Skip to main content
122

Dette jobopslag er udløbet

Nunatsinni immap naqqani uumassuseqarnermut ilisimatussartartoq/Seniorforsker

Nunatsinni immap naqqani uumassuseqarnermut ilisimatusartartoq/Seniorforsker

Kalaallit Nunaanni Silap pissusianik Ilisimatusarfik, (GCRC) Pinngortitalerfimmiittoq immap naqqani uumassuseqarnermut ilisimatusartartumik/seniorforskerimik qinnuteqaqqusilluni matumuuna kaammattuivoq. Silap Pissusianik Ilisimatusarfik Kalaallit Nunaanni kangerluit Nunattalu imartaani alaatsinaalluni nakkutilliinissaminut assigiinngitsunut pingasunut akisussaasuuvoq, taakkunani qanoq issusiat uumasoqarnerallu piffissap sivisuup iluani nakkutilliisussaatitaagami. GCRC ineriartortitsillunilu ilinniartitsinernik neqerooruteqartarpoq, nunatsinnilu pisortanut ilisimatuussutsikkut siunnersuisussaatitaanermut suleqataasarluni.  

Atorfik ilinniarsimasumut, nunanilu tamalaani akuerineqartumik ilisimatusariaasilimmut naatsorsuussaavoq, issittumullu tunngasunik annertuumik ilisimasaqartumut. Atorfinittup avataani immap naqqani uumasunik nakkutilliiginnarani ilisimatusarnermut ingerlatanik ineriartortitseqataasussaavoq. Atorfinittussap ilisimatusartartut nunanik tamalaaneersut suleqatigilissavai, immami uumasoqatigiiaanik immallu naqqanut tunngasunik ilisimatusarnernik annertuunik ingerlatsiviusumiilissagami, immap assigiinngiiaarnerata piffissami sumiiffimmilu allannguutai, Issittullu inunnik sunnertinneqarnerata kingunerisaanik allannguutit paasiniaaffigisarnissai aamma anguniagaapput.

Atorfik aqqutigalugu pissanganartumik sunneeqataanissamut periarfissaqartitsiutigaluni, ilisimatusarfigisamut pissanganartumut tunniussaqarnissamut periarfissiivoq, pisortat ingerlatsinerinut tunngatillugu pingaaruteqaraluttuinnartumut innuttaasullu akornganni piujuartitsisumik immami pissarititaasut atorluarneqarnissaasa eqqumaffigineqaraluttuinnarfianni tunniusseqataaffiusussaavoq. Suliassallu tamakkiisumik suliarisinnaanissaat anguniarlugu GCRCimi aammalu Pinngortitaleriffimmi atortut atorneqarsinnaasussaapput, matumani ilisimatuussutsikkut umiarsuassaq nutaaq (RV Tarajoq) immallu naqqani paasissutissat pissarsiarineqareersimasorpassuit atorneqarsinnaasussaapput.

Akisussaaffigineqartut

  • Pinngortitaleriffiup immap naqqanik nakkutilliinissaanik aqutsinissaq. Immamik misissugassanik tigusisarnerit nunap immami killeqarfianiit immap naqqani sivinganerit Tunumiittut Kitaaniittullu 60imiit 73° N avannarpasissuseq tikillugu.
    Katersanik naliliinerit nalunaarsuinerillu, immallu naqqani uumasut pillugit pisortanik siunnersuisarnerit. Kalaallit Nunaannilu immap naqqa pillugu ingerlatsinermut pilersaarut siullerpaaq maannakkut suliarineqaleruttorpoq.
  • Ilisimatuussutsikkut paasisat atorlugit, nittarsaallugit, paasissutissiissutigalugillu.
  • Silap Pissusianik Ilisimatusarfiup ilumini avataanilu attaveqaataasa ineriartortinneqarnissaannut suleqataanissaq.
  • Nunani tamalaani piumasaqaatit qaffaseqataanik ilisimatusarnermik suliaqarnissaq.
  • Naafferartumik avataani ilisimatusarluni nakkutilliillunilu angalasarnissat.
  • Nunani tamalaani ilisimatuussutsikkut kattuffinnut attaveqatigiinnullu peqataasarnissaq, soorlu Biodiversity Monitoring Programme, CBMP ‍

Piginnaasassat
Sulilersussaq marinbiologimi marinaøkologimiluunniit ph.d-mik allagartaqassaaq, immallu naqqani uumasunik/uumasoqatigiiaanik ilisimatusarnissamut nakkutilliinissamullu misilittagaqassalluni.  Issittumi sulisimasut piumaneqarnerussapput, immikkulli piumasaqaataanngilaq.

Sulisussamik toqqaaniarnermi makku pingaartinneqassapput:

  • Ilisimatusarnermut periarfissarisat, ilisimatusarnissamullu takorluugaqarneq.
  • Ilisimatuussutsikkut paasisat atornissaasa, nittarsaannissaasa attaveqaatiginissaasalu pisinnaasaqarfiginissai.
  • Nunanut tamalaanut nallersuuttumik ilisimatuussutsikkut suliaqarsinnaaneq.
  • Ilisimatuussutsimut tunngasutigut aningaasalersuisussanik pissarsillaqqissuunissaq.
  • Silap Pissusianik Ilisimatusarfiup ilumini avammullu suleqateqarneranut ineriartortitseqataasinnaassuseqarneq.

Akissarsiassat atugassarititaasullu:
Akissarsiassat atugassarititaasullu eqqarsaatigissagaanni, sulilernermi soraarnermilu angalanissaq, pigisallu nassiunnissaat, Namminersorlutik Oqartussat atorfinittullu kattuffiata akunneranni isumaqatigiissutaasut malillugit ingerlanneqassapput.

Ineqarneq
Atorfimmut atatillugu pisatsersugaanngitsumik inissaqartitsisoqassaaq aalajangersakkat atuuttut malillugit. Ineqarnermut akiliut siumoortumillu qularnaveeqqusiissutit, initaarnermi malittarisassat malillugit pissapput. Inigisaq atorfininnermut attuumassuteqarmat atorfeqarunnaarnermi qimanneqartussaavoq.
Ineqarnermut akiliut, inigisallu pitsaassusia inigisap nutaanngissusia, kikkunnillu pigineqarnera malillugu pitsaassutsimikkut assigiinngittaqaat. Atorfik aqqutigalugu initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaavoq, najugaqatigiiffinniissinnaasumi, imaluunniit hotelip ineqarfiutaaniusinnaallu, taamaattoqartillugulu akileraarutaasussaapput.

Itinerusumik paasisaqarniaruit
Itinerusumik paasisaqarniaruit immikkoortortaqarfimmi pisortaq Mie Winding attavigisinnaavat uunga: miwi@natur.gl imaluunniit +299 361238

Qinnuteqarnissamut killissarititaavoq: 1. juli 2021

Qinnuteqaat nassiuguk, CV, ilinniarsimanermut pikkorissarsimanermulluunniit uppernarsaatit, paasissutissallu piukkunnarsinnaasut kiggiuteriarlugit una toorlugu nassiussinnaavatit ”Qinnuteqaateqarit”.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk