Skip to main content
114

Dette jobopslag er udløbet

Nuna Tamakkerlugu Inunnut Innarluutilinnut Sullissivik, Pissassarfik paasissutissiisartumik pissarsiorpoq

Suliamik ilisimasaqassutsip ilisimasanillu paarlaasseqatigiinnerup pingaartinneqarfianni nuna tamakkerlugu innarluutilinnut tunngasutigut ineriartortitsineq sunneeqataaffigalugulu pitsanngorsaaqataaffigerusuppiuk?
Illit tassaavit taanna suleqatitaassarput?
  
Ulloq atorfiniffissaq: 1. oktobari 2021 imaluunniit isumaqatigiissuteqarnikkut.
 
Atorfik pillugu
Pilersaarusiukkanut tunngatillugit attaveqaqatigiinnermut suliassanik qitiutitsisussamik suleqatissarsiorpugut.
Pissassarfimmi paasissutissiisartussap suleqatertaassatta Pissassarfiup attaveqaqatigiinnermut suliniutaanut tamakkiisumik ataqatigiissaarinissamut aaqqissuussinissamullu siuttuussaaq.                              Taamaammat ineriartortitsinermut suliaqarnissaq pineqarpoq, pissutigalugu attaveqaqatigiinnermut periusissiortoqartussaammat, aammalu ingerlatsinerup tungaatigut suliassaqarfiusassalluni, soorlu nittartakkamik inunnullu attaveqaqatigiiffinni suliaqartarneq, allaqqasussanik allaatiginnittarneq aammalu kukkunersiuineq kiisalu attaveqaqatigiinneq pillugu nalinginnaasumik siunnersuisarneq avitseqatigiinnerlu.
 
Atorfik pilersinneqarlaajunera peqqutaalluni nutaamik eqqarsarsinnaassuseqarnissaq isumassarsiatsialanillu ujartuisarnissaq inissaqartilluarneqartassapput, suleqatitaassarpullu nammineerluni aamma suliassaminik ilusilersueqataallunilu sunniuteqaqataasarsinnaassaaq. 
 
Ilimagivarput:

  • naleqquttumik ilinniagaqartuussutit, attaveqaqatigiinnerup tusagassiutilerinerulluunniit iluanni ilinniagalik orniginartinneqarneruvoq
  • attaveqaqatigiinnermut suliaqarnermik misilittagaqartuusutit – illup iluani avammullu attaveqaqatigiinnerup tungaasigut
  • kalaallisut danskisullu oqallorittuullutillu oqaatsini pineqartuni allattariarsornikkut piginnaasaqarluartuusutit
  • aaqqissuussaalluakkamik sulisinnaasutit, akisussaassuseqarluarlutit, aaqqiissuteqarluarsinnaassuseqartutit suliassannullu eqeersimaartumik namminersuuteqarluarsinnaallutit
  • eqeersimaartuusutit namminersuuteqarlutillu suliaqarsinnaasutit, aammali suleqatiginnillaqqissuullutit
  • CMS-systemit ilisimasaqarfigigitit – sapinngisamik Sitecoremut tunngatillugu

 
Neqeroorutigivagut:

  • Suliffik assigiinngissutsinik pingaartitsisoq sulinermilu atukkanik pimoorussiffiusoq
  • Atorfiup imarisaata ulluinnarni periutsitut ilusilernissaanut oqartussaaqataaneq
  • Sulinermi avatanngiisit, suleqatinit pikkorissunit unammilligassinneqassaatit illillu taakkuninnga unammilligassiisinnaassaatit imminullu unammilligassillutit
  • Suliffik inunnik innarluutilinnik angusaqartitsiffissatut pilersitaq, suliallu nalinginnaasumik suliatigut killiffigisanik qaffassaaffiusoq

 
Pissassarfik pillugu
Pissassarfik, Nuna Tamakkerlugu Innarluutilinnik Sullissivik ilutsimigut tunngavimmigullu nunatsinni kisiartaavoq. Sullissivik siunertamut Sisimiuni pilersitaavoq Isumaginninnermut aqutsisoqarfiup ataani immikkoortuulluni.
 
Inuttaasut innarluutillit Pissassarfimmut innersuunneqartarput – meeqqat, inuusuttut inersimasullu inunnguuserisaminnik innarluutillit aammalu inuunerup ingerlanerani timikkut imaluunniit tarnikkut innarluuteqalersimasut. Siunnersuisarnerit, ilitsersuinerit, ilinniartitsinerit innuttaasunut ataasiakkaanut kiisalu qanigisaasunut sullissisunullu Pissassarfimmi atortorissaartumi ingerlanneqartarput.
 
Sullissinerit pineqartut sullissivimmi tunngaviusumik ingerlanneqartarput, innuttaasullu ataasiakkaat najugaqarfiini pisariaqartitsinikkut ingerlanneqartarlutik. Pissassarfiup inunnut innarluutilinnut tunngasut nuna tamakkerlugu inerisarnissaat siunertaraa. Taamaammat kommunit qanimut suleqateqatiginissaat pingaartitaraarput. Pissassarfiup kommunillu suleqatigiinneranni innuttaasut ataasiakkaat ineriartornissaat, ilisimasanik paarlaasseqatigiinnissaq, siunnersuisarnissaq aammalu kommunimi sulisunut anguniagaqarluartumik piginnaasanik inerisaanissamik neqerooruteqartarnissaq tunngavigineqarput.
 
Sisimiut pillugu
Sisimiut qaasuitsup killeqarfiata (Polarcikel) avannaatunginnguaniippoq, Kalaallit Nunaannilu illoqarfiup annersaata tulliulluni. Illoqarfimmi suut tamarmik pisulluni anguneqarsinnaapput.
Illoqarfimmi meeqqanut inersimasunullu silami sammisassarpassuaqarpoq, immap killinganiippugut nunallu saqqaata tunuliaqutaa qaqqanit ungaluneqaqqalluni periarfissaqarluarporlu silami sammisaqarnissamut.
www.qeqqata.gl -kkut annertunerusumik atuarsinnaavutit

Paasissutissat annertunerusut
Atorfik pillugu annertunerusunik paasiniaaniaruit sullissivimmi pisortaq attavigisinnaavat:
Naja O. Lennert
Tlf. +299 34 50 78
E-mail: naja@nanoq.gl

Namminersorlutik Oqartussani sulineq pillugu paasissutissanik ujartuerusukkuit uani annertunerusunik paasissutissaqarpoq: www.naalakkersuisut.gl, ”atorfiit” ataanni.
 
Ulloq qinnuteqarfissap killinga 08. aggusti 2021

Oqaloqatiginninnerit sapaatip akunnera 32-imi ingerlanneqarnissaat ilimagineqarpoq. Ingerlaavartumik oqaloqatiginnissinnaanitsinnut immitsinnut piginnaatippugut, toqqarluni oqaloqatigiinnertut imaluunniit videokonference atorlugu ingerlanneqassallutik.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk