Skip to main content
122

Dette jobopslag er udløbet

Nunatta Atuagaateqarfiani allaffimmi suleqatissarsiorpugut

Nunatta Atuagaateqarfiani kontorfuldmægtigimik imaluunniit overassistentimik allaffimmiussarsiorpugut juulip aallaqqaataani 2021 atorfinittussamik isumaqatigiissuteqarnikkulluunniit pisussamik.
Ulluinnarni allaffissornikkut suliassat assingiinngitsorpassuit ineriartorfiusullu suliarineqartarput, soorlu aningaasaqarnikkut aqutsineq – sulisoqarnikkut atuisullu allaffissornikkut suliassartai assingiinngitsorpassuit.

Ulluinnarni allaffimmi aqutsisup ataani inissisimassaatit.

Suliassatit pingaarnerit ukuupput:

  • Kontut aningaasanik nalillit naligiissarneri
  • Ulluinnarni naqitassat akiligassallu bogførerlugit
  • Atorniarnermi atuisut suliassartaanik suliaqarneq
  • Aserfallattaaliinermut pisiniarnermullu attavissanut attaveqaataaneq
  • Allaffimmi suliassat assingiinngitsut
  • Ulluinnarni arfininngornernilu paarlakaattumik saaffiginnittarfimmeeqataaneq


Naatsorsuutingaarput:

  • Allaffimmiutut ilinniagarqarsimasuunissat
  • Suliassanut assingusunik misilittagaqareernissat
  • Nammineersinnaassusseqarnissat
  • EXCEL-mut misilittagaqarnissat
  • Aalajaatsuusutit peqqissaartumillu suliaqartarnissat
  • Kalaallisut qallunaatullu oqaaseqartuunissat


Paasissutissat allat:

Atorfik pillugu annerusumik paasisaqarusukkuit allaffimmi aqutsisoq Najánguak’ S. Lundblad attaviginissaanut tikilluaqqusaavutit, oqarsuaatikkut +299 34 89 25 e-mail: najanguak@katak.gl

Uagut pilluta:
Nunatta Atuagaateqarfia Nuummi innuttaasunut atuagaateqarfiuvoq nunatsinnilu qitiusumik atuagaateqarfiulluni. Groenlandica Nunarput Inuilu pillugit Atuagaateqarfik Nunatta Atuagaateqarfiata ataaniippoq, Ilimmarfimmi inissisimalluni.
Atuagaateqarfik Nuummi illoqarfiup qeqqaniippoq innuttaasunillu atorluarneqartuulluni. Ilisimasanik kulturimillu saqqumilaartitsinissamik suliaqartarpugut, taamaalilluta misigisaqartitsisinnaalluta, ilikkagaqartitsisinnaalluta atuagaateqarfimmilu 4-rums model atorlugu ingerlatsisuulluta. Nittartagarput aamma takusinnaavat unaasoq www.katak.gl.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk