Skip to main content
76

Dette jobopslag er udløbet

Nuna tamakkerlugu ineriartortitsinermut peqataarusuppiit qularnaareqataaffigalugulu Kalaallit Nunaata nunat tamalaat akornanni nukittuumik inissisimanissaanut?

Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfik sulisussarsiorpoq akisussaaffimmik tigusinissamut piareersimasumik Kalaallit Nunaanni inuussutissarsiutinik niunermilu ingerlatsinermik siuarsaanissamut. Suliassat taamaattut suleqataaffigerusukkukkit immaqa Inuussutissarsiornermut Immikkoortortaqarfimmi suleqatissaraatsigit nutaaq. 

Atorfik pillugu:.
Inuussutissarsiornermut immikkoortortaqarfimmi ilaatigut suliaraagut takornariartitsineq, sermimik aamma imermik avammut niueruteqarneq, nunat tamalaat akornanni niuernikkut sassartaartarneq, kalaallini inuussutissarsiormit periarfissanik avammut nittarsaassineq, nunami namminermi inuussutissarsiorneermut politikki kiisalu kiffartuussinermut isumaqatigiissutit malitseqartsinneqartarneri. Tamatumalu ilaatut immikkoortortaqarfik Visit Greenland-imut aammalu Business Greenland-imut kiffartuussinermut isumaqatigiissutinut akisussaavoq. Siammasissumik sulissutigineqarput periusissianik ineriartortitsinerit, atortuulersitsisarnerit, sulianik ingerlatsinerit kiisalu suliassaqarfiit taakkua iluanni naalakkersuinikkut sullissineq. 

Illit piareersimassaatit namminersorlutit akisussaaffimmik tigusinissamut suliasaqarfitsinni pineqartuni immikkoortut ilaanni. Ilaatigullu makkua suliassarilersinnaavatit:

  • Naalakkersuinikkut ingerlatsisutsinnik sullissineq, tamatumali aamma Naalakkersuisut isummernissaannut tunngavissanik suliaqartarneq, allakkiat-tunuliaqutaasut, oqalugiaatissat, § 37 naapertorlugu apeqquteqaatinut akissutissat il.i. 
  • kalaallini inuussutissarsiornermik ingerlatsinermut atatillugu nunat tamalaat akornanni ussassaarineq.
  • Nunat tamalaat akornanni niuernikkut sassartaarnernik. 
  • pilersaarusiortarneq ingerlatsisarnerlu • Suliassaqarfiit assigiinngitsut immikkoortortaqarfinni assigiinngitsuniittut akornanni sulianik, pisortat ingerlatsinerannik aammalu inuussutissarsiornermut atasuni ataqatigiissaarisarnerit.
  • Inuussutissarsiornermut politikkimik suliaqarnernut atatillugu pisortatsinnik siunnersuisarneq.
  • Inuussutissarsiornikkut periusissiassanik ineriartortitsisarneq aammalu atortuulersitsiartuaartarneq.
  • Kiffartuussinermut isumaqatigiissutini immikkoortortanut ataaniittunutmalitseqartitsisarneq.
  • Aningaasaqarnikkut aamma missingersuusianik aqutsineq, sulianik ingerlatsineq, paasissutissaasivinnik database-nik ineriartortitsineq kiisalu allattoqarfittut suliassat. 


Uagut suliffeqarfipput tassaavoq nunanut tamalaanut sammisumik immikkoortortaqarfik nunami namminermi kisarsimaffeqartoq. Taamaattumik periarfissaqartarsinnaassaaq sulianut atatillugu Kalaallit Nunaata avataani iluanilu angalasarnissanut. Suliassat sorpiaat suliarisassaneritit eqqarsaatigalugu apeqqutaassapput illit soqutigisatit, piginnaanitit aamma misilittakkatit.   

Illit:
Sulisussarsiorpugut naalakkersuinikkut aqunneqartumi sulinermik i misilittagaqartumik sulisussatsinnik aamma /imaluunniit namminersortutut inuussutissarsiortuni suliffeqarnermik misilittagaqartumik. Taamaattumik nuannaarutigissavarput illit: 

  • Suliaqarfimmut naleqquttumik  kandidatitut ilinniagaqarsimanissat.
  • Suliffeqarfimmi  politikkikkut aqunneqartumiit aamma /imaluunniit namminersortuni sulinermik misilittagaqarnissat.
  • Inuussutissarsiornermut politikkimut tunngasunik ilisimasaqarluarnissat.
  • Suliniutinik annerusunik namminersorlutit sulisinnaasuunissat.
  • Suleqatigisannik aammalu avatitsinni suleqatigisartakkatsinnik suleqateqallaqqissuunissat. 


Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfimmi inuussutissarsiornermut immikkoortoqartarfik pillugu:
Inuussutissarsiornermut immikkoortoqartarfik Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfimmut ilaavoq. Naalakkersuisoqarfik 45-ut missaannik sulisoqarpoq. Tamatuma saniatigut Naalakkersuisoqarfik allequtaasunik immikkut ingerlasunik ingerlatsiveqarpoq, - Atuisartoqarnermut Unammilleqatigiinnermullu Aqutsisoqarfik aammalu Nukissiorfiit. 

Inuussutissarsiornermut immikkoortortami sulisuupput immikkoortortaqarfimmi pisortaq ataaseq aamma ilinniagartuut A/C-it 6-7-it  kiisalu sungiusaammik sulisut ilinniagartuunngorniartullu ikiortit arlaqartut, tamarmik qularnaarisussat nuna tamakkerlugu ineriartortitsinissamik, aamma Kalaallit Nunaata nunat tamalaat akornanni niuernermi nukittuumik inissisimanissaanik. Immikkoortortaqarfiuvugut sulisut ataasiakkaarlutik tamarmik immikkut annertuumik akisussaaffeqarfigisaallit. Ilutigisaanik inuttut ataatsimoorfeqarpugut pitsaalluinnartumik, ataatsimoorullugillu suliassagut amerlasuut naammassiniartarlutigit. 

Inissiaq:
Atorfiit ilaannut ataatsimut sulisunut inissiamik pequsersorneqanngitsumik innersuussisoqarsinnaavoq, tamanna pillugu malittarisassat atuuttut naapertorlugit.

Sukumiinerusumik paasissutissat:
Atorfik pillugu annertunerusunik paasisaqarumaguit tikilluaqqusaavutit Inuussutissarsiornermut immikkoortortap pisortaanut Christian Hjerrild Ovesen-imut saaffiginninnissannut atorlugu e-mail: chho@nanoq.gl, oqarasuaat 345622 imaluunniit mobil 564471.  

Oqaloqatiginninnerit ingerlaavartumik ingerlanneqassapput.

Ulloq atorfiniffissaq tassaavoq 1. juni 2020 imaluunniit atorfinittussamut naleqquttumut isumaqatigiissuteqarnikkut. 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfiit ilaannut ataatsimut sulisunut malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk