarnermik misilittagaqarsimanissaq.
  • Oqaasilerisinnaaneq, pingaartumillu leksikografimik suliaqarnermik kiisalu oqaatsinik semantikip iluani immikkoortiterinissamik ilisimaqarneq.
  • Oqaatsit uku atorsinnaassallugit: kalaallit oqaasii ilitsoqqussaralugit oqaatsitut, danskisut tuluttullu.

Neqeroorutigisinnaavarput:

  • Suliffeqarfik pissanganartoq suliassallu unammillernartut
  • Suliffik allanngorartuartoq suleqatillu pikkorissut
  • Suliffik suliat tungaasigut ineriartorfissaqarluartoq
     

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi
soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup
attuumassuteqarfigisap akornanni isumaqatigiissutaasut atorfininnerup nalaani atuuttut
naapertorlugit ingerlanneqassapput.
Sulinermi piffissaq sapaatip-akunneranut nalunaaquttap akunneri 40-t.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq
Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Oqaasileriffik pillugu:
Oqaasileriffik Ilinniartitaanermut, Kultureqarnermut Ilageeqarnermullu Naalakkersuisoqarfiup ataaniippoq ilisimatusarnikkut ingerlatsiviulluni nammineq ingerlasoq. Annertunerusumik paasisaqarusukkuit nittartagarput www.oqaasileriffik.gl alakkaruk.

Paasissutissat annertunerusut:
Atorfik pillugu annertunerusumik paasisaqarusuttut Oqaasileriffimmi pisortamut saaffiginnissinnaapput, uunga: Katti Frederiksen (kfre@oqaasileriffik.gl, +299 34 68 90) imalt. Specialkonsulent Beatrine Heilmann (behe@oqaasileriffik.gl, +299 34 68 82)

Qinnuteqarnissamut killigititaq:
Qinnuteqaat ilinniarsimanermut uppernarsaat CV-lu tiguneqareersimassapput: tallimanngorneq septembarip 27-at 2019.

Qinnuteqaatit, CV, ilinniarsimanermut pikkorissarfigisimasanullu uppernarsaatit, kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mailikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk