Skip to main content
122

Dette jobopslag er udløbet

Nunalerinermut, Imminut Pilersornermut, Nukissiutinullu Immikkoortoqarfimmut AC-fuldmægtigi

Kalaallit Nunaanni minguitsumut ikaarsaariartornermut imminut pilersornermullu tunngasutigut suliaqarusuppit?

Atorfik pillugu:
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik, Nukissiuuteqarnermut- aamma Imminut Pilersornermut suliassaqarfimmut sulisussarsiorpoq. Nunalerinermut, Imminut Pilersornermut Nukissiutinullu immikkoortortaqarfimmi inissisimassaatit.

Immikkoortortaqarfimmi suleqatitit peqatigalugit minguitsuunissamut suliat akisussaaqataaffigissavatit, kiisalu aamma pisortat nukissiuuteqarnermi- aamma imminut pilersornermi ingerlatsineranni kiisalu innaallagissamik, imermik aammalu kiassarnermik pilersuinermi suliaat peqataaffigisassallugit. Suliassaqarfiit nukittuumik pilersitsisinnaaneq iluminni pigaat, suliassallu annertussusaat suussusaallu nikerarluni.

Pingaarnertut Nukissiutinut Imminulluunniit Pilersornermi suliassanik tigumminnissanerlutit soqutigisatit piginnaasaqarfiginerusatillu apeqqutaassapput.
Politikkikkut ineriartortitsinermi suliassaqarfimmi kiisalu aamma Naalakkersuisumut sullissinermi inissisimasuussaatit.

Nukissiutinut suliassaqarfimmi suliassat nukissiuuteqarnikkut – aamma imeqarnikkut pilersuinikkut aningaasaliissutissanut pilersaarusiornermut ataavartumik killiffissiorneqassapput, politikkinik inerisaaneq, kiisalu aamma Kalaallit Nunaanni erngup nukinganik periarfissat avammut ussassaarutigineqassallutik. Suleqatitillu peqatigalugit Nukissiorfiit ulluinnarni nukissiuuteqarnermik ingerlatsisuusut pilersaarusiorneranni ingerlatsinerannilu ataqatigiisitsisuussallusi.

 Imminut Pilersornermut suliassaqarfimmi pingaarnertut suliassat politikkikkut imminut pilersornermi ilaatigut inuussutissanik suliassaqarfinnut tunngasut isumagineqassapput.

Nukissiutinut aamma imminut pilersornermi suliassat ataani taakkartorneqartut ilutigalugit inissisimassapput. Suliassat akisussaaffigisatit aggulunneqassapput, taamaasillutit piginnaasaqarfiginerusatit ilutigalugit tulluussarneqassallutik:

  • Politikkikkut sullissineq, tassunga ilanngullugit Naalakkersuisut oqaaseqaatissaannut tunuliaquttanik suliaqarneq, oqalugiutissat, § 37 atorlugu apeqquteqaatinik akissutissiorneq il.il.
  • Nukissiutit ataavartut pillugit suliaqarnermi politikkikkut siunnersuineq aamma/imaluunniit Kalaallit Nunaanni imminut pilersorneq annertusisaq
  • Immikkoortortaqarfiit pisortaqarfiillu allat suleqatiginerini ataqatigiissaarineq Nukissiorfiit ilaallutik
  • Siammartigassanik suliaqarneq, soorlu tusagassiutinut nalunaarusiassanik, oqalugiaatissanik takoqqusaarinernullu suliaqarneit
  • Kalaallit Nunaanni erngup nukinganik nukissiorfinnutperiarfissaasinnaasunik nittarsaassineq
  • Nukissiuteqarnermut- aamma imminut pilersornermut tunngasuni inuiaqatigiinni- ingerlatsinermilu aningaasaqarnermut attuumassutilinnik naatsorsuinerit
  • Aningaasaqarnermi- missingersuutinillu aqutsineq, sullissineq taamatullu allattoqarfimmi suliassat


Illit pillutit:
Suliffinnik politikkikkut ingerlanneqartuni ilisimatusarnikkut misilittagalimmik aamma/imaluunnit suliffeqarfinnit namminersortuneersumik ataavartumik nukissiuteqarnermut aamma imminut pilersornermutsuliassaqarfinni pineqartuni suliaqarsimasumeersinnaavutit, tamannali piumasaqaataanngilaq.

Ilinnit naatsorsuutigaarput:

  • Kandidatitut qaffasitsigisumik suliassamut tulluartumik ilinniagaqarsimaneq – ajornanngippat økonomi (assersuutigalugu cand.oecon, cand.polit)
  • Kisitsisinut poqersuuneq inuiaqatigiinniillu aningaasaqarneranut misissueqqissaarnermik aamma/imaluunnit ingerlatsinermi aningaasaqarnermut naatsorsuinernik sapinngisamik misilittagaqartoq
  • Politikkikkut soqutigisaqartumik eqqarsarsinnaassuseqarlutillu aporfiusinnaasut pillugit ersarissumik allattariarsornikkut oqaluttariarsornikkullu attaveqaqatigiiffigisinnaagitit
  • Namminersorluni sulisinnaasoq, aaqqiissutissanut eqqummaarittoq suliniutinullu annertuunut ataatsimut isiginnissinnaasoq
  • Suliffeqarfimmik politikkikkut ongerlanneqartumi aamma/imaluunnit suliffeqarfimmi namminersortumi misilittagaqarneq
  • Suliassanut allanngortartunut nuannarisaqartoq
  • Sungiussiasuuneq, peqqissaartoq ajornartorsiutinillu aaqqiinissamut misissuinissamut soqutigisalik
  • Danskisut tuluttullu oqaatsinik piginnaasaqarluartoq, kalaallit oqaasiinik ilisimasaqarneq iluaqutaassaaq
  • Tamatigoortumik nukissiuuteqarneq pillugu ilisimasaqarneq iluaqutaassaaq

Nunalerinermut, Imminut Pilersornermut, Nukissiutinut AvatangiisinulluNaalakkersuisoqarfik pillugu:
Kalaallit Nunaanni inuiaqatigiinnut tunngasut annertuut kivitseqataaffigisarpagut suliassanillu ineriartuutaasinnaasunik arlalinnik pissanganartunillu peqarpugut, uagutsinnullu pingaaruteqarpoq suliffinni ineriartortutut misigisimanissat. Naalakkersuisoqarfimmi sulisut 40 missaaniipput, taassuma saniatigut Nunalerinermut, Imminut Pilersornermut Nukissiutinullu immikkoortortaqarfik maannamut tallimat missaanniittunik sulisoqarpoq.

Taassuma saniatigut Nukissiorfiit Kalaallit Nunaanni nukissiuuteqarnermi pilersuineq naalakkersuisoqarfiup ataani immikkoortutut inissisimavoq

Aningaasarsiat atorfininnermilu piumasaqaatit:
Akissarsiatigut atorfininnermilu atugassarititaasut, tassunga ilanngullugit atorfininnermi soraarnermilu angalanissamut pigisallu nuunneqarnissaannut pisinnaatitaaffiit, Namminersorlutik Oqartussat aamma suleqatigiiffiup isumaqatigiinniarsinnaatitaasup pineqartup akornanni isumaqatigiissutaat piffissami atorfininnermi atuuttoq naapertussavai. Atorfik AC-fuldmægtigitut immikkulluunnit inissinneqarsinnaavoq. Atorfimmut immikkut siunnersortitut inissittoqarsinnaavoq qinnuteqartoq uppernarsaatissalimmik eqqortunik piginnaasaqarpat.

Sapaatip akunneranut piffissaq sulliffiusoq tassaavoq nalunaaquttap akunneri 40-it.
Aggustusip aallaqqaataani 2021, taassumalluunnit kingorna piaarnerpaamik atorfinittoqassaaq.

Qinnuteqarfissaq kingulleq tassaavoq 18. Juni 2021. Atorfinitsinneqarsinnaasunik oqaloqateqarnerit qinnuteqarfissap qaangiussimalernerani ingerlanneqassapput..

Inissaqartitsineq:
Atorfimmut atatillugu inissaqartitsisoqarsinnaanngilaq. Qinnuteqartorlu Namminersorlutik Oqartussat ataani atorfeqarnermini inissaqartinneqareersimaguni sulisutut inissiaq tigummiinnarneqarsinnaavoq. Sulisunut inissiaq atorfeqarnermut atasuuvoq, atorfeqarunnaarnermilu qimanneqartariaqarluni.

Paasissutissat annertunerusut:
Atorfimmut tunngatillugu annertunerusumik, taamatullu Kalaallit Nunaanni najugaqarneq qanoq ittuunersoq Namminersorlutillu Oqartussat ataanni sulineq pillugu paasisaqarusukkuit apeqqutissaqaruilluunni immikkoortortmi pisortamut Rasmus Alex Wendtimut oqarasuaammut +299 55 72 12-mut attaveqarnissamut tikilluaqqusaavutit.

Qinnuteqaat ilinniartitaaneq siusinnerusukkullu suliffigisimasat pillugit paasissutissaqartoq, soraarummeernermi uppernarsaatit il.il. assilineri ilanngullugit uunga nassiunneqassaaq: ”qinnuteqaat nassiuguk”.
Qinnuteqaatit mailikkut tigusinnaanngilagut.
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk