Skip to main content
132

Dette jobopslag er udløbet

Nunatsinni Nakorsaaneqarfik nakorsamik inuiaqatigiinni inuttut atukkat innuttaasullu peqqissusaat pillugit immikkut ilisimasalittut sulinermik misiliisussamik pissarsiorpoq (ukioq ataaseq)

inuttut atukkat innnuttaasullu peqqissusaat pillugit immikkut ilisimasaqarneq alapernaaffigaajuk? Taava Nunatsinni Nakorsaaneqarfimmi immikkut ilisimasalittut, inuiaqatigiinni inuttut atukkanit innuttaasullu peqqissusaannit isigalugu, nakorsatut ilinniagaqassutsit atorlugu sulinermik misiliinissamut periarfissipatsigit.
 
Allaffik:
Nunatsinni Nakorsaaneqarfik ilinniagaqassuseq tunngavigalugu peqqinnissakkut sullissinermi immikkoortortaavoq arfinilinnik sulisulik. Oqartussaqarfinnut allanut peqqinnissakkullu sullissisunut, peqqinnissamut tunngasutigut ilaatigut pinerlineqarsimasinnaaneq paasiniarlugu toqusunik misissuinernut, nappaatit tuniluuttut siaruatsaalineqarnissaannut sulianullu upalungaarsimanissamut avatangiisinillu mingutitsinermut tunngasunut siunnersuisarpugut. Tamatuma saniatigut Kalaallit Nunaanni nakorsaavinnik peqqinnissakkullu sullissisunik nakkutilliisuuvugut maalaarutillu suliarinissaat isumagisarlugu.  
 
Immikkut ilisimasalittut misiliininni nakorsatut sulinissanni, sukumiisumik ilinniartinneqareernikkut immikkoortortami immikkoortut iluanni assigiinngitsunik annertuunik, ilaatigut oqartussaqarfinnik allanik siunnersuinermik kiisalu peqqinnissakkut sullissisunik nakorsaavinnillu nakkutilliinermik suliakkerneqassaatit. 
 
Immikkoortortami nikittaalluni oqarasuaatikkut attaveqaataanermi, soqutigisanik inuiaqatigiinni innuttut atukkat innuttaasullu peqqissusaannut tunngasunik annertuunik, ilaatigut saaffiginnissutinut assersuutigalugu nappaatinut tuniluuttunut, avatangiisinik mingutsitsinermut peqqinnissamilu inatsisilerinermut tunngasunik isumaginneqataassaatit. 
 
Suliassat assigiinngiiaartuupput siumullu ilisimareeruminaatsuullutik. Kissaatitit piginnaasatillu apeqqutaatillugit allanik suliaqarsinnaaneq aamma periarfissaavoq.  
 
Sapaatip akunneranut nalunaaqquttap akunneri 40-it suliffiusarput. 
 
Ilinniakkat misilittakkatillu:
Nakorsatut tunngaviusumik sulineq naammassereersimassavat peqqinnissaqarfimmilu sulinermik misilittagaqareersimaguit iluaqutaassaaq. 
 
Inuttut piginnaasatit:

  • Inuiaqatigiinni inuttut atukkat innuttaasullu peqqissusaat pillugit immikkut ilisimasalittut sulinissaq nakorsaanermullu tunngatillugu allaffissornikkut ingerlatsineq alapernaaffigaatit. 
  • Suleqatiginnissinnaassuseqarluarputit ilinniakkallu akimorlugit ulapaarfiusimik avatangiiseqarneq nuannaralugu. 

Neqeroorutigut: 

  • Suliap isumallip nakorsatut ilinniakkavit inuiaqatigiinni innuttaasut inuttut atugaanniit peqqissusaanniillu isigalugu immikkut ilisimasalittut atorsinnaanissaa. 
  • Suliaq unammilligassalik, oqartussatut iliuuseqarnermik oqartussaqarfiillu allat susassaqarfianni ajornartorsiutinik aporaaffiusinnaasunillu avaqqutaarinissamut ilinniarfissat. 
  • Suliaq sumulluunniit atatillugu naapertuuttunik aaqqissuussaanikkut inatsisinullu peqqinnissamut tunngasunut piginnaasaqalernissamut annertuunik ilikkagaqarfissaq. 

Atorfininnermut tunngasut:
Ukioq ataaseq atorfik inuiaqatigiinni inuttut atukkat innuttaasullu peqqissusaat pillugit immikkut ilisimasalittut misiliineq pigaartuuffiusanngitsoq.
 
Atorfik 2019-imi september-ip aallaqqaataaniit inuttassarsiuunneqarpoq. 
 
 
Akissarsiat atorfininnermilu atugassarititaasut:
Akissarsiat atorfininnermullu atatillugu atugassarititaasut tamatumunngalu atatillugu akiliunneqarluni angalanissamut pequtillu angallanneqarnissaannut pisinnaatitaaffeqarnermut tunngatillugu, atorfininnerup nalaani Namminersorlutik Oqartussat kattuffiullu isumaqatiginniarsinnaatitaasup akornanni isumaqatigiissut atuuttoq naapertorneqassaaq. 
 
Najugaq:
Maleruagassat qaqugukkulluunniit atuuttut malillugit atorfimmut atatillugu utaqqiisaasumik najugassaqartitsisoqarsinnaavoq, najugassaqartitsiviugallartup ingerlanneranut tunngasunik akileeqataanissamut piumasaqartoqarsinnaalluni kiisalu malittarisassat malillugit pisatsersuinermut akileeqataanissamut aamma piumasaqartoqarsinnaalluni. Utaqqiisaasumik najugassaqartitsivik atorfeqarunnaarnermi qimanneqassaaq. Sulisorisap attartukkani atornerlussimassagaluarpagu tamannalu inigisamiit anisitaanermik kinguneqarsimappat, inissiamik allamik utaqqiisaagallartumik tunniussisoqassanngilaq.
 
Paasissutissat sukumiinerusut: 
Nunatsini Nakorsaaneq Henrik L Hansen, oqarasuaatikkut: +299 553561 attavigalugu pissarsiarineqarsinnaapput.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk