Skip to main content
128

Dette jobopslag er udløbet

Nunanut allanut kiffartuussivimmi allaffeqarfimmi pisortat marluk

Nunanut allanut politikki nunarsuarmilu suleqatigiinneq soqutigaajuk? Kalaallit Nunaanni nunanut allanut kiffartuussivimmi annertusiartortumi sulinermik ingerlataqarusuppit?
 
Nunanut allanut, Inuussutissarsiornermut Niuernermullu Naalakkersuisoqarfik allaffimmi pisortassanik marlunnik piaartumik isumaqatigiissuteqarnikkulluunnit sulilersussamik sulisussarsiorpoq.
 
Kalaallit Nunaata kunngeqarfimmi soqutigisai, nunarsuarmioqatigiinni suleqataaneq aammalu nunarsuarmioqatigiinni oqalliffiit assigiinngitsut Kalaallit Nunaanni nunanut allanut kiffartuussivimmiit suliarineqartarput. Suleqatissatsinnik pikkorissunik misilittagalinnillu marlunnik, naalakkersuisoqarfimmi pisortat akornanni suleqataasussanik sulisussarsiorpugut. Nuummi allaffeqarfeqassapput kingusinnerusukkut sinniisoqarfiit arlaannut aallartitaasinnaaneq soqutiginartissavat/piareersimaffigissavat. Allaffimmi pisortat immikkoortortaqarfimmi suliassat suleqatigiissutigissavaat, ilaatigut immikkoortortaqarfimmi sulisut siulersortuuffiginissaat taavalu sinniisoqarfiit sisamaasut attaveqaqatigiinneri ingerlallugu. Allaffiup pisortai Naalakkersuisoqarfimmi pisortaanermut toqqaannaq attaveqartarput, Naalakkersuisoqarfimmilu pisortaqatigiinni peqataasarlutik.
 
Nunanut Allanut immikkoortortaqarfik pillugu
Nunanut allanut aaqqissuussaanikkut Nunanut Allanut, Inuussutissarsiornermut Niuernermullu Naalakkersuisoqarfimmi akuuvoq. Nunanut Allanut, Inuussutissarsiornermut Niuernermullu Naalakkersuisoqarfimmi makku immikkoortortaapput, Inuussutissarsiornermut Immikkoortortaqarfik, Nunanut allanut Immikkoortortaqarfik aammalu Inatsisilerinermut/Allaffissornermut Immikkoortortaqarfik, Bruxellesimi, Washington D.C.-mi, Reykjavikimi aammalu Beijingimi Sinniisoqarfiit kiisalu Atuisoqarnermut Unammilleqatigiinnermullu aqutsisoqarfik naalakkersuisoqarfimmit avataani inissisimasoq.
 
Nunanut Allanut immikkoortortaqarfik Kalaallit Nunaata soqutigisaanik nunani tamalaani ingerlanneqartunik suliassanik isumaginnittuuvoq kiisalu suliatigut naalakkersuisoqarfiit nunani tamalaani ingerlataannik ataqatigiissaarisoq aqqutissiuisorlu. Namminersorlutik Oqartussat nunani avannarlerni Issittumilu suleqatigiinnerni peqataapput tassunga ilanngullugit Issittumi Siunnersuisoqatigiit kiisalu NP-imi ingerlatat soorlu Inuit pisinnaatitaaffii pillugit siunnersuisoqatigiit aamma NP Nunat Inoqqaavisa pillugit suliassanut Permanent Forumiat. Immikkoortortaqarfik aammattaaq nunat tamat akornanni niueqatigiinneq pillugu politikki, ilaatigut niuernerulernissaq pillugu isumaqatigiissutinik isumaqatigiinianerit akisissaaffigaa. Namminersorlutik Oqartussat aamma Kalaallit Nunaannut attuumassuteqartuni illersornissamut sillimaniarnikkullu politikkikkut apeqqutinut pimoorussillutik peqataapput.
 
Ilissi suliassasi
Immiikkoortortaqarfimmi suliassat tassaapput sulisut qulingiluat missaanniittut pisortaaffiginissaat, sinniisoqarfinnut ikiuineq ataqatigiissaarinerlu kiisalu Nunanut allanut Naalakkersuisoq aamma naalakkersuisoqarfimmi pisortaanermut sullissineq.
Naatsorsuutigissavarsi ulapaarfiusumi soqutiginarluinniartumilu sulinissarsi, suliarpassuit assigiinngiataartut politikkikkut aallaavillit, allaffissornertigullu isumagisariallit. Atorfimmi assigiinngiiartaartunik suliassaqartarpoq, annertuumillu akisussaaffeqarluni, taamaattumillu unnukkut sapaatillu akunnerisa naanerini sulisarnissaq naatsorsuutigineqassaaq. Suliat nikerarneri aallaavigalugit suliat assigiinngitsut suliarisarnissaat naatsorsuutigissavarsi, taavalu piffissap ilaanni suliassat tuaviuussassat takkuttassapput, pingaarnersiuillunilu tulleriaarisarnissat pisariallit suliarinisaat naatsorsuutigineqassalluni.
 
Immikkoortortaqarfimmi allaffimmi pisortat marluullutik suliai, Naalakkersuisup, soqutigisaqaqatigiilluni suliniaqatigiiffiit, nunani allani suleqatit, sinniisoqarfinni sulisut kiisalu Naalakkerrsuisoqarfimmilu sulisut akornanni qitiusumik inissisimapput. Tamanna isumaqarpoq allaffimmi pisortat inuttut aalajaatsuussariaqartut, pisortatut sulinermit misilittagaqartariaqartut, annertuumilllu nunatsinni nunallu tamalaani politikkikkut sulianik ilisimasaqarlutillu paasisimasaqartariaqartut, politikkikkut pingaarnersiunermi tulleriaarisarnernut tunngasunik paasisimasaqartariaqartut, allaffissornertigullu politikkerit aaliagigaannik atuutsitsinissamik ingerlatsisinnaasariaqartut. Allaffiup pisortaannut ulluinnarni suliassat unammillernartut pisortatut sulisinnaanermik, pingaarnersiuilluni tulleriaarisinnanermik, anguniakkamik angusaqarsinnaanermik, pitsaassutsimik isummaarisinnaanermik kiisalu oqaloqatigiissinnaanermik, sulisullu akornanni ataavartumik attaveqatigiissinnanermik, pisariaqartitsipput.
 
Allaffiup pisortai Naalakkersuisoqarfimmi pisortaqatigiinni peqataasarput, pisortaqatigiillu peqatigalugit Naalakkersuisoqarfiup suliffeqarfittut isumannaatsumik ingerlanneqarnissaanik isumannaarisussaapput. Naalakkersuisoqarfimmi pisortat suliffeqarfimmi akaareqatigiinnerup nukittorsartuarnissaa patajaatsuunissaalu pingaartippaat. Taamaattumillu ilissi allaffiup pisortaatut isummersuisarnissarsi, kaammattuisarnissat, sulianik agguaassisarnissarsi, nersualaarinnittarnissarsilu pisariaqarpoq. Sulisusi suliaminnik iluatitsilluartarnissaat aqqutissiussarsi, sulisullu ataasiakkaat suliaminik akisussaallutik ingerlatsisarnissaat salliutissavarsi, pingaartissavarsi allaffimmi sulinermi suliat sukkasuumik isumagineqartarnissaat, taamalilluni suleqatigiilluarnikkut atorneqarsinnaasunik patajaatsunillu angusaqartarnissaq isumannaarneqassalluni.
 
Pisinnaasat
Ingerlaqqiffiusumik ilinniagaqarpusi, ukiut arlariit pisortani suliffeqarfinniluunniit namminersortuni allaffissornermi pisortatut atorfeqarsimanermik misilittagaqarsimagussi iluaqutaassaaq.
Attaveqaqatigiittarneq pitsaassutsimillu isumannaarinnittarneq suliassarni pingaaruteqaqimmata, piumasaqaatigaarput oqallorissuunissarsi, minnerunngitsumik allattariarsornikkut.

Ilanngullugu naatsorsuutigaarput:

  • Pisortatut misilittagaqarnissat, pisortatut aqutsillaqqissuunissat
  • Politikkikkut aaliangiiniartarnerit ingerlariaasiat paasisimasaqarlutillu ilisimasaqarfigissagitit
  • Kalallit Nunanni nunanut allanut pissutsinik soqitiginnissasutit ingammik misilittagaqarnissaq
  • Ulluinnarni ulapaarfiusuni allanngorartunillu suliaqarfiusuni sungiusilluarsimanissaq
  • Sullissinissamut tunngatillugu aaqqissuussamik suliaqartarnissaq, suliakkiunneqartut piffissaq eqqorlugu tunniussinnaassallugit.
  • Suleqatigiissinnaassuseqarneq ulapaarfiusumilu eqqissilluni ukkissisinnaneq
  • Aaqqiissutissanik siunnersuisinnaaneq nuannersunullu eqqummaarinneq
  • Allaffissornertigut sammisatigut inuttullu unammillernartoqartillugu aaqqiissuteqarsinnaaneq
  • Politikkikkut sullissinermik aallaaveqarluni sulinermi malunnaatilimmik suliaqarsinnaaneq
  • Oqaatsinik piginnaasaqarneq - Kalaallit oqaasiinik, danskit oqaasiinik aamma tuluit oqaasiinik piginnaasaqarneq
  • Nunatsinni inuiaqatigiinni pissutsinut ilisimasaqarluarneq.

 
Neqeroortigaarput
Atorfik pissanganartoq kiffaanngissuseqarfilik nunarsuarmioqatigiinnillu tamanit soqutigineqartoq.
Suliffik ulapaarfiusoq, suleqatit pitsaasut, akunnerminnilu pingaartorsioratik attaveqatigeeriaasillit, suliffik suleqatigiit suliffigissaarnissaanik pimoorussilluni pingaartitalik.

Sillimaniarnikkut akuerisaaneq
Atorfimmut akuerisaanissamut piumasaqaataavoq maleruagassat naapertorlugit sillimaniarnikkut akuerisaanissat. Taamaattumik kaammattuutigissavarput siulliullugu pinerlussimannginnermut uppernarsaammik nassiusissasutit. Taanna najugaqarfinni politeeqarfimmi, imaluunniit internetikkut www.politi.dk/bestil/bestil-straffeattest pissarsiarisinnaavat.

Paasissutissanik annerusumik perusukkuit
Atorfik pillugu annertunerusumik paasissutissanik pissarserusukkuit naalakkersuisoqarfimmi pisortaaneq Mininnguaq Kleist tlf. +299 34 51 48 imaluunniit mikl@nanoq.gl attaveqarfigisinnaavat.
 
Qinnuteqarnissamut killigititaq
Qinnuteqaatit kingusinnerpaamik 17. oktober 2022 tigoreersimassavarput

Naatsorsuutigaarput atorfininnissaq 1. december 2022 imaluunniit piaarnerpaamik isumaqatigiissuteqarnerup kingorna.
Qinnuteqaat ilinniarsimasanut suliffigisimasanullu uppernarsaatit kiisalu pinerlussimannginnermut uppernarsat, soraarummeernermut uppernarsaatit nassiunneqassapput nittartakkami "qinnuteqaat nassiuguk" toorlugu.
 

Akissarsiat atorfeqartitaanermilu atugassarititaasut:
Atorfik akissaateqarfimmi LR 36-mi maanna inissisimavoq.

1. april 2022 LR 36-mi akissarsiat imak isumaqagitiissutigineqarnikuupput qaamammut  Kr. 47.777 ukiumullu Kr. 573.321 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniittut soorlu DJØF Finansministeriap akornani isumaqatigiissut. Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimmisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmi qaanngiuttoornermusiaqarsinnaavoq ukiumoortumut akunneri 320 qaanngersimagaani, qaammatinullu pingasunut avillugit 80-t, taammaatoq ulloq sulinngiffiusussaasoq annaagaanni ajunngitsorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunneqartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk