Skip to main content
152

Nunatta oqaluttuassartaa nutaanerusoq pillugu Katersugaasivilerisoq

Nunatta Katersugaasivia Allagaateqarfialu (matuma kingorna naalisarlugu: NKA) ilinniagartuumik katersugaasivilerisutut sulisussamik inuttassarsiuussivoq 1. september 2019-imi imaluunniit isumaqatigiissuteqareernikkut tamatuma kingorna piaarnerpaamik sulilersussamik.

Katersugaasivilerisup 1800-kkut 1900-kkullu immikkut sammisaralugit, Kalaallit Nunaata oqaluttuassartaata tammartaalinissaanik, ilisimatusarfiginissaanik paassissutissiissutiginissaanillu katersugaasiviup pingaarnertut anguniagaanik piviusunngortitsiniarnermik suliaqassaaq, aamma Inuit akornanni Kalaallit Nunaannilu oqaluttuarisaarnermik kulturikkullu kingonussanik ilisimaarinninnerup inerisaqqinnissaat siunertaralugu ilisimasaqalernissamut tunngavissanik inerisaassalluni. Katersugaasivimmi ulluinnarni suliassaasartut isumaginerisa saniatigut – assersuutigalugu apeqquteqaatit sulinermi nalinginnaasut akissuteqarfigineri, oqaluttuarisaanermi piffissamut tunngasut pillugit nassuiaajutigaluni angallassinerit, immikkut saqqummersitanik inissitsitserinerit – katersugaasivilerisoq katersugaasiveqarnermi immikkut isiginiagaq nutaaq pillugu suliniutissanik nassuiaasersuillunilu piviusunngortitsisassaaq.
Kalaallit Nunaata oqaluttuassartaanit nutaanerusumit qulequttanut katersugaasiviup misissugassatut paasititsiniutigineqartussatullu kissaatigisaanut ilaapput:

  • Kalaallit Nunaanni nutarterineq (ass. ileqqut nutaat ulluinnarnilu inuuneq, aalisarneq aalisakkanillu suliffissuaqarneq, illoqarfinnut nutserneq aamma illoqarfinni kulturi).
  • Kalaallit Nunaata 1900-kkunni politikkikkut oqaluttuassartaa.
  • Kalaallit Nunaanni ilisimatusarnikkut, sakkutooqarnikkut suliffissuaqarnikkullu ingerlassat.
  • Kalaallit Nunaata oqaluttuarisaanera nunanut tamanut naleqqiullugu.

Katersugaasivilerisoq qulequttanik pineqartunik taakkununngalu assingusunik suliaqarnissamut sinaakkutissat isiginiagassallu aaqqissuunnissaannut nammineerluni peqataassaaq, kisiannili pingaarnerusutigut katersugaasiviup kissaatigaa suleqatissaq pineqartunik pitanngorsaasinnaasoq makku aqqutigalugit:

  • Katersugaasivilerisut katersugaasivinnilu suliaqartut allat suleqatigalugit paasissutissiisarnermi suliniutit atortullu nutaat qitiutilluinnarlugit sulinissaq, tamatumunnga ilanngullugit Kalaallit Nunaata oqaluttuassartaanut nutaanerusumut naleqqiullugu digitalimik paasissutisseeriaatsit, periutsit platformillu.
  • Immikkut sammisami iluani ilisimatusarneq, sallerpaatillugu katersugaasiviup allagaateqarfiullu katersaanik aallaaveqarluni, aammali nunat tamat akornanni ilisimatusarnikkut suleqatigiiffinni attaveqarfinnilu sulianut peqataanermigut. Suliassamut tamatumunnga katersugaasivilerisup piffissap suliffimmi tamarmiusup 2/7-ia atorsinnaavaa, taamaattoq akunnerit suliartoqqusaaffiusinnaasut ilaatinnagit.
  • Oqaluttuarisaanermit nutaanerusumit katersugaasiviup katersugaataanut ilanngusassanik naapertuuttunik katersinissamut periusissiamik ilusilersuineq, taakkulu saqqummersitassatut toqqartorlugillu aaqqissuunnerat soqutiginarsarnerallu.

Katersugaasivilerisoq ilisimatusarnikkut sulisut allat nalingalugit suliffeqarfiup suleriaasianut/sulinermi tunngaviinut ilisimatusarnikkullu sulianut pilersaarutinut tunngavissat aalajangersaaqataaffigissavai.

Katersugaasivilerusup pisussaaffigaa suliamut tunngasut iluanni paasissutissarsiortuarnissani, nammineerlunilu suliniuteqarnermigut pikkorissarnernut isumasioqatigiinnernullu peqataasassalluni kiisalu suleqatiminut attaveqartassalluni suliaminut tunngasutigut ilisimasani inerisarneqartuaqqullugit.

Katersugaasivilerisup Kalaallit Nunaanni, Danmarkimi nunanilu allani katersugaasivinnut suleqatinullu attaveqalernissaq isumagissavaa attavigiuartassallugillu.

Katersugaasivilerisup pisortaa qaninnerpaaq tassaavoq pisortap tullia.

Katersugaasivilerisutut atorfik, kandidatimik imaluunniit Ph.D-mik inuttaligassaq, piffissaq tamaat atorfiuvoq, Namminersorlutik Oqartussat aamma Dansk Magisterforeningip akornanni Kalaallit Nunaanni ilinniagartuutut atorfillit pillugit isumaqatigiissut qaqugukkulluunniit atuuttoq naapertorlugu akissaateqartinneqarlunilu atorfeqarnermi atugassaqartitaaffiusoq. Atorfininnermut atatillugu inissaqartitsisoqanngilaq.

Qinnuteqaat ilinniakkat siusinnerusukkullu suliarisimasat naapertuuttut pillugit paasissutissartalik, soraarummeersimanermut il.il. uppernarsaatit nuunnerinik ilaqartinneqartoq ilanngunneqassapput.


Qinnuteqaat kingusinnerpaamik 15. august 2019 nassiunneqassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk