Skip to main content
106

Dette jobopslag er udløbet

Nuna tamakkerlugu innarluutilinnik sullissivik Pissassarfik najugaqarfiup immikkoortortaanut perorsaasumik pissarsiorpoq

Sullissivimmi nutaami, suliamik ilisimasaqassutsip ilisimasanillu paarlaasseqatigiinnerup pingaartinneqarfianni nuna tamakkerlugu innarluutilinnut tunngasutigut ineriartorneq sunneeqataaffigalugulu pitsanngorsaaqataaffigerusuppiuk? –
Atorfik pissanganarsorigukku qinnutigissavat.
  
Ulloq atorfiniffissaq: 1. novembari 2019 isumaqatigiissuteqareernikkulluunniit.
 
Atorfik pillugu
Pissassarfik, Nuna Tamakkerlugu Inunnut Innarluutilinnut Sullissivik ilutsimigut tunngavimmigullu nutaarluinnaavoq. Sullissivik siunertamut Sisimiuni nutaatut sanaajuvoq Isumaginninnermut aqutsisoqarfiup ataani immikkoortuulluni.
 
Pissassarfik, Nuna Tamakkerlugu Inunnut Innarluutilinnut Sullissivik nuna tamakkerlugu katersuuffiuvoq, siunnersuinermik, ilitsersuinermik aamma innuttaasut innarluutillit ataasiakkaat, meeqqanut inersimasunullu sungiusaanermik sullissiviulluni. Saniatigut qanigisaasunut sullissisunullu ilinniartitsinerit ilitsersuinerillu neqeroorutaasarput. Sullissinerit pineqartut Sullissivimmi ingerlanneqartarput, innuttaasullu ataasiakkaat najugaqarfiini pisariaqartitsiffinni pisarput. Innuttaasut mianerinissaat aamma inunnut innarluutilinnut tunngasut nuna tamakkerlugu inerisarnissaat pissutigalugit, sullissiviup kommuninik suleqateqarnerata sapinngisamik qanimut inerisarluakkamillu pisarnissaa pingaaruteqarpoq. Tamatumani pineqarput ilisimasanik paarlaasseqatigiinneq, siunnersuineq aamma kommunimi sulisunut anguniagaqarluartumik piginnaasanik inerisaanissamik neqerooruteqartarnissaq. Sumiiffinni siunertamut naapertuunnerpaaffiusuni suliassat suliarineqartartussaammata, atorfik angalanertaqartarsinnaavoq.
 
Sulininni meeqqanut inersimasunullu tunngatillugu suliassatigut perorsaanerup tungaatigut sammiveqarlutit suliaqartarnissat qulakkerumallugu, sulianut/tulleriiaarinernut atatillugu akuutinneqartassaatit. Suleqatinnut ilisimasanik paarlaassisinnaallutillu passussinermut pilersaarusiorsinnaasariaqassaatit. Najugaqarfimmi inoqartillugu sulinitit nikingasasssapput.
 
Ilimagivarput:

  • Perorsaasutut ilinniagaqartuunissat
  • Innuttaasunut, qanigisaasunut, sulianut aalajangersimasunut sulialinnut ilaallu ilanngullugit siunnersuilllutillu ilitsersuisinnaanissat
  • Sulininni annertunerusumik suliniuteqarnissannut kajumissuseqarnissat
  • Pisuni ulapaarfiusuni eqqissisimasinnaasutit kiisalu tamakkiisumik isiginnissinnaassuseqartutit
  • Sulininni namminersorsinnaassuseqassasutit, ilisimasat tapertariissillugit suliaqarsinnaassasutit, aalaakkaasumillu maniguuttumillu sulisinnaassasutit
  • Kalaallisut danskisullu marluinnik oqaaseqartuunissat pitsaaqutaassaaq
  • Misilittagaqareersimassasutit autisme, ADHD imal. ussersuutinik atuisinnaanermik
  • Ilinniaqqinnissamik soqutigisaqassasutit    
  • Atuisutut IT-mik ilisimasaqassasutit

 
Neqeroorutigivagut:

  • Atorfik pissanganartoq, matumani inunnut innarluutilinnut tunngasunik angusaqartitsiffissatut pilersitaq, suliallu nalinginnaasumik suliatigut killiffigisanik qaffassaaffiusoq
  • neqeroorutip periutsillu nutaarluinnaap inerisarnerani sunneeqataaffigisinnaasat
  • Sulinermi avatanngiisit, suleqatinit pikkorissunit unammilligassinneqarfigisatit, illillu taakkuninnga unammilligassiiffigisinnaasatit, imminullu unammilligassillutit
  • Suliffik assigiinngissutsit pingaartinneqarfiat, sullivimmilu avatangiisit pimoorunneqarfiat

Sisimiut qaasuitsup killeqarfiata avannaatunginnguaniippoq, Kalaallit Nunaannilu illoqarfiup annersaata tulliulluni. Illoqarfimmi suut tamarmik pisulluni anguneqarsinnaapput.
Illoqarfimmi meeqqanut inersimasunullu silami sammisassarpassuaqarpoq, immap killinganiippugut nunallu saqqaata tunuliaqutaa qaqqanit ungaluneqaqqalluni. Piumagaanni silami sammisassaqaqatigiinnissamut periarfissaqarluarpoq.
www.qeqqata.gl –ikkut annertunerusumik atuarsinnaavutit.

Paasissutissat annertunerusut
Atorfik pillugu annertunerusunik paasiniaaniaruit Sullissivimmi pisortaq Naja O. Lennert attavigisinnaavat, oqaras. +299 34 50 78 imal. E-mail: naja@nanoq.gl aqqutigalugu.
Namminersorlutik Oqartussani sulineq pillugu paasissutissarsiorusukkuit uani annertunerusunik paasissutissaqarpoq: www.naalakkersuisut.gl, ”atorfiit” ataanni.
 
Qinnuteqarneq
Ulloq 31. oktobari 2019 ilanngullugu inuttassarsiussineq killeqartinneqarpoq.
 
Oqaloqatiginninnerit sapaatip akunnera 45-mi ingerlanneqarnissaat ilimagineqarpoq. Ingerlaavartumik oqaloqatiginnissinnaanitsinnut immitsinnut piginnaatippugut, toqqarluni oqaloqatigiinnertut imaluunniit videokonference atorlugu ingerlanneqassallutik.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk