Find job
Dette jobopslag er udløbet
Nunatsinni Peqqinnissaqarfik aningaasaqarnermut atorfinittussamik pissarsiorpoq
Aningaasaqarnermut Pisiniarnermullu immikkoortortaq aningaasaqarnermut siunnersortimik 2023-imi junip aallaqqaataanni immikkulluunniit isumaqatigiissuteqarnikkut atorfinittussamik pissarsiorpoq.
Peqqinnissaqarfik ineriartuleruttortoq peqqinnissakkut sullissinermut neqeroorutinut Peqqinnissaqarfiullu pisariillisaaviginissaanut nukissanik pilersitsiviussaaq. Tamatumani Peqqinnissaqarfik ataatsimoornerusoq ataqatigiinnerusorlu immikkut ukkanneqarluni, pitsaassutsimik inerisaanissami iliuusissatut siunniunneqarumaartussat kiisalu aningaasartuutissatut missingersuutinik 1,6 mia. koruuniusunik aqutsinermut tunngatillugu paasilertoruminarsaanissaq, pingaarnertut pineqarput.
Aningaasaqarneq Pisiniarnerlu, Peqqinnissaqarfimmi qullersanut siunnersuisarfimmut 18-inik pimoorussisunik nammineersinnaassusilinnillu sulisulimmut ilaavoq. Immikkoortortaq Nuummiippoq sinerialli tamakkerlugu qitiusumik napparsimmavinni peqqissaavinnilu suliassaqartuarpugut.
Aningaasaqarnermut Pisiniarnermullu immikkoortortami allaffissornikkut naatsorsuuserinikkullu suliassanut akisusaaffimmik tigusisinnaasumik pisariaqartitivugut.
Allaffissornikkut/naatsorsuuserinikkut suliassat:
- IRIS-imi naatsorsuutinut ilanngussanik (bilag) nalunaarsuineq
- Qaammammut ukiumoortumillu naatsorsuutinik naligiissaarineq
- Pikkorissaanernut aningaasaateqarfinnut qinnuteqaatinut akisussaaneq
- Angalanermullu atatillugu naatsorsuutinik misissuineq
- Aningaasanik tunniusseqqussusiorneq
- Karsimik bankimilu kontonik naligiissaarineq
- Mailikkut allakkanik ataatsimoorussanik isumaginninneq
- Iggavimmut qitiusumillu peqqumaasivimmut inniminniinerit
- Suliassat siunertanut aalajangersimasunut tunngasut.
Naatsorsuutigaarput:
- Aningaasaqarnermut /naatsorsuuserinermut tunngatillugu naapertuuttumik tunuliaqutaqarnissat
- Qarasaasiakkut sullississutinik IRIS, ledelsesinfo, EXCEL kiisalu F2-mik ilisimaarinninnissat
- Sulianik ingerlatsinermi nammineq akisussaaffimmik tigusinissamut kajumissuseqarnissat
- Ilinniakkat akimorlugit avatangiisini, ataasiakkaat ataatsimut isiginnitumik suleqataaffianni, sulinissamut kajumissuseqarnissat
- Qiimasuunissat, sapiissuseqarnissat qungujunnartunillu nunannarisaqartuunissat
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job