Isumaginninnermut, Suliffeqarnermut Nunamullu Namminermut Naalakkersuisoqarfiup Nunamut Namminermut immikkoortortaqarfia AC-fuldmægtigissarsiorpoq

Nunamut Namminermut immikkoortortaqarfik
Nunamut Namminermut immikkoortortaqarfiup Naalakkersuisut nunamut namminermut politikkiat pillugu allaffissorneq piviusunngortitsinerlu ulluinnarni isumagisarai. Immikkoortortaqarfik assigiinngissitaartunik suliassaqarpoq politikkikkut isummernissamut tunngavissianiit, nunamut namminermut suliassaqarfiup ineriartortinneranut allattoqarfimmillu kiffartuussinermut kommunit aqunneqarnerannut pissutsinut tunngatillugu pingaarnertut nakkutilliinermut.

Sutigut tamatigut aallussilluarsinnaasumik suleqatissarsiorpugut Nunamut Namminermut immikkoortortaqarfiup iluani suliassanik isumaginneqataasinnaasumik. Immikkoortortaqarfitsinni suleqatigiit aallussilluartut peqatigalugit suliassanik assigiinngissitaartunik soqutiginartunillu suliaqarnissannut periarfissaqassaatit.

Nunamut Namminermut Immikkoortortaqarfimmi pisortap saniatigut tallimanik atorfeqartoqarpoq.

Suliamik allaaserinninneq
Nunamut Namminermut Immikkoortortaqarfimmi AC-fuldmægtigitut immikkoortortaqarfiup suliassanik ingerlatsilluarnissaanik ineriartornermullu suliniutinik ingerlatsinissamut pingaarutilimmik inissisimassaatit. Atorfeqartutut immikkoortortaqarfimmi allat peqatigalugit Naalakkersuisorput kiffartuuttussaavat. Nunamut Namminermut tunngassuteqartunik assigiinngissitaartunik suliniuteqarnissamut suliaqarnissamullu periarfissaqassaatit siunissamullu ineriartortitsinissamut sunniuteqaqataassallutit.

Suliassat:

• Kommunit inatsisitigut immikkut pisinnaatitaasut pillugit suliniummi ataqatigiissaarisoq
• Qinersinermi digitalinngortitsineq
• Kommunit aaqqissuusaaneranik nalilersuinermut nakkutilliinermullu suleqataaneq
• Kommuninik nakkutilliineq
• Allaffissornikkut suliassanik suliarinnittarneq
• Suliffiup iluani avataanilu soqutigisaqaqatigiit attuumassuteqartut suleqatiginissaat ataqatigiissarnissaallu.
• Nunamut Namminermut Naalakkersuisup politikkikkut kiffartuunnissaa
• Suliassat aalajangersimasut

Piginnaasat:

• Suliamut pineqartumut ingerlaqqittumik ilinniagaqarsimasoq
• Suliffeqarfimmi politikkikkut aaqqissuussamik ingerlatsiviusumi misilittagaqarneq pitsaassuussaaq, ilinniarsimasunngorlaalli sulerusussuseqarluartut qinnuteqarnissaanik kajumissaarneqarput
• Suleqatiginnillaqqinneq suliassanillu naammassinninniarnissamut akisussaasuseqarneq.
• Ulluinnarni suliassanik assigiinngitsunik suliassaqarfinni ulapaarfiusunilu aaqqissuussamik, tulleriiaarinermik ataatsimillu isiginnissinnaanermik ingeerlatsisinnaaneq
• Suliassanik naammassinninniarnermi eqaatsumik periuseqarneq
• Allattariarsornikkut oqaluttariarsornikkullu saqqummiussillaqqissuuneq

Uagut neqeroorutigaavut: 

• Immikkoortortaq naalakkersuinikkut aalajangiisartunut qanimut suliffiusoq.
• Suliffik persuarsiunngitsumik ammasumillu sulinermi atugassaqarfiusoq sulilluartunillu sulisulik.
• Suliassat pissanganartut assigiinngissitaartullu ullullu tamaasa assigiinngitsunik suliassaqarfiusut.
• Inuttut suliamullu tunngasutigut ineriartorneq.

Tusarnissannut qilanaarpugut arlaatigullu Naalakkersuisunut sullissineq pillugu, Nunamut Namminermut immikkoortortaqarfiup suliassaqarfii suliffitsialappullu pillugit apeqqutissaqaruit piareersimavugut.

Namminersorlutik Oqartussani atorfeqarneq pillugu paasisaqarnerorusukkuit www.naalakkersuisut.gl. alakkartersinnaavat.

Aningaasarsiatigut atorfeqarnermilu atugassarititaasut
Akissarsiat atorfeqarnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut pisinnaatitaaneq, Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissutaasut atorfininnerup nalaani atuuttut naapertorlugit.
AC-fuldmægtigitut atorfinittoqassaaq, kanditatinulli piginnaassaminnik allagartaliisinnaasunut immikkut siunnersortitut atorfinitsitsisoqarsinnaavoq.

Ineqarneq
Atorfimmut atatillugu sulisutut ineqarnissamut innersuussinertaqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareersimaguni sulisutut inissiamik innersuussivigineqarnissaminik pisinnaatitaaffini attatiinnassavaa. Sulisutut inigisaq atorfeqarnermut tunngavoq, atorfeqarnerullu uninnerani qimanneqassalluni.

Qinnuteqaat, CV, ilinniarsimanermut aamma pikkorissarsimanermut uppernarsaatit kiisalu allagaatit attuumassutillit "Qinnuteqaat nassiuguk" toorlugu nassiutikkit.
E-mailikkut qinnuteqaatit suliarineq ajorpavut.
Immikkoortortaqarfik atorfillu pillugit paasisaqarnerorusukkuit immikkoortortaqarfimmi pisortaq Brandur Franklin Karlsson saaffigisinnaavat, oqarasuaat: +299 34 65 15, e-mail: brka@nanoq.gl.

Atorfiniffissaq: 01.08.23 imaluunniit isumaqatigiissuteqarnikkut.

 

Qinnuteqaat nassiuguk