Skip to main content
156

Dette jobopslag er udløbet

Nuna Tamakkerlugu Ilitsersuisarfik oqalutsissarsiorpoq

Nuna Tamakkerlugu Ilitsersuisarfik oqalutsissarsiorpoq
Oqalutsimik pissarsiorpugut, sapaatip akunneranut 30 tiimit missaani. Atorfiup inuttalerneqarnissaa kissaatigineqarpoq kingusinnerpaamik 1. september imaluunniit taassuma kingorna piaarnerpaamik. Suliassat annerpaartarissavaat Ilinniartunut Siunnersuisarfimmi psykologinut danskisut oqaasilinnut oqalutsiinissaq. Ilinniartunut Siunnersuisarfik akeqanngitsumik ilinniartunut tamanut tarnikkut katsorsartinnermik oqaloqateqarnermik ingerlatsinikkut neqerooruteqarpoq. Ilinniartunut Siunnersuisarfik tallimanik immikkoortortaqarfeqarpoq, taakkunanilu aqqaneq-marluk sulisorineqarlutik, taakku zumiiffinni ukunani agguataarsimapput: Ilulissat, Aasiaat, Sisimiut, Nuuk aamma Qaqortoq. Immikkoortortaqarfinni taakkunani tallimaasuni suliassaqrfiit akimorlugit suleqatigiinni peqataassaatit, psykologit 8 aamma psykoterapeutit 3 peqatigalugit.
Ilinniartunut Siunnersuisarfik tassaavoq nuna Tamakkerlugu pisortanit ingerlanneqartumit neqeroorut, Nuna Tamakkerlugu Ilitsersuisarfiup ataani ingerlanneqartoq.
Atorfinitsitsineq piffinni ukunani pisinnaavoq: Ilulissat, Aasiaat, Nuuk imaluunniit Qaqortoq.
Oqalutsitut psykologip ilinniartullu oqaloqatigiinneranni oqalutsiissaatit. Oqaloqatigiinnerit 50-60 minutsit missaanni ingerlanneqartarput. Oqaloqatigiiinneq akunnerup ataatsip ingerlannerani akunnernik marlunnik akissarsissutigineqartarpoq. Oqaloqatigiinnerup 50-60 minutsit missaani sivisussuseqartup saniatigut oqalutsi pilersaarusiornissamut piareersarnissamullu akissarsiaqartinneqarpoq,
Oqaloqatiginninnerit amerlasuut onlinekkut ingeranneqartarput,
Sulineq allanut tusarliusseqqusaannginnerup inatsip ataani ingerlanneqassaaq sullitaq eqqarsaatigalugu.

Suliassaqarfiit

  • Psykologinut danskisut oqaasilinnut tarnikkut katsorsaanermi ingerlatsinermi oqalutsiineq
  • Psykologinut danskisut oqaasilinnut oqalutsiineq, sianernermi aamma SMS-inik nassiussinermi.
  • Allakkat nutsigassat
  • Ilinniarfeqarfinni saqqummiisoqassatillugu oqalutsiineq
  • Ilinniarfeqarfinnut angalalluni saqqummiisoqassatillugu imaluunniit oqaloqatogonnittoqassatillugu oqalutsiineq


Ikorfartorneqarneq

  • Oqalutsit aalajangersimasumik ikorfartorneqartarput qaammammut ataasia akunnernik marlunnik sivisussusilimmik, suliffeqarfiup ilitsersuisuanit ingerlanneqartartumit. Oqalutsi ikorfartorneqarnermini akunnernik marlunnik akissarsitinneqartarpoq.
  • Qinnutigineqartillugu ikorfartorneqarneq annertunerusoq tunniunneqartarpoq


Sulineq

Oqaloqatiginninneq ataaseq akunnernik marlunnit akissarsissutigineqartarpoq.

  • Akunneq ataaseq oqalutsiineq
  • Akunneq ataaseq allaffissornermi suliassat, piffissanik inniminniinerit, oqaloqatigiinnissamut pilersaarusiornerit, il. il.

Oqaloqatigiinnerup aallartinnginnerani oqalutsi minutsit 15-it piareersimareertassaaq.
Oqalutsi Skypekkut Teams-iiluunniit oqalutsiissatilluni minutsit 5 sioqqullugit isereersimasassaaq.
Oqalutsi oqaloqatigiinnerup qaangiunnerani minutsit 15 atorneqarsinnaavoq.
Taassuma saniatigut aamma oqalutsip nutsigassanik suliaqarnermi atorsimasani nalunaarutigisassavai, saqqummiinermi il.il, isumaqatigiissut malillugu akissarsiaqartitsisoqassalluni.

Akissarsiat
Namminersorlutik oqartussat akigisitaat tassaavoq 142,- nutserinermi.
Ilinniartunut Siunnersuisarfimmi oqalutsit freelancetut sulipput. Freelance atorfinitsitsineq tassaavoq sulisitsisup sulisup suliai pisiarigai. Sulisitsisoq pisussaaffeqanngilaq, sulinngiffeqarnermut, napparsimanermi, erninermi sulinngiffeqarallarnermi assigisaaniilluunniit.
Isumaqarpoq feriarnissamut katersaqannginneq.

Qinnuteqarnissaq qinnuteqarfissarlu kingulleq aggustip 18-ani 2022
Siulianiittut soqutiginnilersissimassappatsit atorfillu pillugu annertunerusunik paasisaqarusukkuit, tarnip pissusaanik immikkut ilisimasalittut pisortaq Bjørn Noer oqarasuaatikkut: +299 250362 imal. emailikkut: bjno@aqqut.gl attavigisinnaavat.
 

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk