Skip to main content
155

Dette jobopslag er udløbet

Nunanut allanut, Niuernermut, Inuussutissarsiornermut Silallu pissusaata allanngorarneranut Naalakkersuisoqarfik, Naalakkersuisoqarfimmi pisortassarsiorpoq

Oqartussat aqutsisumik misilittagalimmik nunarsuarmioqatigiinni suliaqarnermi isumaqatigiinniarnermillu misilittagaqarnermi uppernarsaammik takutitsisinnaasumik Namminersorlutik Oqartussani Nunanut allanut, Niuernermut, Inuussutissarsiornermut Silallu pissusaata allanngorarneranut Naalakkersuisoqarfik pisortassarsiorpoq.  

Nunanut allanut politikkikkut tunngasortaani naalakkersuisoqarfimmi pisortatut nunarsuarmioqatigiinni aammalu nunarsuarmioqatigiinnik pitsaasumik attaveqarnissaq ingerlatseqataaffigissavat. Niueqatigiinnermi isumaqatigiissutit eqqarsaatigalugit Kalaallit Nunaata nammineerluni nunanut allanut-, sillimaniarnikkut- aammalu illersornissamut politikkimi isumaqatigiinniarsinnaanerup ineriartortinnissaa Naalakkersuisut kissaatigaat.
Inuussutissrsiornermut tunngatillugu nuna tamakkerlugu imminut napatittumik ineriartornissamut pilersitsinissamut Naalakkersuisut anguniagaqarnerata inerisarnissaanut qitiusumik akisussaaffeqassaatit. Tamanna qularnaatsumik toraaqgaqarnikkut ingerlanneqassaaq, taamaalilluni maanna inuussutissarsiornikkut suliaareersut amerlasuut atortuulersinneqarlutillu inerisarneqarniassamata. Tamannalu ilutigalugu nutaaliorsinnaanermut pilersitsisinnaassaatit, taamaalilluni inuussutissarsiutit nutaat mikinerusullu, soorlu takornarialerinikkut, nutaaliornikkut aammalu nunap atugassarititaanik avammut niuernissat ineriartortinnissaat pitsaasumik sinaakkutassaqartikkumallugit.
Naalakkersuisoqarfiup ulluinnarni aqunneqarneranut Naalakkersuisunullu siunnersuisarnerni Naalakkersuisoqarfimmi pisortaq qullerpaatut akisussaasuussaaq, makku ilanngullugit:

  • Politikkikkut aqutsisunut aalajangiinissamut toqqammavissanik suliaqarneq politikkikkullu aalajangigaasut tunaartalimmik naammassisaqarfiusumillu atortuulersinnissaanik ukkatarinninneq
  • Politikkikkut aqutsisunut aalajangiiffigisassatut tunngavissanik suliaqarneq, tassani anguniakkamik takussutissartalimmillu naammassisaqarnissamut ukkatarinninneq aallaavigalugit
  • Naalakkersuisoqarfiup naalakkersuisoqarfinnut allanut, pisortaqarfinnut, suliassaqarfinnut alliunerusunut, suliffeqarfinnut, suliassaqarfinnullu alanut suliassanik suliarinninnerisa ataqatigiissarneqarnerat taakulu pitsaasumik suleqatiginissaannut aallarnisaasuunissaq
  • Nunarsuarmioqatigiinnut attaveqarnermi Kalaallit Nunaata soqutigisaani Naalakkersuisup akisussaaffigisaani ataatsimut ingerlatsineq.

Aaqqissuussaaneq
Nunanut allanut tunngassutilinni, Inuussutissarsiornermut Niuernermullu Naalakkersuisoqarfimmi inuit atorfeqartinneqartut 30-it missaanniipput. Naalakkersuisoqarfik makkunannga immikkoortortaqarfeqarpoq; Inuussutissarsiornermut immikkoortortaq, Nunanut allanut immikkoortortaq, Allattaavinik ingerlatsineq, Inatsisearnermut/Allaffissornermut immikkoortortaq, København, Bruxelles, Washington DC, Reykjavik aamma Beijingimi Sinniisoqarfiit kiisalu Atuisunut Unammilleqatigiinnermullu pisortaqarfik.

Aaqqissuussaanermi pilersaarut naalakkersuisoqarfiullu suliassaasa allat il.il. allaaserineqarneri uani takuneqarsinnaapput www.naalakkersuisut.gl.

Piginnaasassatut piumsaqaatit
Atorfiup inuttalerneqarnissaanut makku tunaartarineqassapput; Ilinniagaq ingerlaqqiffiusoq naleqquttoq taamatullu naalakkersuisoqarfimmi tamakkiisumik ilaannaortumilluunnit suliassatigut ilisimasaqarneq. Taakku saniatigut makku pingaartinneqarput:  

  • Suliffeqarfimmi politikkikkut aqunneqartumi sulinermik misilittagaqarneq, aammalu aningaasaqarnerup aqunneqarneranut akisussaaneq
  • Kalaallit Nunaanni inuiaqatigiinnut ilisimasaqarneq
  • Kalaallisut, danskisut tuluttullu ikkarnaateqanngitsumik piginnaaneqarneq
  • Naalakkersuisoqarfiup suliassaqarfiinik misilittagaqarneq ilisimasaqarnerlu
  • Naalakkersuisut, Inatsisartut Kommunillu akornanni ataqatigiinnermut ilisimasaqarluarneq
  • Ingerlatsinermi apeqqutinut, nunarsuarmioqatigiit ingerlanerinut naalagaaffiillu inatsisitigut ingerlanerinut apeqqutini misilittagaqarneq
  • Aqutsinermi pisinnaasat pitsaasut, tassunga ilaallutik suleqatinik ineriartortitsinissamut, suliassanik pingaarnersiuisinnaaneq taamatullu sulinermik aaqqissuussinermi anguniagaqarluarsinnaaneq
  • Aqutsinissamut, ataqatigiissaarinermut suliniutillu annertunerusut pitsaasumik ingerlannissaannut piginnaasaqarneq
  • Attaveqaqatigiinnermut, isumaqatigiinniarnermut suleqatigiinnermullu piginnaasat pitsaasut

Qaninnertut pisortarisaq
Naalakkersuisut politikkikkut anguniagaat naalakkersuisoqarfimmut attuumassutillit, suliaqarfimmut ingerlatsineq taamatullu naalakkersuisoqarfiup ingerlanneranut Naalakkersuisoqarfimmi pisortap Nunanut allanut, Niuernermut, Inuussutissarsiornermut Silallu pissusaata allanngorarneranut Naalakkersuisoq qaninnertut pisortarissavaa. Naalakkersuisoqarfinnik allanik suleqateqarnermi ataqatigiissaarinermi naalakkersuisoqarfiullu allaffissornikkut anguniakkani, sinaakkusersuinermi, periutsini aammalu pitsaassutsinut piumasaqaatini il.il. naalakkersuisoqarfimmi pisortap qaninnertut pisortarissavaa Naalakkersuisut Siulittaasuata Naalakkersuisoqarfiani pisortaq.

Isumannaallisaanermi akuerineqarneq
Atorfimmut tiguneqassagaanni piumasaqaataavoq malittarisassat atuuttut malillugit isumannaallisaanermi akuerineqarnissaq. Taamaattumik aallaqqaammut pinerlussimannginnermut uppernarsaat ilanngullugu nassiutissavat. Taanna akeqanngitsumik sumiiffigisanni politeeqarfimmut piniarneqarsinnaavoq, imaluunnituani aaneqarsinnaalluni www.politi.dk/bestil/bestil-straffeattest.

Atorfininnermi atugassarititaasut
Atorfik piffissami ukiuni sisamani killissaleriikkami inuttalerneqarnissaa kissaatigineqarpoq, piaarnerpaamik isumaqatigiissuteqarnikkulluunnit aallartittoqassalluni. Atorfik maannakkorpiaq inissinneqarsimavoq LR 39/40.

(LR 39-imi) aningaasarsiat tunngaviusumik annertussuseqarput: Aprilip aallaqqaataa 2021 qaammammut 85,016,00 kr. ukiumullu 1.020.200 kr. taakku saniatigut soraarnerusutisiassat.

Aallaavittut atorfinitstitsinermi isumaqatigiissut aallaaviusssaaq, qinnuteqrtorlu tjenestemanditut atorfeqareersimaguni nunatsinni oqartussat kommunillu tjenestemandit pillugit Inatsisartut inatsisaat malillugu atorfinitsitsineq tjenestemanditut atugassarititaasut aapertorlugit atorfinitsitsisoqarsinnaavoq.

Naalagaaffiup ataani atorfeqartut isumaqatigiissutaasimasut naapertorlugit aningaasarsiaqarnatik sulinngiffeqarnissamut periarfissinneqarnikuupput. Tjemestemanditut isumaqatigiissutilluunnit naapertorlugit atorfeqaruni soorlulusooq kattuffik AC isumaqatigiissutigisimasaanitut soorlu DJØF Finansministeriap akornanni isumaqatigiissut
Qallunaat nunaanni nunap iluani pissutsinut ministeriap innersuussutigivaa Kalaallit Nunaanni Namminersorlutik Oqartussat ataanni atorfinikkumallutik qinnuteqartut sapinngisamik akissarsiaqaratik sulinngiffeqarniarlutik qinnuteqarpata akimmisaarfigineqassanngitsut, sulinngiffeqarnissamut isumaqatigiissutit qinnuteqartup inooqataanut assingusumik aamma atuutissapput.
Akissarsiat atofininnermilu atugassarititaasut, tassunga ilaallutik atorfininnermut atatillugu angalaneq pisattallu nassiunneqarneri, atorfininnermu Namminersorlutik oartussat kattuffiullu isumaqatiginninniarsinnaatitaasup isumaqatigiissutai atuuttut naapertorlugit ingerlanneqassapput.
Atorfimmut tunngatillugu sivisunerpaaffilerneqanngilaq, taamaalilluni sivisunerusumik sulinermut, sulinngiffeqaataasussaagaluartullu annaaneranut ajunngitsorsiassaqartitsisoqarani, nalinginnaasumilli sapaatip akunneranut nalunaaquttap akunneri 40-it suliffiupput.

Ineqarneq
Atorfimmut atatillugu inissaqartitsisoqarsinnaanngilaq. Qinnuteqartorlu Namminersorlutik Oqartussat ataani atorfeqarnermini inissaqartinneqareersimaguni sulisutut inissiaq tigummiinnarneqarsinnaavoq. Sulisunut inissiaq atorfeqarnermut atasuuvoq, atorfeqarunnaarnermilu qimanneqartariaqarluni.

Qinnuteqarnissamut killiliussat il.il.
Atorfik iserfissaq ataaniittoq iserfigalugu qinnuteqarfigineqassaaq, tassani qinnuteqaat, cv, soraarummeersimanermut uppernarsaatit paasissutissallu pisariaqarsinnaasut ilanngunneqarsinnaallutik. Qinnuteqartut piukkunneqartut naatsorsuustigissavaat misilittaaffigineqarnissartik. Naatsorsuutigineqarpoq qinnuteqartoq isumannaallisaanikkut akuerineqarsinnaassasoq.
Atorfimmut tunngatillugu paasissutissat sukumiinerusut pissarsiarineqarsinnaapput uunga Siulittaasup Naalakkersuisoqarfiani pisortaq Hans-Peder Barlach Christensen – mail: hape@nanoq.gl.

Qinnuteqarfissaq killeqarpoq ulloq 10. juni 2021 nalunaaqutaq 12.

Qinnuteqaat, CV, ilinniarsimanermut- pikkorissarsimanermullu uppernarsaatit paasissutissallu allat attuumassuteqarsinnaasut ”qinnuteqaat nassiuguk” toorlugu nassitikkit.

E-mail aqqutigalugu qinnuteqaatinik tigusisinnaanngilagut.
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk