Skip to main content
149

Dette jobopslag er udløbet

Nunatsinni Peqqinnissaqarfimmi Qullersaqarfiup Allatseqarfiani Sulisoqarnermullu Immikkoortortami AC-fuldmægtigi

Nunatsinni Peqqinnissaqarfiup assissaqanngitsumik paasisaqarfiginissaa soqutigaajuk? AC-fuldmægtigiuit pikkorissoq piginnaasalillu, suliat pilertortumik ingerlanneqarnerannik nuannarisalik, annikitsortanillu ukkassinissamik piginnaanilik?

Taamaassappat nunatsinni Peqqinnissaqarfimmi Qullersaqarfiup Allatseqarfiani Sulisoqarnermullu Immikkoortortami ulluinnaat, suliassat assigiinngiaartorpassuit sunnigaanni, ilinniagaqassutsikkut inuttullu piginnaasavit atornissaannut periarfissagissaassaatit. Suliat ilaat piffissap sivikitsup iluani naammassisassaasarput, allalli ukkasinissamut periarfissiisarlutik. Pikkorissunik pimoorussisunillu, tamarmik sullivimmi avatangiisinik pitsaasuutitseqataasunik suleqatigiittullu ataqatigiissitilluartunik suleqateqassaatit.

Peqqinnissaqarfiup iluani suleqatinik peqqinnissakkut ilinniagalinnik annertuumik attaveqarlutit qanimut suleqateqassaatit. Qullersaqarfiup Allatseqarfia Sulisoqarnermullu Immikkoortortaq Peqqissutsimut Naalakkersuisoqarfimmik Nunatsinnilu Nakorsaaneqarfimmik qanimut suleqateqarportaaq. 

Suliassat ilaatigut makkuussapput:
•    Qullersanik/aqutsisunik sullissineq
•    Ataatsimiittartunik allatseqarnikkut sullissineq
•    Misissueqqissaarneq, nalunaarusiorneq, tusarniaanernut akissusiorneq, allakkiorneq il.il. 
•    Pisariaqartitsinermi suliassat

Ulluinnarni suliassat annertujaat ilaatigut tassaassapput §37 naapertorlugu apeqqutinut isummersuutit, taatsimiittartunut atatillugu pilersaarusiornermut ataqatigiissaarinermullu tunngatillugu suliassat, ilaatigut atortussanik suliaqarneq kiisalu kiffartuussineq pillugu maalaarutinik isumaginninneq. Naatsumik oqaatigalugu, suliassat suliffeqarfimmut politikkikkut aqunneqartumut attuumassuteqartut, Peqqinnissaqarfimmi qullersat qanillugit sulineq.

Tamatuma saniatigut pisariaqartitsineq naapertorlugu, immikkoortortami suliassanik allanik isumaginninnermi peqataanissamut piareersimassaatit.

Naatsorsuutigaarput:
•    Naapertuuttumik kandidatitut ilinniarsimanissat
•    Suliffeqarfimmi politikkikkut aqutami ukiuni arlalinni sulinermik misilittagaqarnissat, ajornanngippallu Peqqinnissaqarfimmik ilisimasaqarnissat. Ilinniarnerit qanittukkut naammassisimagukku, ilinniarninni suliffimmit naapertuuttumik misilittagaqarnissat iluaqutaassaaq 
•    Sulianik ingerlatsinermi annertuumik akisussaaffeqarnermik nuannarisaqarnissat
•    Ulluinnarni assigiinngitsorpassuarnik suliassaqarfimmi aaqqisuussisinnaanissat, pingaarnersiuisinnaanissat ataatsimullu isiginnilersitsisinnaanissat 
•    Oqariartuutinik naatsumik ersarissumillu ingerlatsitseqqiinermut pikkoriffeqarnissat 
•    Peqqissaartuunissat annikitsortanullu tappiffeqarnissat
•    Naliliisinnaalluarnissat pissusissamisoorsinnaasumullu malussarissuseqarnissat
•    Suliassat ilaatigut piffissaq sivikitsoq atorlugu naammassineqartussaasarmata, eqaatsumik pissuseqarnissat 
•    Sullivimmi pitsaasunik avatangiiseqarnissamut peqataanissat.

Kikkuuvugut?
Peqqinnissaqarfik aaqqisuussaanikkut Peqqissutsimut Pitsaaliuinermullu Aqutsisoqarfiup ataani inissisimasoq, qullersanut siunnersuisarfinnik arfinilinnik napparsimasunik sullissinermi ikorfartuutaasunik makkuninnga immikkoortortaqarpoq; Qarasaasiarsorneq Digitalinngorsaanerlu, Kiffartuussineq ilutsinni, Illuutit Sanaartornerlu, Aningaasaqarneq, Aqqusaartugassanik Ataqatigiissaarineq kiisalu Qullersaqarfiup Allatseqarfia Sulisoqarnermullu Immikkoortortaq illit suliffigiligassat.

Qullersaqarfiup allatseqarfia Sulisoqarnermullu Immikkoortortaq Peqqinnissaqarfimmi qullersanut kiisalu Napparsimmavissuarmi sinerissamilu qitiusumik immikkoortuni pisortanut, nunatsinni Peqqinnissaqarfimmik pingaarnertut aqutsisuusunut kiffartuussisuuvoq. Tamatuma saniatigut attaveqatigiinnermut, maalaarutinut- siunnersuinermut, sullivimmi avatangiisinut, piginnaasatigut inerisaanermut kiisalu sulisussarsiniarnermut sulilerlaanillu pitsaasumik tikilluaqqusinermut tunngasut isumagineqarput. Illit qullersanik sullissinermi inerisaanermilu suleqatigiinnut ilaalissaatit. 

Immikkoortortami ilinniagaqassutsikkut inuttullu ataqatigiinneq nukittooq soqutigisaraarput, taamaammallu ilinniagaqassuseq, akisussaassuseqarneq, ilisimasanik avitseqatigiinneq isumagissaarnerlu pingaartillugit. Suliffeqarfik – oqaatsitigut ilinniakkatigullu- assigiinngitsunik kulturilik suliffigilissavat. 

Paasissutissat annertunerusut:
Atorfik soqutigigukku suliassartai ilanngullugit sukumiinerusumik paasiniaallutit qullersanut siunnersuisarfimmi pisortamut Lene Marie Halgreenimut oqarasuaatikkut: +299 23 08 46 imal. emailikkut: lemh@peqqik.gl /imal. AC-fuldmægtigimut Maria C. Adamsenimut oqarasuaatikkut: +299 34 47 35 imal. emailikkut: mcad@peqqik.gl attaveqarsinnaavutit. 

Qaammatit pingasut misilitsereernerup kingorna atorfinivittoqassaaq.

Qinnuteqaat:
Qinnuteqaat, ilinniakamut tunngatillugu paasissutissat, suliffigisimasat, soraarummeernermut uppernarsaatit pappiaqqallu allat naapertuuttut ilanngullugit, qinnuteqarfissaq kingulleq nallertinnagu uatsinnit tiguneqareersimassapput.

Sulilerfissaq: Sapinngisamik piaarnerpaamik 

Akissarsiat atorfininnermilu atugassarititaasut:
Akissarsianut atorfininnermullu atatillugu atugassarititaasunut tunngatillugu - angalanissaq pisattallu angallanneqarsinnaanerat ilanngullugit- atorfininnerup nalaani Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissut atuuttoq naapertorneqassaaq.

Ineqarneq:
Atorfininnermut atatillugu inissamik innersuussisoqanngilaq. Qinnuteqartup Namminersorlutik Oqartussat inissiaataanni ineqareersup inissamik innersuunneqarnissamik pisinnaatitaaffini attatiinnassavaa. Suliffimmit soraarnermi inigisaq qimanneqassaaq.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk