Skip to main content
116

Dette jobopslag er udløbet

Nunatta Katersugaasivia Allagaateqarfialu NKA Nalunaarsuisartussarssiorpoq - teknisk assistentimik

Nunatta Katersugaasivia Allagaateqarfialu nalunaarsuisartumik atorfinittussarsiorpoq aallartiffigalugu ulloq 01.06.2019 imaluunniit immikkut isumaqatigiissuteqarnikkut.
Nalunaarsuisartup titartagaataasivik pingaarnerusumik suliffigissavaa, titartagaataasivimmilu atorfillit qanittumik suleqatigissavai. Suliassat pingaarnersarissavaat titartagaataasivimmi katersugaatinik nalunaarsuineq aammalu titartagaataasivimmut nassiussanik nalunaarssuineq. Titartagaataasivimmut suliakkiisutinik titartagaataateqarfimmi allagaateqarfimmilu atorfillit suleqatigalugit piareersaaneq suliarinninnerlu. Atorfeqarnerullu ingerlanerani titartagaataasiviup katersugaataanik digitaliseriinissaq suliassanut ilanngunneqasaaq.
Katersugaatinik suliaqarnerup nalaani timimik atuisarnissaq naatsorsuutigineqassaaq, - soorlu katersugaatinik suliaqarnerni kivitsisariaqartarnerit.    

Suliassat makkuupput

  • Titartagaataasiviup katersugaataanik nalunaarsuineq, - titartagaataateqarfimmi atorfilinnik suleqateqarluni.
  • Suliakkiissutinik tigusinerit taakkuninngalu isumaginninnerit, – soorlu teknikkikkut titartakkanik  nalunaarusianillu digitalinngorlugit assiliinerit.  Amerlanertigut teknikkikkut ingerlatsivinnit, ingeniørinit, sanaartugassanik suliaqarfinnit inuinnarnillu suliakkiissutigineqartartut.
  • Titartagaataasivimmi katersugaatinik aalajangersimasunik digitaliseriinerit.
  • Titartagaataasiviup toqqorsiviini suliassanik nalinginnaasut isumaginninnerit, tassani suliarineqassapput katersugaatinik inissiisarnerit nuussuinerillu, - kiisalu ulluinnarni toqqorsivinnik pigisanillu nakkutiginninnerit.
  • Katersugaataateqarfimmi nalunaarsugassanik suliaqarneq, soorlu suliassanik annertuunik aammalu katersugaatissanik suliaqarnartunik suliassaqalernerni isumagisariaqartunik suliaqarneq. 

Naatsorsuutigaarput

  • teknisk assistentiusutit, imaluunniit allaffimmiutut ilinniarsimanissat, kiisalu teknikikkut ingerlatsivinni suliaqarsimanissat
  • Kalaallisut qallunaatullu oqalussinnaallutillu allassinnaanissat
  • Office-mik atuisinnaaneq sungiusimassagit
  • Nammineerlutit siunertaqarlutillu sulisinnaanissat
  • Timikkut peqqissuunissat aammalu timit atorlugu sullerissuunissat

Kissaatigaarputtaaq

  • Titartagaataasiviup suliassaasa amerliartorneri naapertorlugit piumasaqaatit annertusiartornerini nutaanik ilinniagaqarnissannut piumassuseqarnissat
  • Katersugaateqarnermi nalunaarsuinernik pigisanillu aserfallatsaaliuinermi ilinniartitaanissat piumassuseqarfigissagit 



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk