Find job
Dette jobopslag er udløbet
Nunanut Allanut, Inuussutissarsiornermut Niuernermullu Naalakkersuisoqarfik ilinniartunik ikiortissarsiorpoq
Nunanut Allanut, Inuussutissarsiornermut Niuernermullu Naalakkersuisoqarfik ilinniartunik ikiortissarsiorpoq
Ilinnut Kalallillu Nunaannut tunngatillugit anguniagaqarusukkuit, taava immaqa Nunanut Allanut, Inuussutissarsiornermut Niuernermullu Naalakkersuisoqarfimmi ilinniartutut ikiortitut atorfik ilinnoorpoq? Ilinniartutut ikiortitut ilinniagaqangaatsiassaatit immikkoortortaqarfinnilu nunami tamarmi ineriartortitsinissamik suliaqarfiusuni akuullutit aamma Kalaallit Nunaata nunani tamalaani nukittuumik inissisimalernissaanut qulakkeerinneqataallutit.
Atorfik pillugu:
Nunanut Allanut, Inuussutissarsiornermut Niuernermullu Naalakkersuisoqarfimmi, tassa Nunanut allanut immikkoortortaqarfittut aamma Inuussutissarsiornermut Niuernermullu immikkoortortaqarfittut atuunnerusumi atorfinissaatit.
Ilinniartutut ikiortitut immikkoortortaqarfimmi sulisut allat suliassanik ingerlatsineranni ikiuutaassaatit, ilaatigut suliassanik makkuninnga suliaqartarsinnaavutit:
• Politikkikkut allagaasianik suliaqarnermut ikiuutaaneq
• Ataatsimiinnerit annertunerusut assigisaasalu piareersarneqarnerannut ingerlanneqarnerannullu ikiuuttarneq il.il.
• Allatsitut suliassat suliarineri, assersuutigalugit ataatsimiinnermut piareersaanerit , imaqarniliornerit il.il.
• Naalakkersuisoqarfiup SoMe-ani aamma nittartagaani annertunerusunik suliaqartoqarnissaanik qulakkeerinninneq
• Suliassat nalinginnaasut, soorlu naqiterinerit, allagartat uppernarsaatit mappenut katersortarneri il.il.
• Nutserinerit annikitsut
• Suliassat allat takkussortut
Suliassanut aalajangersimasunut misilittakkatit piginnaasatillu apeqqutaasassapput.
Ilinnut tunngasut:
Ilinniartutut ikiortissamik tunniusimalluartumik pissarsiorpugut, kajumissuseqarluni suliassanik suliaqarusuttumik, eqaatsumik periusilik suliassanillu assigiinngitsorpassuarnik iluarsiisinnaasoq pissarsiarerusupparput. Kissaatigaarput illit:
• Bachelor-itut imaluunniit kandidat-itut ilinniartutit
• Sullisserusussuseqartutit aamma iliuuseqarusuttuullutillu allanngueqataarusuttutit
• Suleqatinik avataaniillu suleqatinik suleqateqallaqqissuusutit
Nunanut Allanut, Inuussutissarsiornermut Niuernermullu Naalakkersuisoqarfik pillugu:
Nunanut Allanut, Inuussutissarsiutinut Niuernermullu Naalakkersuisoqarfiup inuussutissarsiornermi niuernermilu politikkikkut suliniutinik pingaarnertut pilersaarusiorneq, misissueqqissaarneq aamma allaffissorneq isumagisarai. Kalaallit Nunaanni inuussutissarsiortunut pitsaasunik aalajaatsunillu tunngavissanut inerisaanissamullu piumasaqaatinik qulakkeerinninnissamut naalakkersuisoqarfik akisussaaffeqarpoq, ilaatigut inuussutissarsiornermut niuernermullu suliassaqarfimmi periusissanik immikkoortunullu politikinik suliaqartarnikkut.
Naalakkersuisut nunanut allanut politikkiannik Naalakkersuisoqarfik isumaginnittarpoq aamma nunanut allanut sillimaniarnikkullu politikkikkut pissutsinik kiisalu nalinginnaasumik nunani tamalaani pissutsinik Naalakkersuisunut naalakkersuisoqarfinnullu allanut siunnersuisarluni. Naalakkersuisoqarfik aamma nunani tamalaani ingerlataqartunik attaveqarnermut akisussaavoq imaluunniit akisussaaqataavoq.
Akissarsiat atorfeqartitaanermilu atugassarititaasut:
Kajumissutsiminnik sulisutut ilinniartutullu ikiortit il.il. akissarsiaat atorfinitsinneqarnerinilu piumasaqaatit pillugit malittarisassat 15. september 2016-imeersut.
Sulinerup sivisussusaa aallaavittut sapaatip akunneranut akunnerit 10-15-iupput ilinniarnerit apeqqutaalluni, kisianni tamanna isumaqatigiissutigineqarsinnaavoq. Misilitsinnernut assigisaannullu atatillugu eqaassutsimik neqerooruteqarpugut
Ineqarneq:
Atorfimmut atatillugu sulisunut inissiamik innersuussisoqarsinnaanngilaq.
Paasissutissat amerlanerusut:
Atorfik pillugu sukumiisumik paasisaqarnerorusukkuit Inuussutissarsiornermut Niuernermullu immikkoortortaqarfimmi pisortaq Marte Lona attavigisinnaavat ugguuna e-mail: mlon@nanoq.gl, imaluunniit Nunanut allanut immikkoortortaqarfimmiit Karsten Peter Jensen ugguuna e-mail: kpje@nanoq.gl.
Qinnuteqaat:
Soqutiginnippit? Taava qinnuteqaatit, cv aamma ilinniarnermut uppernarsaatit kingusinnerpaamik ulloq 30. april 2023 tigunissaat qilanaaraarput. Oqaloqatigiinnerit tullinnguuneqarumaarput. Ulloq atorfiniffiusussaq sapinngisamik piaartumik imaluunnit isumaqatigiissuseqarnikkut pissaaq.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job