Skip to main content
140

Dette jobopslag er udløbet

Nunalerineq - uumasussilerinermilu Campus Kujalleq Kalaallit Nunatta kujataaniittoq ilinniartitsisussarsiorpoq

GUX Campus Kujalleq Qaqortumiittoq nunalerinermi uumasussilerinermilu ilinniartitsisussarsiorpoq, qularnanngitsumillu Campus Kujalliup EUD-mi ilinniarnertuunngorniarfiatalu immikkoortortaqarfiani ilinniartitsisinnaasumik. Ajornanngippat qularnanngitsumillu ataavartumik atorfininnissat kissaatigaarput, kisiannili ukiumi ataatsimi sivisussulimmi atorfininnissaq periarfissaavoq. 
Atorfininnissaq pissaaq 1.februar 2023 imaluunniit isumaqatigiissuteqarnikkut. Ilinniarnertuunngorniarfik nutarteqaammersoq iserfigissavat taamatullu ilinniartitsisoqatit sulisullu allat ulluinnarnni ineriartorfiusumik pilersitsisut suleqatigilerumaarpatit. 
Ilinniartut amerlanersaat maanni Qaqortumi kollegieni najugaqarput, taamaammallu GUX-mi Campus Kujallermilu ilinniartut najugaqarfimmi ulluinnarni najugaqarfimmik avatangiiseqarnerat atuartitsinermut malunniuteqarluni. Tamannalu pissutigalugu illit nammineq ilinniartitsisutut takorluussannginnavit, kisiannili aamma suleqatitut, suliassammi taakkununnga tunngasut atorfininninnut ilaassammata. 
Tamaammamat iluaqutaassaaq kalaallisut qallunaatullu oqaaseqarnissat. 

Uku naatsorsuutigaavut: 

  • Aallaavittut kandidatniveau-mit ilinniagaqarsimanissat imaluunniit assingusumik ilinniagaqarsimanissat kiisalu ilinniarnertuunngorniarfimmi fagini allani ilinniartitsinnaanissat. 
  • Ilinniarnermi pamersaanikkut suleqatit peqatigalugit suliniuteqarnissat, aammalu iliniartut, inissisimaffiaani, akueralugillu naapittarnissaat. 
  • Atuartitsinermilu ilisimasaqarnissat naatsorsuutigaarput, atuartitsinermilu piginnaasaqarnissat (ilinniarnertuunngorniarfimmi pædagogikum) faginni pigissagit. 
  • Atuartitsinerit soraasummersitsinerit ukiuni inissisimaffiini fagillu qaffasissusiannut atuartitsisinnaanissat 
  • Atuarnerup nalaani avataanilu ilinniartut sammisaqarnissaanut aaqqissuussanut peqataasarnissat ingerlatsisinnaanissallu kissaatigaarput.  

Ukualu saniatigut neqeroorutigaarput: 

  • Nikerartumik ineriartortumillu suliffik 
  • Fagini nukittuumik sulinermik avatangiisilik, ilikkartitsiniaanermi  (aktionslæringsprojekter) aammalu kisimiilluni kiisalu peqatigiilluni iliniartitsinerup ineriartorneranut peqataanissat ulluinnarni ilisimasaqarfiginissaat. 
  • Ilinniarnertuunngorniarfiit ilisimasaqarfiginissaat, pingaartumik Kalaallit Nunaani ilinniarnertuunngorniartarnerup ilisimasaqarfiginissaata ilisimasaqarfiginera pitsaassaaq. Tamaattumik qennuteqarnermi takussutissanik nassiussinissaq/uploadeterinissaq ilinniakkamut ilisimariikkallu qinnuteqaammut ilannguneqassapput. 

Sulileruit imaasinnaavoq utaqqiisaasumik inissineqarumaartutit. Siumullu nalunarpoq inisisimanerit qanoq sivisutiginissaa, tassanimi apeqqutaasut arlaqarsinnaapput, maani suliffeqarfitsinni tamakkua akisussaaffiginnginnatsigu. 
Qinnuteqarfissaq kingulleq 30.december 2022 nal. 12.:00 (Danmarkimi nal. 16:00) 
Qinnuteqaatit ingerlaavartumik suliarinissaat akisussaaffigaarput. 
 
Annertunerusumik paasisaqarusukkuit pisortaagallartumut Jonbert Davidsen e-mail jd@cak.gl imalt oqarasuaatikkut +45 54 32 47 40 paasiniaasoqarsinnaavoq. 
Ilanngullugu atuarfimmut/ilinniakkanut paasissutissat nittartatigut ukununnga aaneqarsinnaapput www.cak.gl aammalu www.iserasuaat.gl 
 
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk