Skip to main content
106

Dette jobopslag er udløbet

Nunatsinni immap naqqani uumassuseqarnermut ilisimatusartartoq/Seniorforsker

Kalaallit Nunaanni Silap Pissusianik Ilisimatusarfik (GCRC) Pinngortitaleriffimiittoq immap naqqani uumassuseqarnermut ilisimatusarnermik/seniorforskerimik qunnuteqaqqusilluni matumuuna kaammattuivoq.

Silap Pissusianik Ilisimatusarfik Kalaallit Nunaanni kangerluit Nunattalu imartaani alaatsinaalluni nakkutilliinissaminut assigiinngitsunut pingasunut akisussaasuuvoq, imartat qanoq issusiat uumasoqarnerallu piffissap sivisuup iluani nakkutigisartussaavai. GCRC ineriartortitsillunilu ilinniartitsinernik neqerooruteqartarpoq, Danmarkimi nunatsinnilu pisortanut ilisimatuussutsikkut siunnersuisussaatitaanermut suleqataasarluni.

Atorfinittup avataani immap naqqani uumasunik nakkutilliiginnarani ilisimatusarnermut ingerlatanik ineriartortitseqataasussaavoq. Atorfinittussap ilisimatusartartut nunanit tamalaaneersut suleqatigilissavai, immami uumasoqatigiiaanik immallu naqqanut tunngasunik ilisimatusarnernik annertuunik ingerlatsiviusumiilissagami, immap assigiinngiiaarnerata piffissami sumiiffimmilu allannguutai, Issittullu inunnik sunnertinneqarnerata kingunerisaanik allannguutai paasiniaaffigisalissagai anguniakkanut aamma ilaavoq.
Atorfik aqqutigalugu pissanganartumik sunneeqataanissamut periarfissaqartitsiutigaluni, ilisimatusarfigisamut pissanganartumut tunniussaqarnissamut periarfissiivoq, pisortat ingerlatsinerinut tunngatillugu pingaaruteqaraluttuinnartumut innuttaasullu akornganni piujuartitsisumik immami pissarititaasut atorluarneqarnissaasa eqqumaffigineqaraluttuinnarfianni tunniusseqataaffiusussaavoq. Suliassallu tamakkiisumik suliarisinnaanissaat anguniarlugu GCRC-mi aammalu Pinngortitaleriffimmi atortut atorneqarsinnaasussaapput, matumani ilisimatuussutsikkut umiarsuassaq nutaaq (RV Tarajoq) immallu naqqani paasissutissat pissarsiarineqareersimasorpassuit atorneqarsinnaasussaapput.

Akisussaaffigineqartut
Atorfinittussap suliassai
• Pinngortitaleriffiup immap naqqanik nakkutilliinissaanik aqutsinissaq (immamik misissugassanik tigusisarnerit nunap immami killeqarfianiit immap naqqani sivinganerit Tunumiittut Kitaaniittullu 60-miit 73°N avannarpasissuseq tikillugu.)
• Katersanik naliliinerit nalunaarsuinerillu, immallu naqqani uumasut pillugit pisortanik siunnersuisarnerit.
• Ilisimatuussutsikkut paasisat atorlugit, nittarsaallugit, paasissutissiissutigalugillu.
• Silap Pissusianik Ilisimatusarfiup ilumini avataanilu suleqatiginnittoqarneranik ineriartortitseqataanissaq.
• Nunani tamalaani piumasaqaatit qaffaseqataanik ilisimatusarnermik suliaqarnissaq.
• Naafferartumik avataani ilisimatusarluni nakkutilliillunilu angalasarnissat.
• Nunani tamalaani ilisimatuussutsikkut kattuffinnut attaveqatigiinnullu peqataasarnissaq, soorlu Circumpolar Biodiversity Monitoring Programme, CBMP

Piginnaasassat
Sulilersussaq marinbiologimi marinøkologimiluunniit ph.d-mik allagartaqassaaq. Ilisimatusartartut taamannak allagartaqaleqqammersuttaaq atorfimmut qinnuteqarnissaannut kaammattuisoqarpoq. Sulisussamik toqqaaniarnermi makku pingaartinneqassapput:
• Alaatsinaanniarnermi suliaqarnermik misilittagalik
• Ilisimatusarnermut periarfissarisat, ilisimatusarnissamullu takorluugaqarneq.
• Ilisimatuussutsikkut paasisat atornissaasa, nittarsaannissaasa attaveqaatiginissaasalu pisinnaasaqarfiginissai.
• Nunanut tamalaanut nallersuuttumik ilisimatuussutsikkut suliaqarsinnaaneq.
• Ilisimatuussutsimut tunngasutigut aningaasalersuisussanik pissarsillaqqissuunissaq.
• Silap Pissusianik Ilisimatusarfiup ilumini avammullu suleqateqarneranut ineriartortitseqataasinnaassuseqarneq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk