Skip to main content
148

Dette jobopslag er udløbet

Nuna Tamakkerlugu Inunnut Innarluutilinnut Sullissivik, Pissassarfik nuna tamakkerlugu pilloriassaasumik immikkut akisussaasumik pissarsiorpoq

Suliamik ilisimasaqassutsip ilisimasanillu paarlaasseqatigiinnerup pingaartinneqarfianni nuna tamakkerlugu sullissivimmi nutaarluinnarmi qaasuitsup killeqarfiata avannaani inissisimasumi, innarluutilinnut tunngasutigut ineriartortitsineq sunneeqataaffigalugulu pitsanngorsaaqataaffigerusuppiuk?
  
Ulloq atorfiniffissaq: 1. december 2022 imaluunniit isumaqatigiissuteqarnikkut.
 
Atorfik pillugu
Pissassarfik pillorissaasumik piginnaanngorsaqqiinerup iluani siammasissumik misilittagalimmik pissarsiorpoq.
Peqqissutsip suuneranut innuttaasup paasinninnerata pitsanngorsaaviginissaanut iliuuseqarnissamullu piginnaaneqalernissanut uagutsinni passussisutut ukkassissaatit.

Inuit innarluutillit ukiui apeqqutaanatik piginnaanngorsaqqinnissamik pisariaqartitsisut sullitaraagut.

Ulluinnarni sulinermi misissuineq, passussineq, qulaajaaneq, sammisassaqartitsissutaasinnaasunik misissueqqissaarneq, sungiusaaneq taamalu inunnut innarluutilinnut, qanigisaasunut, suliassanut ilinniarsimasunut suleqatigisanullu allanut attuumassutilinnut siunnersuineq ilitsersuinerillu ingerlanneqartarput.

Naatsorsuutigaarput:

  • Akuerisamik pillorissaasutut ilinniagaqartuunissat
  • Alapernaassuseq, nammineersinnaaneq akisussaaffimmillu pimoorussisinnaasutit
  • Inuttaasoq peqatigalugu kajungilersitsineq sungiusarnerullu anguniarnissaanut piareersaaneq aamma passussineq sungiusaanerillu ingerlassinnaagitit
  • Ammasuunissat suleqatigiinnilu suliat tapertariisillugit suleqateqarluarsinnaasutit
  • Ammasumik ilusilersueqataasumillu avataanit suleqatigisanut attaveqaqateqarnernut peqataasinnaanissat
  • Innuttaasunut, qanigisaasunut, sulianut aalajangersimasunut sulialinnut il. il. siunnersuilllutillu ilitsersuisinnaanissat
  • Atugarissaarnemik sulinermilu atukkanik nuannersumik tapertaaqataassasutit
  • Atuisutut IT-mik ilisimasaqassasutit


Pitsaaqutaassaaq:
Qaratsamit aallaaveqartumik meeqqat nappaataannik imaluunniit inunnik innarluutilinnik misilittagaqartuuneq.
 
Neqeroorutigivagut:

  • Atorfik pissanganartoq, allanngorartoq ilinniakkamullu unammillernartulik akisussaassuseqarluartorlu
  • Inunnik innarluutilinnut ineriartortitsinissamut sunneeqataasinnaanermullu atorfik periarfissiisoq
  • Suliffik inunnik innarluutilinnik angusaqartitsiffissatut pilersitaq, suliallu nalinginnaasumik suliatigut killiffigisanik qaffassaaffiusoq


Kalaallit Nunanni imminut ilinniakkannullu tunngatillugit ineriartortitsinissannut sapiissuseqarpit? Taava illit tassaavutit taanna suleqatitaassarput
Sullissivik Sisimiuniippoq, Kalaallit Nunaanni illoqarfiit annersaat 5.600 miss. inuttussusilik. Sisimiut sunngiffimmi kusanarluinnartumik aasaanerani ukiuuneranilu sammisassanik avatangiisigissaartoq, soorlu qimusserneq, sisorarneq, nunakkut pisunneq unnuiartornerlu Video takuuk - link

Qulaani taaneqartunut naleqquttuuguit, una suliffik ilinnut periarfissaasinnaavoq. Nittartakkatsinni www.pissassarfik.gl annertunerusumik paasissutissanik ujartuisinnaavutit, soorunami aamma paasissutissanik annertunerusumik ujartuinermi Pissassarfimmi pisortamut saaffiginninnissannut tikilluaqqusaavutit.
Naja O. Lennert
Oqaras. +299 34 50 78
E-mail: naja@nanoq.gl
 
Namminersorlutik Oqartussani sulineq pillugu paasissutissanik ujartuerusukkuit uani annertunerusunik paasissutissaqarpoq: www.naalakkersuisut.gl, ”Atorfiit” ataanni.
 
Ulloq qinnuteqarfissap killinga 23. oktober 2022

Oqaloqatiginninnerit sapaatip akunnera 43-imi ingerlanneqarnissaat ilimagineqarpoq. Ingerlaavartumik oqaloqatiginninnissatsinnut immitsinnut piginnaatippugut, qanimut oqaloqatigiinnertut imaluunniit videokonference atorlugu ingerlanneqassallutik.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk