Skip to main content
104

Dette jobopslag er udløbet

Nunami tamarmi ineriartortitsinermut peqataarusuppit qularnaareqataaffigalugulu Kalaallit Nunaata nunat tamalaat akornanni nukittuumik inissisimanissaanut?

Kalaallit Nunaanni inuussutissarsiutinik niunermilu ingerlatsinermik siuarsaanissamut akisussaaffimmik tigusinissamut piareersimasumik Inuussutissarsiornermut Suliffeqarnermullu Naalakkersuisoqarfik sulisussarsiorpoq . Suliassat taamaattut suleqataaffigerusukkukkit imaasinnaasoq Inuussutissarsiornermut Immikkoortortaqarfimmi suleqatitaarigitsigit.

Atorfik pillugu:.
Takornariaqarneqneq, sermimik imermillu avammut niueruteqarneq, nunat tamalaat akornanni niuernikkut nittarsaasineq, nunatsinni inuussutissarsiornikkut periarfissanik avammut nittarsaassineq, nunami namminermi inuussutissarsiornikkut politikki kiisalu kiffartuussinissamut isumaqatigiissutinik malitseqartitsisarneq Inuussutissarsiornermut immikkoortortaqarfimmi ilaatigut suliaraagut. Tamatuma saniatigut Visit Greenlandimut aamma Innovation Greenlandimut kiffartuussinissamut isumaqatigiissutinut immikkoortortaqarfik akisussaaffeqarpoq. Periusissianik ineriartortitsinerit, atortuulersitsisarnerit, sulianik ingerlatsinerit kiisalu suliassaqarfiit iluanni naalakkersuinikkut sullissineq siammasissumik ingerlanneqarput.

Suliaasaqarfitsinni pineqartuni immikkoortut ilaanni namminersorlutit akisussaaffimmik tigusinissamut piareersimassaatit. Ilaatigut makku suliassarilersinnaagakkit:

  • Naalakkersuinikkut ingerlatsisutsinnik sullissineq, Naalakkersuisut isummernissaannut tunngavissanik, allakkiat tunuliaqutaasunik, oqalugiaatissanik, § 37 naapertorlugu apeqquteqaatinut akissutissat il.il. suliaqarneq
  • nunatsinni inuussutissarsiornermik ingerlatsinermut atatillugu nunat tamalaat akornanni ussassaarineq
  • Nunat tamalaat akornanni niuernikkut nittarsaasinissamik pilersaarusiorneq ingerlatsinerlu
  • Immikkoortortaqarfiit assigiinngitsut akornanni sulianik, pisortaqarfinni inuussutissarsiornerullu iluani  suliassaqarfinni assigiinngitsuni ataqatigiissaarineq
  • Inuussutissarsiornermut politikkimik suliaqarnernut atatillugu pisortanik siunnersuineq
  • Inuussutissarsiornikkut periusissiassanik ineriartortitsineq atortuulersitsinerlu
  • Immikkoortortanut kiffartuussinissamut isumaqatigiissutini  malitseqartitsineq
  • Aningaasaqarnikkut  missingersuusianillu aqutsineq, sulianik ingerlatsineq, paasissutissaasivinnik database-nik ineriartortitsineq kiisalu allattoqarmmi suliassat
  • Nunami namminermi kisarsimaffeqarluta  nunanut tamalaanut sammisumik immikkoortortaqarfiuvugut. Taamaattumik sulianut atatillugu nunatta iluani avataanilu angalasarnissamut periarfissaqartarsinnaassaaq. Illit soqutigisatit, piginnaanitit aamma misilittakkatit tunngavigalugit sorpiaat suliarisassaneritit apeqqutaajumaarpoq.   


Illit pillutit:
Naalakkersuinikkut aqunneqartumi ingerlatsivimmi misilittagaqartumik aamma /imaluunniit namminersortutut inuussutissarsiortuni suliffeqarnermik misilittagaqartumik sulisussarsiorpugut. Taamaattumik nuannaarutigissavarput illit:

  • Fagitigut kandidatitut naleqquttumik ilinniagaqarsimanissat
  • Ingerlatsivimmit politikkikkut aqunneqartumiit aamma /imaluunniit namminersortuni misilittagaqarnissat
  • Inuussutissarsiornermut politikkimut tunngasunik ilisimasaqarluarnissat
  • Suliniutinik annerusunik namminersorlutit sulisinnaanissat
  • Suleqatigisannik avatitsinnilu suleqatigisartakkatsinnik suleqateqallaqqissuunissat


Inuussutissarsiornermut Suliffeqarnermullu Naalakkersuisoqarfimmi inuussutissarsiornermut immikkoortortaqarfik pillugu:
Inuussutissarsiornermut immikkoortoqartarfik Inuussutissarsiornermut  Suliffeqarnermullu Naalakkersuisoqarfimmut ilaavoq. Naalakkersuisoqarfik 35-ut missaannik sulisoqarpoq.
Immikkoortortaqarfimmi pisortaq ataaseq aamma ilinniagartuut A/C-it kiisalu sungiusaammik sulisut ilinniagartuunngorniartullu ikiortit arlaqartut, tamarmik qularnaarisussat nunami tamarmi ineriartortitsinissamik, aamma Kalaallit Nunaata nunat tamalaat akornanni niuernermi nukittuumik inissisimanissaanik. Immikkoortortaavugut sulisut ataasiakkaarlutik tamarmik immikkut annertuumik akisussaaffeqarfigisaani Inuussutissarsiornermut immikkoortortami sulisuupput. Ilutigisaanik inuttut ataatsimoorfeqarpugut pitsaalluinnartumik, suliassagullu amerlasuut ataatsimoorullugit naammassiniartarlugit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut, pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Atorfik aallaaviatigut immikkut siunnersortitut imaluunniit siunnersortit pisortaattut inuttalerneqassaaq. Qinnuteqartut pikkorissut misilittagakinnerusut aamma ilinniakkaminnik naammasserlaat aamma fuldmægtigitut atorfininnissamut periarfissaqarput.

Inissaqarneq:
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Ilassutitut paasissutissat:
Atorfik pillugu annertunerusunik paasisaqarumaguit Inuussutissarsiornermut immikkoortortap pisortaanut Christian Hjerrild Ovesen-imut saaffiginninnissannut tikilluaqqusaavutit, e-mail atorlugu: chho@nanoq.gl, oqarasuaat 345622-mut imaluunniit mobil 564471-mut.

Qinnuteqaat:
Ulloq 11. december 2020 qinnuteqarnissamut killiliussaavoq.

Ulloq 1. januar 2021 atorfinittoqassaaq, imaluunniit  isumaqatigiissuteqarnikkut.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk