Skip to main content
142

Dette jobopslag er udløbet

Nunatsinni Peqqinnissaqarfik qarasaasiarsornermi pisortassarsiorpoq

Qarasaasiarsorneq inerisaanerlu soqutigisarilluinnarpigit?? angusaqarusussuseqartuuit qarasaasiarsornermilu ajunngitsunik sakkussaqarpit? Taamaappat tusarfigerusuppatigit! 

Atorfik
Nunatsinni Peqqinnissaqarfimmi Nuummi Dronning Ingridip Napparsimmavissuani inissisimasussamik qullersanut siunnersuisarfimmi qarasaasiarsornermut digitalinngorsaanermullu immikkoortortami pisortassamik eqeersimaartumik sapinngisamik piaarnerpaamik atorfinittussamik pissarsiorpugut.

Qarasaasiarsornermi pisortatut aaqqisuussaanikkut Peqqinnissaqarfimmi qullersat ataanni inissisimassaatit, Peqqinnissaqarfillu tamakkerlugu qarasaasiarsorneq pingaarnertut akisussaaffigissallugu. Qarasaasiarsornikkut ingerlatsinernermut avataaneersumut suliakkiussamut atatillugu pilersuinikkut aqutsineq, Qarasaasiarsornermi immikkoortortamik aqutsineq, Peqqinnissaqarfiup nunaminertaani tamani aalajaatsumik isumannaatsumillu qarasaasiarsornikkut ingerlatsinermik qulakkeerineq akisussaaffigissavatit, Peqqinnissaqarfiup qarasaasiarsornermi aningaasartuutissaatut missingersuussat 35 mio kr.-it missaat akisussaaffigissallugit. Qarasaasiarsornermi pisortaq ataatsimut iliuusissanik siunniussinissamut akisussaasuummat, napparsimmavissuarmi sinerissamilu nakorsaanermi qitiusumik immikkoortortanik qullersanullu siunnersuisarfimmi immikkoortortanik qanimut oqaloqateqassaatit suliniutinilu nutaani siunersioqataasartussaallutit pingaarutilik. Qarasaasiarsornermi pisortaq soorunami aqutsisoqatigiinni arlalinni peqataasassaaq. Qarasaasiarsornerup suliffeqarfik akimorlugu ataqatigiinnissaanik qulakkeereqataanissaq illit isumagisassaraat. 

  • Siuliani oqaatigineqareersut saniatigut makku akisussaaffigissavatit:
  • Suliassat suut suliffeqarfimmi namminermi suliarineqarsinnaanissaannut imal. avataaneersumut suliakkiunneqarsinnaanissaannut tappiffeqarluni, Peqqinnissaqarfiup qarasaasiarsornermut digitalinngorsaanermullu immikkoortortaanik nukittorsaanissaq 
  • Siunissaq ungasissoq isigalugu Peqqinnissaqarfiup qarasaasiarsornermi atortorissaarutaanut aningaasaleeqqinnissanut siunniussinissaq 
  • Avataaneersunik suleqateqarnermik inerisaaqqinnissaq 
  • Nakorsaanermi qarasaasiarsornermik inerisaanermut atatillugu, nakorsaanermi atortorissaarutinut immikkoortortami suleqatit qanimut suleqatigalugit, iliuusissiornissaq 
  • Kinguneqarluartussamik pilersuisunik aqutsineq 
  • Isumaqatigiissutinik, ilisimasanik atuisinnaanermut isumaqatigiissutinik paasissutissanillu paarlaasseqatigiinnissamut isumaqatigiissutinik malitseqartitsiuarnissamik qulakkeerineq 
  • Suliniutissanik aningaasartuutissatullu missingersuutinik pingaarnersiuineq 
  • Suliniummut qarasaasiakkut allattugaatinut nalunaarsuiffissamut (EPJ) nutaamut atatillugu peqataatitsinissamik inerisaanissamillu qulakkeerineq 


Piginnaasat
Tunngaviusumik Peqqinnissaqarfimmi qarasaasiarsornermi suliassanut tunngatillugu ilitsersuilluni ikorfartuinermut teknikkikkut paasinninneq kajumissuseqarnerlu, atorfimmi piumasaqaataapput. Suliffeqarfimmi assigiinngitsorpassuarnik ilinniagalinnik sulisulimmi, ingerlalluartumik qarasaassiarsornikkut aaqqisuussaanermik arlaatigut pisariaqartitsisuni aqussinnaassaatit. Suliffeqarfimmi politikkikkut aqunneqartumi nunatsinnilu Peqqinnissaqarfimmi qarasaasiarsornikkut aqutsinermi, nunap isorartussusaagut nukissaqarnikkullu unammilligassiisumi aqussinnaassaatit. Nunatsinni Peqqinnissaqarfik kulturikkut, inuiaassutsikkut ilinniagaqassutsikkullu assigiinngisitaartuummat, ammasuunissat assigiinngissutsillu ataqqillugit aqutsisinnaanissat pingaaruteqarpoq.
Taamaammat naapertuuttumik qaffasissumik ilinniagaqarsimanissat, ukiunilu arlalinni misilittagaqarlualersimanissat naatsorsuutigaarput. 
Inuttut pimoorussisuuvutit, suliffeqarfimmi tamatumalu avataani aaqqisuussaanikkut inissisimaffinni tamani sunniuteqarlutit oqaloqatiginnissinnaallutit. Siunnerfeqarlutit paasiniaasuuvutit naalaartuullutillu, pingaarnersiuisinnaavutit, pilersuisunik, suleqatinnik nakorsaanermillu sulialinnik attaveqateqarneq nukittuffigalugu. Qarasaasiarsornikkut atuisunik oqaloqateqarninni naalaarlutillu alapernaatsuuvutit, suliniutinullu nutaanut kissaatinik pitsaanerpaamik angusaqarniarsinnaassuseqarlutit aningaasartuutissatullu killiliussanik oqimaaqatigiissaarisinnaallutit. Taamaammat Peqqinnissaqarfimmik Peqqinnissaqarfimmilu qarasaasiarsornermi nutaanik ilisimasaqarneq iluaqutaassaaq.

Nunatsinni Peqqinnissaqarfik – Atitussuseq, unammilligassaq ilinniagaqassutsikkullu tulluusimaarneq
Kalaallit Nunaanni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq qitiusumillu immikkoortunut tallimanut- Dronning Ingridip Napparsimmavissuani qitiusumik immikkoortunut sisamanut, Kigutileriveqarfimmut, Kalaallit Peqqissartut Illuannut, Peqqinnissaqarfiullu ingerlatsinermut qitiusumik immikkoortuanut agguagaalluni.
Ilinniagaqassutsikkut unammilligassinniarpit, alapernaatsuuit atituumillu sulineq nunannaraajuk, taava nunatsinni Peqqinnissaqarfimmi sulineq ilinnut naleqquttuussaaq.
Nunatsinni Peqqinnissaqarfik: www.gjob.gl annertunerusunik paasisassarsiorfigisinnaavat.
        
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. 

Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Qinnuteqaat ilanngusassallu naapertuuttut PDF-inngorlugit www.Gjob.gl aqqutigalugu nassiunneqassapput. 

Sulilerfissaq: Isumaqatigiissuteqarnikkut sapinngisamik piaartumik 

Qinnuteqarfissaq kingulleq: 6. december 2022

Qinnuteqartunik oqaloqateqarnerit sap. ak. 49-imi ingerlanneqassapput 

Atorfik pillugu paasissutissat pisortamut Tina Amondsenimut oqarasuaatikkut: (+299) 54 78 67 imal. mailikkut: tiam@peqqik.gl, danskit nalunaaqutaat naapertorlugu 12.00-ip kingorna attaveqarnikkut pissarsiarineqarsinnaapput.

Akissarsiat atorfininnermilu atugassarititaasut pillugit paasissutissat nalinginnaasut mailikkut: PERSONALE@PEQQIK.GL  saaffiginninnikkut pissarsiarineqarsinnaapputtaaq. 

Nunatsinni Peqqinnissaqarfiup aaqqisuussaaneranut takussutissiaq uani takuuk:
https://gjob.dk/media/czbjfrgx/organisationsplan_shv_2020-10.pdf 

Qinnuteqaatit PDF-inngorlugit Gjob.dk. nassiussat kisiisa tigusarpagut 
Qinnuteqaatit mailikkut nassiussat isumannaallisaaviginissat siunertaralugu ingerlaanaq peerneqassa

Nunatsinni Peqqinnissaqarfik suliffeqarfittut pujortarfiunngilaq.

Akissarsiat atorfeqartitaanermilu atugassarititaasut:
Atorfik maanna akissaateqarfimmi 38-imi inissisimavoq. Akissarsiaqarfimmi 38-imi akissarsiat immikkoortui aalajangersimasut ilanngullugit, apriilip ulluisa aallaqqaataanni 2022 qaammammut 59.906 koruuninik ukiumullu 718.873 koruuninik annertussuseqarput.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk