Skip to main content
156

Dette jobopslag er udløbet

Nukissiuuteqarnermut Silaannaallu Pissusaanut immikkoortortaqarfimmut 1-2 AC fuldmægtigit/Specialkonsulentit

Kalaallit Nunaata qorsuusumik ingerlatsileriartornerani peqataarusuppiit?

Atorfik pillugu
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik ataatsimik marlunnilluunniit sulisussarsiorpoq nukissiuuteqarnermik silaannaallu pissusaanut tunngasunik suliassaqarfimmut. Illit Nunalerinermut, Nukissiuuteqarnermut Silaannaallu Pissusaanut immikkoortortaqarfimmi inissisimassaatit.
Immikkoortortaqarfimmi nukissiuuteqarnermut silaannaallu pissusaanut tunngasunik suliassaqarfimmi suleqatitit peqatigalugit ingerlatsinermut qorsuusumut ikaarsaariartornermi peqataassaasi. 

Illit qitiusumik inissinneqassaatit politikkimik ineriartortitsinermut naalakkersuisumullu sullissinermut suliani. Suliassat tassaapput ingerlaavartumik malitseqartitsisarnerit suliniutinik nukissiuuteqarnermut imermillu pilersuinermut politikkinik, nukissiuutinik piujuaannartitsinermik tunngavilinnik ineriartortitsinernut politikkinik, piviusunngortitsiartuaarnernik unammilleqatigiinnermik tunngavilinnik Kalaallit Nunaanni erngup nukinganik annertoorsuarnik iluaquteqalernissamut suliani, kiisalu silaannaap pissusaanut atatillugu nalilersuinerni ikiuuttassallutit.

Suleqatitit peqatigalugit attaveqaataassaatit Nukissiorfinnut, Kalaallit Nunaanni nukissiuuteqarnikkut pilersuinermik isumaginnittuusumut, ingerlatsisuusumullu nukissiuutinik pilersaarusiortartuullunilu. Suliassaqarfiit akornanni nukiit assigiinngitsut nukittorsaaqatigiittarput, suliassaalersartullu assigiinngisitaartuusarlutik.
Illit suliassatit naleqqussarneqassapput illit piginnaanitit aallaavigalugit naleqquttumik:

  • Naalakkersuinikkut ingerlatsisunik sullissineq, tamatumani aamma Naalakkersuisut isummernissaannut tunngavissianik suliaqartarneq, paasissutissat tunuliaqutaasut pillugit allakkiortarneq, oqalugiaatissat, § 37 naapertorlugu apeqquteqaatinut akissutissat il.il.
  • Nukissiuutinut piujuaannartitsinermik tunngavilinnut atatillugu naalakkersuinikkut suliniutinik suliaqarnermi nalilersuinernik ingerlatsisarnerit.
  • Inuiaqatigiinnut aamma ingerlatsinermut aningaasartuutissanut atatillugu naatsorsuusiortarnerit nukissiuuteqarnermi silaannaallu pissusaanut atasunik suliniutini.
  • Suliassaqarfiit assigiinngitsut akimorlugit ataqatigiissaarinermik ingerlatsisarneq immikkoortortaqarfinnut allanut pisortanullu allanut atatillugu, tamatumani aamma Nukissiorfinnut atatillugu.
  • Paasissutissiisarnernut atasunik suliassat, assersuutigalugu tusagassiorfinnut nalunaarusiortarneq, oqalugiaasiortarneq paasisitsiniaanernullu atatillugu tunniussaqartarneq.
  • Kalaallit erngup nukinganik iluaquteqarnissamik suliniutaannik ussassaarusioqataasarneq.
  • Aningaasaqarnikkut aamma aningaasartuutissanut missingersuusianik aqutsineq, sulianik ingerlatsineq kiisalu allattoqarfittut sulianik ingerlatsineq.

Illit pillutit
Ilinniagartuumik suleqatissarsiorpugut, nukissiuutinut piujuaannartitsinermik tunngavilinnut silallu pissusaanut tunngasunik naalakkersuinikkut ingerlatsisut qanillugit sulerusuttumik.  Iluaqutaassaaq illit misilittagaqaruit politikkikkut ingerlatsiffiusumiit, aammalu /imaluunniit namminersortutut inuussutissarsiortuniit, nukissiuutinullu piujuaannartitsinermik tunngavilinnut ilisimasaqareersuuguit, kisiannili tamanna piumasaqaataanngilaq. Annertuumik piumassuseqartuussaatit nuannarisaralugulu suliassanik naammassinnittarneq, siumut qanoq inerneqarumaarnerinik ilisimariinngisatsinnik.  Iluarissavarput ilinniakkamik naammassinnerlaaniit qinnuteqaatinik tigusissagutta, imaluunniit inunniit sivisunerusumik suliffeqarnermik inuunermiillu misilittagaqarluareersuniit.
 
Taamaattumillu iluarissavarput illit:

  • Naleqquttumik fagitigut ilinniagartuujussaguit, - immaqa aningaasarsiornikkut ilisimasalittut økonom-itut (assersuutigalugu cand.oecon, cand.polit), cand.soc., cand.scient.pol imaluunniit taakkua assigisaat.
  • Kisitsisilerinermi piginnaaneqarluartuuneq, ajornanngippallu inuiaqatigiinni aningaasarsiornikkut ingerlatsinermi nalilersuisarnernik misilittagaqartuuneq, aamma /imaluunniit ingerlatsinermi aningaasartuutissanik naatsorsuusiorsinnaaneq.
  • Pikkorissoq ajornartorsiutit piusut ersarissumik saqqummiussortarneranni, allaganngorlugit sulianik aamma oqaatsit atorlugit saqqummiussisarnertigut.
  • Namminersorluni sulisinnaassuseqarneq, aaqqiissutissarsiullaqqissuuneq, suliniutinilu annertuunik tamakkiisumik isiginnissinnaassuseqarneq.
  • Naalakkersuinikkut ingerlatsivimmit misilittagaqartuuneq aamma / imaluunniit namminersortutut inuussutissarsiortuniit misilittagaqartuuneq.
  • Suliassanik allanngorartunik suliaqarnermik nuannarisaqartuuneq.
  • Sungiussiasuuneq, peqqissaartuuneq, nalilersuinernillu tunngaveqartunik ajornartorsiutinut aaqqiissutissarsiullaqqissuuneq.
  • Kalaallisut ilisimasaqarneq iluaqutaassaaq.
  • Nukissiuuteqarnermik ingerlatsivimmut tunngasutigut ilisimasaqareerneq iluaqutaassaaq.


Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik pillugu
Kalaallit Inuiaqatigiinni suliassat pingaaruteqartut suliarisarpagut, ulluinnarnilu pitsaasumik oqaloqatigeeriaaseqarpugut, periarfissaqarporlu suliatsinni taakkunanilu angusatsinni uagut nammineq sunniuteqarnissarput.  Suliassanik ineriartortitassanik amerlasuunik ingerlatsisuuvugut, pingaaruteqarporlu illit aamma suliffinni ineriartorninnik misiginissat. Naalakkersuisoqarfimmi sulisuusut 40-t missaanniipput, Nukissiuuteqarnermut silallu pissusaanut nunalerinermullu immikkoortortami piffissami matumani atorfiit qulingiluat missaat akuerisaallutik.
Tamatumalu saniatigut ilaatigut Nukissiorfiit, nunatsinni nukissiuuteqarnikkut pilersuisuusoq Naalakkersuisoqarfiup ataani inissisimavoq.

Akissarsiat aamma atorfininnermi atugassarititaasussat
Akissarsiat aamma atorfininnermi atugassarititaalersussat, matumani aamma atorfininnermut soraarnermullu atatillugu angalanerit aamma pequtinik angallassineq aaqqissuunneqassapput piffissami atorfiniffiusumi isumaqatigiissutit atuuttut Namminersorlutik Oqartussat kattuffiullu isumaqatigiinniarsinnaatitaasup akornanni naapertorlugit. AC-fuldmægtigitut aamma immikkut ittumik siunnersortitut atorfinitsinneqarsinnaaneq kandidatinut naapertuuttunik uppernarsarneqartunillu piginnaaneqartunut neqeroorutigineqarsinnaapput.

Piffissaq suliffiusartoq aallaavittut sap. akunneranut akunnernik 40-nik sivisussuseqartarpoq.  

Atorfininneq 1. septembari 2022 imaluunniit tamatuma kingorna sapinngisamik sukkanerpaamik.

Piffissaq qinnuteqarfissaq 17. aggusti 2022 -anut killeqarpoq. Ingerlaavartumik atorfinititsinissamut oqaloqateqartarpugut.  

Ini
Atorfimmut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqareernerminut atatillugu ineqareersimaguni, inigisaq innersuunneqarsimasoq tigummiinnarneqarsinnaavoq. Suliffeqarnermut atatillugu inigisaq atorfeqarnermut atasuummat atorfeqarnerup taamaatinnerani taanna qimanneqartussaavoq.

Ilassutitut paasissutissat
Atorfik pillugu paasissutissat annertunerusut pissarsiarerusukkukkit imaluunniit apeqqutissaqaruit Namminersorlutik Oqartussani suliffeqarneq pillugu, tikilluaqquneqarputit immikkoortortaqarfimmi pisortamut Rasmus Alex Wendt-imut attaveqarnissannut, oqarasuaatikkut: +299 55 72 12.

Qinnuteqaatit, CV, ilinniakkanut pikkorissarsimanernullu uppernarsaatit kiisalu uppernarsaatit allat naleqquttut nassiutikkit toorlugu “qinnuteqaat nassiuguk”. Qinnuteqaatinik e-mail-ikkut tigusisanngilagut.

Naalakkersuisut pillugit
Unammilligassanik ujarleruit, ulluinnarnilu sunniuteqarumaguit sulinerit aqqutigalugu, siunissamillu ilusilersueqataajumallutit, taava Namminersorlutik Oqartussani atorfik ilinnut soqutiginassaaq.
Naatsorsuutigaarput qaffasissumik akisussaassuseqartuunerit, pingaartipparpullu fagitigut piginnaaneqarluarnissat, peqqissumik pissutsinik nalilersuisinnaassuseqarnerit, kiisalu pissutsinut nutaanut annertuumik sulisutta naleqqussarsinnaassuseqarnissaat. Tamakkualu saniatigut illit ulluinnaat atukkatta aaqqissuuttarnerinut piginnaaneqarnerit pissutsinillu atuuttunik tamakkiisumik isiginnissinnaanerit pingaaruteqarput.

Namminersorlutik Oqartussat qitiusumik allaffeqarfissuat 650-it sinnerlugit sulisoqarpoq, Naalakkersuisoqarfinnut arlaqartunut agguarsimasunik, kiisalu siammasissunik arlalissuarnik immikkoortortaqarluni. Ataatsimut inuit 2.500-nit amerlanerusut Namminersorlutik Oqartussanut atasuupput. Qitiusumik allaffissuaqarfimmi suliatigut qularnaarneqartarpoq Naalakkersuisut naalakkersuinikkut aalajangigassani tamatigoortunik patajaatsunillu tunngavissaqarnissaat, kiisalu naalakkersuinikkut aalajangersakkat piviusunngortinneqartarnissaat.  
Namminersorlutik Oqartussat pillugit annertunerusunik paasisaqarsinnaavutit uani 
http://www.naalakkersuisut.gl/job
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk