Skip to main content
161

Dette jobopslag er udløbet

Nutserisoq ataqatigiissaarinermik suleqatigiinnermillu piginnaasalik

Allaffissornermut aningaasaqarnermullu immikkoortortatsinni, Isumaginninnermut sulisoqarnermullu naalakkersuisoqarfimmi, Namminersorlutik Oqartussani, pikkorissumik nutserisumik oqaatsinullu siunnersortaatigisumik suliaqartussamik pissarsiorpugut.
Peqqissaartuunissat taamatuttaarlu nutserinerup oqaluttaanerullu saniatigut suleqataallutit nutserinermut atatillugu ataqatigiissaarinermi suliniutini tamani peqataasarnissat pingaaruteqarpoq. Suliassat nikerarput, soorlu nutserinerit, kukkunersiuinerit kiisalu nutserisunut avataaniittunut suliassanik agguataarinerit, pitsaassutsimillu qulakkeerinninnerit.
Tamanna tusagassiisartoq suleqatigalugu pisassaaq, taassuma paasissutissiinerit saqqummiussat, tusagassiutinut nalunaarutit, paasisitsiniaanerit allarpassuillu naalakkersuisoqarfimmi Namminersorlutillu Oqartussani sulisut suleqatigalugit, suliarisarpai
Suliassatit ilaatigut makkununnga tungassapput:

  • Nutsigassanik ataqatigiissaarisoq
  • Nutserisunut oqalutsinullu suliassanik nassiussuineq
  • Naalakkersuisoqarfimmi nutsikkat pitsaassusiinik qularnaarinninneq
  • Paasissutissiissutinik suliaqarneq
  • Soorlu oqallisissianik, oqaaseqaatinik, nassuiaatinik, §37-imut atatillugu apeqqutinik, inatsisinullu siunnersuutinik Inatsisartunut Naalakkersuisumullu nutserineq


Politikkimut allaffissornermilu aqutsisoqarfimmi,  sulianullu atasunut immikkoortortaqarfinni, sulisoqarnermut, isumaginninnermut, nunamut namminermut, nakkutilliisoqarfimmullu sullissisut ilagissavaatsit. Allaffissornermi aningaasaqarnermilu immikkortortaqarfinni immikkoortortaqarfiup pisortaanut atassaatit.

  • Nutserisutut/oqalutsitullu imaluunniit taakkununngaluunnit attuumasumik ilinniagalik*
  • Atorfinnit assingusunit misilittagaqaruit iluaqutaassaaq
  • MS Office-mik qarasaasianilu atortunik atuisinnaasoq. TMS misilittagaqarfigigukku iluaqutaassaaq.
  • Kalaallisut, danskisut, tuluttullu oqaatsinik atuinissamut piginnaasaqarluassaatit.

Inuttut piginnaasat:

  • Namminersorsinnaallutillu ulapaarfinni tamakkiisumik isiginnittaaseqarputit
  • Torersuullutillu peqqissaartuuvutit
  • Attaveqateqarsinnaalluarputit
  • Suleqatigisannut tunniusimallutit sullisserusupputit
  • Suliffimmi aalajaatsoq, qanoq ilinikkulluunniit sulisinnaallutillu suliassat suulluunniit tigusinnaasariaqarpatit
  • Suleqatikkuminartoq

Atorfimmi suliassat annertussusaallu pillugit paasisaqarnerorusukkuit immikkoortortaqarfimmi pisortamut Kim Pagels-imut oqarasuaammut 346908-mut sianerlutit imaluunniit mailikkut kipa@nanoq.gl-imut allallutit saaffiginnissinnaavutit.
Soqutiginnikkuit erngertumik kingusinnerpaamillu 2022-mi 14. februar qinnuteqaatit misilittakkavit allattorsimaffiat oqaaseqaatillu ilanngullugit tuugassaq ataaniittoq aqqutigalugu nassiutikkit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk