Skip to main content
161

Dette jobopslag er udløbet

Nunamut Namminermut Immikkoortortaqarfik AC-fuldmægtigimik qinersinernik aqutsinermut akisussaasuusussamik sulisussarsiorpoq

Atorfik pilersinneqarlaaq, minnerunngitsumik Inatsisartunut qinersisarneq pillugu inatsit, 2020-mi novembarimi akuerineqartoq, naapertorlugu digitalimik allakkatigut taasinissamut periarfissat atuutsinneqalernissaannik qulakkeerinneqataasussaq, tassani pineqarpoq.
 
Inuk IT atorlugu suliniutinut ilisimasaqartoq ujartorparput. Suliniutitut suliassani immikkut ittuni Digitalimik Sullissinermut Aqutsisoqarfik, aqutsisooqatigiit, politikkikkut malinnaaqatigiit allallu peqatigalugit qinersinerup IT atorlugu periaatsimik piareersaataasumik misissueqqissaarnermi, neqeroortitsinermi atuutsitsilernermilu peqataassaatit. Aamma kommunimut qinersinermut inatsisip Inatsisartunut qinersisarneq pillugu inatsimmut naleqqussarlugu suliarineqarnerata siumut ingerlanissaa qulakkiissavat.
 
Pingaarnertigut akisussaaffigaat qinersinerup ingerlanneqarnissaata piareersarneqarnissaa aqunneqarnissaalu. Tamatuma saniatigut immikkoortortaqarfimmiittut allat peqatigalugit Naalakkersuisoq sullisissavaa kiisalu allaffissornikkut suliassanik suliarinninnermi nalinginnaasumi aammalu suliassat allat suliarineqarneranni peqataassallutit.
 
Nunanut Allanut Immikkoortortaqarfimmiipput immikkoortortaqarfimmi pisortap saniatigut atorfiit tallimat.
 
Immikkoortortaqarfiup akisussaaffeqarfii ilaatigut tassaapput

  • Kommunit immikkoortuini tamani aqutsinermut tunngasuni inatsisit malinneqarnerinik nakkutilliineq.
  • Inatsisartunut, nunaqqatigiit siunnersuisoqatigiivinut il.il. qinersinerit ingerlanneqarneri.
  • Nakkutilliisoqarfimmut allattaaneq.
  • Qinersinermut Ataatsimiititaliamut aamma Qinigaasinnaatitaanermut Ataatsimiititaliamut allattaaneq.
  • Naalakkersuinikkut Ataqatigiissaarisoqatiginnut allattaaneq.
  • Pinngitsaaliissummik taarsiinertalimmik arsaarinnissuteqartarnermut Ataatsimiititaliamut allattaaneq.

Tamatuma saniatigut immikkoortortaqarfik ilaatigut inatsisinut ukununnga akisussaasuuvoq

  • Kommunit aqunneqarnerat.
  • Inatsisartunut qinersineq.
  • Kommunalbestyrelsinut, najukkani ataatsimiititalianut, nunaqarfinni aqutsisunut ilagiillu sinniisaannut qinersineq.
  • Nunaqqatigiit siunnersuisoqatigiivinut qinersineq.
  • Eqqartuussivikkoortitsisarneq taarsiissuteqarlunilu arsaarinnittarneq.

Neqeroorutigaavut

  • Suliffik naalakkersuinikkut aalajangiisarnermut qanittumiittoq.
  • Suliffik sulinermi persuarsiorfiunngitsunik atugassaqarfiusoq, suliakkiisartunut qanittumik inissisimasoq tunniussisimalluartunillu suleqateqarfiusoq.
  • Ulluinnarni suliffiit assigiinngisaannartut.
  • Suliffik suliassanut sunniuteqarfigisinnaasat.
  • Inuttut suliatigullu ineriartornissamut periarfissat.

 
Naatsorsuutigaarput

  • Tulluuttumik ilinniagartuutut ilinniarsimassasutit.
  • IT atorlugu suliniutini piumasaqaatinik nassuiaanernik suliaqarnermik ilisimasaqartutit.
  • IT atorlugu suliniutinik suliniutinut aqutsinermut ilisimasaqartutit.
  • Kommunit silarsuaannik ilisimasaqassasutit.
  • Nunatsinni pissutsinik ilisimasaqassasutit.
  • Namminersorlutit suleqateqarlutillu sulisinnaaanissannut misilittagaqarsimassasutit..
  • Misissuillaqqissuussasutit aaqqissuussamillu pilersaarusiullaqqissuussasutit.
  • Oqaatsit arlallit atorlugit sulisinnaassasutit, tassanilu pingaartumik kalaallisut danskisut, tuluttullu oqaatsit piginnaasaqarfiginerat salliutinneqassaaq.

 
Taakku saniatigut pingaartipparput

  • Naalakkersuinikkut aqunneqartumik aaqqissuussaasumik ilisimasaqassasutit tassanilu sulinissamut naleqqussarsinnaassasutit.
  • Allattariarsornikkut paasinarsaallaqqissuussasutit.
  • Suleqatitit peqatigalugit ulluinnarni sulinissannik pilersaarusiorsinnaassaasutit aaqqissuussisinnaassasutillu.
  • Piffissat ilaanni ulapaarfiusumik avatangiiseqarlutit suliumassuseqassasutit tamatumunngalu peqatigitillugu ataatsikkut arlalinnik suliaqarsinnaassasutit.
  • Suleqatigiilluarnissaq anguniarnissaanut peqataarusussuseqartutit.
  • Angusaqarusussuseqarnissat, nassaarsiortuunissat ammasuunissallu uukkatariumasassagitit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut imaluunniit sulisartut isumaqatigiissutaat atorfininnerup nalaani atuuttut naapertorlugit ingerlanneqassapput.
Piffissaq suliffiusussaq tunngaviusumik sapaatit akunnerannut nal. ak. 40-nik sivisussuseqarpoq, maannamuugallartoq Nunamut NamminermutImmikkoortortaqarfimmi inissisimatinneqarluni.
 
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
 
Immikkoortortaqarfik atorfillu paasissutissat sukumiisut immikkoortortaqarfimmi pisortaq Klaus Georg Hansen oqarasuaat: 34 51 11-mut, e-mail: kgh1@nanoq.gl, saaffigalugu pissarsiarineqarsinnaapput.
 
Qinnuteqarnissamut killissarititaq: 18. februar 2022.
 
Piffissaq atorfiniffissaq: Sapinngisamik piaarnerpaamik, isumaqatigiissuteqarnikkulluunniit.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk