Skip to main content
130

Dette jobopslag er udløbet

Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfimmi pisortaq

Namminersorlutik Oqartussat siumut takorluuisinnaasumik Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfimmi pisortassarsiorput. 
Naalakkersuisoqarfimmi pisortatut suliniutinut pissanganartunut amerlasuunut siuttuussaatit. Taamaattumik pingaaruteqarpoq piffissaq qaninnerusoq ungasinnerusorlu eqqarsaatigalugit suliassanik ineriartortitsinermik ingerlatsisinnaanerit. Inuttut arajutsinianngitsuussaatit, suliassanik ujaasisinnaallutit kiisalu suliffiup iluani avataanilu qanimut suleqateqarsinnaanerup pingaartuuneranik paasisimasaqarluarlutit. Nunalerinermut, imminut Pilersornermut, Nukissiuutinut avatangiisinullu tunngasunik misilittagaqaruit pitsaasuussaaq, piumasaqaataanngilarli. Pisortatut suliassanik arlalinnik suliaqarsinnaassaatit  kiisalu qanilaartuunissat  ineriartortitsisinnaanissallu pingaaruteqartuupput.

Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfik Naalakkersuinikkut suliassanik ilisimaarinnilluarlutillu piginnaasalinnik 40 missaani sulisoqarpoq immikkoortortani ukunani:  Nunalerineq, imminut pilersorneq, nukissiuuteqarneq, avatangiisit, nuna tamakkerlugu silap pissusaanut naleqqussarneq periusissaqarnerlu, qatserisartoqarnermut oqartussaaffik, upalungaarsimasussat qaartiterisarnerlu. Naalakkersuisoqarfiup suliassaqarfiit taakku iluini Naalakkersuisut Inatsisartullu ataatsimut isigalugit naalakkersuinikkut anguniagaat aalajangersimasunullu tunngatillugu aalajangiineri tunngavigalugit suliassaqarfinni suliniutit aalajangersimasut arlallit tunngavigalugit pilersaarusiorneq, ineriartortitsineq naammassinninnerillu aalajangersimasut pingaarnerit suliarisarpai. Ilanngullugulu Naalakkersuisoqarfik Aatsitassanik suliassaqarfinnut Avatangiisinut Aqutsisoqarfimmut, Asiamut, Pinngortitaleriffimmut Nukissiorfinnullu naalakkersuinikkut oqartussaasuuvoq.
Naalakkersuisoqarfik imatut aaqqissuussaavoq:

  • Kiffartuussinermut, Aningaasaqarnermut Sulisoqarnermullu Immikkoortoqarfik
  • Nunalerinermut, Imminut Pilersornermut Nukissiuuteqarnermullu Immikkoortortaqarfik
  • Pinngortitamut Silallu Pissusaanut Immikkoortortaqarfik
  • Avatangiisinut Upalungaarsimanermullu Immikkoortortaqarfik

Naalakkersuisoqarfiup ataani immikkkoortortat:

  • Nukissiorfiit, Aatsitassaqarnermut Immikkoortortaqarfimmi Aqutsisoqarfik, Asiaq, aamma Pinngortitaleriffik (Grønlands Naturinstitut).


Akisussaaffeqarfiit
Naalakkersuisoqarfimmi pisortap aqutsisut allat peqatigalugit suliassai pingaarnerit tassaapput naalakkersuisoqarfimmik ulluinnarni aqutsineq aammalu naalakkersuisoqarfiup akissussaaffiinut tunngatillugu Naalakkersuisumut siunnersuinissaq. Naalakkersuinikkut suliniutit kiisalu Naalakkersuisoqarfiup akisussaaffii ineriartortillugillu pitsanngorsarneqarnissaasa qulakkeerneqarnissaat Naalakkersuisoqarfimmi pisortap isumagisassaraa. Naalakkersuinikkut tunngavissat pitsaasut tunniunneqarnissaat aamma naalakkersuinikkut aalajangiussat piviusunngortinneqarnissaat Naalakkersuisoqarfimmi pisortap qulakkiissavaa.
Akisussaaffeqarfiit ukuninnga suliassartaqarput:

  • Nunalerinermut, Imminut Pilersornermut, Nukissiuutinut Avatangiisinullu Naalakkersuisup kiffartuunneqarneranik, siunnersorneqarneranillu suliaqarneq.
  •  Avatangiisit, pinngortitaq, nunalerineq, imminut pilersorneq, nukissiuuteqarneq, silap pissusaa, qaartinneqarsinnaasunut suliat ikuallattoorneq upalungaarsimanerlu eqqarsaatigalugit  piujuaannartitsineq siunertaralugu Naalakkersuisup suliaanik akisussaaffiinik siunnerfiinillu ingerlatsinerit.
  • Naalakkersuisut suliniutaasa pilersaarusiorneqarneri sulinermi ilaatigut ilaatinneqarput,   qulakkeerneqassallutillu inatsisartut peqqussutaat tunngavigalugit Naalakkersuisut suliassaasa naammassineqarnissaat kiisalu immikkoortortaqarfiit ataasiakkaat siuarsarneqarnissaat, ineriartortinneqarnissaannillu Naalakkersuisut suliaqarneranik ikiorlugit.
  • Naalakkersuisoqarfiup suliassaqarfiisa iluini ineriartornerup aaqqissussaanerullu qulakkeerneqarnissaa - aamma suleqatinut tunngatillugu peqataatitsineq attaveqarluarnerlu taamaaliornikkut inuiaqatigiinnut iluaqutaasinnaasunik aaqqiisoqarsinnaaqqullugu.
  • Piujuaannartitsinermik annertuumik pingaartitsineq, tamatumunnga ilanngullugit, mingutsitsinngitsumik nukissiuuteqarneq, erngup nukinganik nukissiuuteqarnermi periarfissallit pillugit unammisitsinerit, erngup nukinganik nukissiorfinnik pilersitsinerit, eqqaaveqarneq pillugu kommunit suliniutaannik tapersersuineq, imminut pilersornerulernissap pingaarnerutinneqarneranut annertusaaneq, mingutsitsinngitsumik umiartornerit, Parisimi isumaqatigiissummut tunngasunik tunngavissiorneq tassaapput mingutsitsinnginnerusumik inuuneqalernissamut suliassat ilaat.
    • Immikkoortortaqarfiup iluani akuersissutit akuersinerillu arlallit ingerlanneqartarput, sorlu VVM-nik, nunalerinermi tapissutinik ilisimasassarsiornissamut akuersissutinik, Cites-nut akuersissutinik, avatangiisunut akuersissutinik, pinngortitaq pillugu isumaqatigiissutit nalilersorneqarnerinik nakkutilliinernillu arlalinnik suliaqarnerit.
    • Nunarsuarmioqatinut, Issittumi siunnersuisooqatigiinni, Nunat Avannarliit siunnersuisooqatigiivini, tamatumunnga ilanngullugit suleqatigiissitanut AMAP, PAME, CAFF suleqatigiinnermi peqataaneq kiisalu nunarsuarmioqataanermi isumaqatigiissutinik isumaqatigiinniarnerni peqataaneq. 
    • Avatangiisinut aningaasaateqarfiup ingerlanneqarnera.
    • Upalungaarsimanermut ataatsimiititaliarsuarmut allatseqarfiuneq Tamatuma saniatigut Naalakkersuisoqarfimmi pisortaq annertuunik pisoqartillugu imaluunniit ajunaarnersuaqartillugu Nunatsinni Upalungaarsimanermut pisortaassaaq. 


Aammattaaq Naalakkersuisoqarfimmi pisortap makku akissussaaffigai:

  • Naalakkersuinikkut aqutsisorisanut aalajangiiffissatut tunngavissianut tunngatillugu siunnersuineq kiisalu anguniakkat inerniliussassallu pingaartillugit aamma naalakkersuinikkut aalajangiiffigineqartut piviusunngortinneqarnissaannik suliaqarneq kiisalu ingerlatsinerup pitsaassussaata qaffasissusaa, ingerlatsineq pitsaasoq aamma Naalakkersuisoqarfiup akisussaaffiinik ineriartortitsinermik qulakkiissallugit.
  • Sulianut tunngasuni aqutsinermilu ineriartortitsineq qulakkiissallugu.
  • Naalakkersuisoqarfinnut allanut, aqutsisoqarfinnut, immikkoortortaqarfinnut, suliffeqarfinnut, suliffeqarfinnut suliaqartunullu allanut tunngatillugit Naalakkersuisoqarfiup suliassaanik ataqatigiissaarineq, kiisalu taagorneqartut taakku pitsaasumik suleqatigiinnissaannut aqqutissiuussinissaq.
  • Nalinginnaasumik allaffissornikkut malittarisassanik, ingerlatseriaatsinik pitsaassutsimullu piumasaqaatinik piviusunngortitsinissaq
  • Naalakkersuisoqarfimmik aqutsineq, matumani ilanngullugit:

Allaffissornermi ineriartortitsineq aamma attaveqartarnernik atassuteqartarnernillu pitsaasunik erseqqissunillu pilersitsineq

  • Sulisunik aqutsineq ineriartortitsinerlu.
  • Naalakkersuisoqarfimmi suleqatinik suleqatigisartakkanillu avataaneersunik suleqatigiilluartarnerup pitsanngorsaaffiginissaa


Naatsorsuutigaarput, illit:

  • Inuiaqatigiinnik kalaallinik, kalaallit kulturiannik oqaasiinillu paasisimasaqarluartutit ilisimasaqarluarlutillu
  • Naalakkersuisut, Inatsisartut aamma kommunit akornanni suleqatigiissinnaanerat pillugu ilisimasaqarluartutit.
  • Pingaarnersiuinissamut siunnerfeqartumillu suliaqarnissamut, sunniuteqarnissamut, angusaqartarnissamullu tunngatillugit piginnaasaqarluartutit.
  • Suliffeqarfimmik naalakkersuinikkut aqunneqartumi sulianik aqutsinissamut misilittagaqarluartutit kiisalu aningaasanik aqutsinermi akisussaassuseqartutit.
  • Iliuuseqarsinnaassusermik, erseqqissumik aqutseriaaseqarsinnaanermik suleqatikkuminartuunermillu takutitsisinnaaneq.
  • Naalakkersuisoqarfiup qitiusutut suliassaasa sunniuteqarluartumik naammassineqarnissaannut tunngatillugu illup iluani avataanilu suliaqartartunik peqataatitsisinnaassuseqassaatit
  • Aqutsisinnaanermut ataqatigissaarisinnaanermullu piginnaasaqartutit, aammalu pilersaarutinik annertunerusunik sunniuteqarluartumik ingerlatsinissaq qulakkeersinnaallugu.
  • Allakkatigut oqaatsitigullu attaveqallaqqissuusutit
  • Atorfimmi suliassanut takkussortussanut, ataatsimiinnissanullu il.il. tunngatillugu nikerartumik sulisinnaasuusariaqarpoq.
  • Naleqquttumik qaffasissumik ilinniagaqarsimaneq, kiisalu naalakkersuisoqarfiup akisussaaffianut tunngasut ilaasa tamarmiusulluunniit iluini suliamut tunngasutigut attuumassutilinnut ilisimasaqarluarneq.
  • Oqaatsitigut allakkatigullu attaveqarluarsinnaasoq

Attaveqartarfissat
Naalakkersuisoqarfiup pisortaa Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfimmi Naalakkersuisoq sulianut tunngatillugu ingerlatsinermi naalakkersuisoqarfimmillu ingerlatsinermi Naalakkersuisut naalakkersuinikkut anguniagaasa piviusunngortinneqartarnerat pillugu apeqqutini Aningaasaqarnermut Naligiissitaanermullu Naalakkersuisumut attaveqartarpoq. Naalakkersuisoqarfinnut allanut tunngatillugu naalakkersuisoqarfiup suliassanik ataqatigiissaarisarneranut tunngatillugu apeqqutini, aamma nalinginnaasumik allaffissornikkut ingerlatsinermi anguniakkanik, malittarisassanik, periutsinik pitsaassutsinullu piumasaqaatinik il.il. malitseqartitsinissamut tunngatillugu apeqqutini Naalakkersuisoqarfimmi pisortaq Naalakkersuisut Siulittaasuata Naalakkersuisoqarfiani pisortamut attaveqartarpoq.
 

Akissarsiat atorfeqartitaanermilu atugassarititaasut:
Atorfik ukiuni aalajangersimasunik amerlassusileriikkanik atorfeqartitsinermi piumasaqaatit naapertorlugit, piaarnerpaamik imaluunniit isumaqatigiissuteqarnikkut inuttalerusunneqarpoq.
Atorfik akissaateqarfimmi LR 39/40-mi maanna inissisimavoq.

Aningaasarsiat aalajangersimasunik aningaasarsianut ilallit LR 39-mi  inissisimapput 1. april 2022-miit qaammammut. 89.391,- koruuniullutik, ukiumullu 1.072.692,- kr. soraarnerussutisiassat ilanngullugit


Tunngaviusumik isumaqatigiissutini atugassarititaasut malillugit atorfinitsitsisoqassaaq: Qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq Namminersorlutik oqartussanut innersuussutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/ aappaannut aamma atuupput.

Akissarsianut atorfeqartitaanermullu piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Soqutiginnippit?

Atorfik pillugu apeqqutissaqaruit peqatigisaq Dorthe Flies, Flies HR Consulting-imeersoq oqarasuaammut uunga: +299 583117 imaluunniiit uunga: +45 6083 3117 imaluunniit mailimut uunga dorthe@flieshr.dk attavigisinnaavat.
Flies HR-ip sulisussarsiorneq isumagisassaraa, taamaammat saaffiginninnerit tamarmik tassunga ingerlateqquneqarput. Qinnuteqartut piukkunnartut oqaloqatigineqarnissamut aggersarneqartassapput.
Atorfik pillugu paasisaqarnerorusukkuit Naalakkersuisut Siulittaasuata Naalakkersuisoqarfiani Hans-Peder Barlach Christensen hape@nanoq.gl-mut saaffigisinnaavaat.

Tusarfiginissat qilanaaraarput.
Qinnuteqarfissaq kingulleq tassaavoq 24. Juli 2022.

Naalakkersuisut
Naalakkersuisut pillugit paasissutissat annertunerusut uani nassaarisinnaavatit aamma https://naalakkersuisut.gl=kl/gl

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk