Nukissiutinut, Silap Pissusianut Nunalerinermullu immikkoortortaqarfimmi pisortaq
Ulloq atorfiniffissaq: 1. marsi 2023 imaluunniit erseqqinnerusumik isumaqatigiissuteqarnermi.

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik Nukissiutinut Silallu Pissusianut Nunalerinermullu Immikkoortortaqarfimmi pisortassamik, aaqqiissutissanik siunnerfeqartumik, akisussaassuseqartumik iliuuseqarluarsinnaasumillu pissarsiorpoq.

Atorfik pillugu:
Nukissiutinut, Silallu Pissusianut Nunalerinermullu suliassaqarfimmi oqartussaasutut ineriartortitsinermilu suliassanut akisussaasuussaatit – sulisut pisortaqatitillu pikkorissut tunniusimasullu suleqatigalugit. Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq qullersarissavat.

Nukissiutinut, Silap Pissusianut Nunalerinermullu Immikkoortortaqarfimmi sulisut arfineq pingasuupput, taakkunannga amerlanerit nukissiutinut suliassaqarfimmi sulisuullutik.
Immikkoortortaqarfiup immikkoortortani pingasuusuni politikkikkut qaffasissumik kiffartuussinissaq, matumanilu immikkoortortani tamani ineriartornissamut suliassat pillugit politikkitigut kissaatigineqartut aalajangiussavai.  Nunalerinermut immikkoortortaqarfik ineriartortinnissaanut, imminut pilersorneq annertusarniarlugu tapersiinerit peqataaffigissavat. Matumani inuussutissarsiorneq imminut akilersinnaanera annertusineqassaaq. Silap Pissusianut immikkoortortaqarfimmi inuiaqatigiinni silap pissusianut periusissiamik aamma siunertaanik pillugu, Kalallit Nunaata CO2-mik aniatitsinera millisinneqarnissaanut sinaakkutinik aamma sakkussanik suliaqartoqarnissaa kissaatigineqarpoq. Taamaammat silap pissusianut periusissiaq naapertorlugu ineriartortitsinermik pilersitsinissamut immikkoortortani allani aallarnisaasoqarsinnaavoq.  Assersuutigalugu nukissiutinut immikkoortortaqarfiup, politikkikkut kissaatigineqarpoq inuiaqatigiinnut mingutsitsinngitsumik pilersuisoqassasoq, tamanna Nukissiorfinnit Namminersorlutik Oqartussat ingerlataanit suliarineqarpoq. Matuma saniatigut nukissiutinut immikkoortortaqarfiup Kalaallit Nunaanni erngup nukinganik annerpaamik unammilleqatigiissitsivoq, nunanit allanit aningaasaliisartunut nunatsinnut pilerinarsaalluni.



Immikkoortortani pingasuusuni tamani inerniliisoqarnissaa qularnaarnissaanut peqataasaatit. Ineriartornermut sammivik pilersinnissaanut kisimiisanngilatit, kisianni inerniliinissamut ineriartornermut siumut ingerlatseqataassaatit.

Piginnaaneqarfiit:
Ingerlaqqiffiusumik ilinniagaqarputit, ajornanngippallu pisortat namminersortulluunniit suliffeqarfiani atorfeqarnerit aqqutigalugu ukiuni arlalinni allaffissornermik misilittagaqarlutit,

Tamatuma saniatigut pingaartipparput:
 

• Pisortatut misilittagaqassasutit aqutsinissamullu piginnaaneqarluassasutit.
• Politikkikkut aalajangiisarnerit misilittagaqarfigissagitit paasisimaarissallugillu.
• Nunarsuaq avatangiiseq paasisimasaqarfigissagit, suleqatikkuminartuussasutit sunniisinnaassuseqassasutillu.
• Isumagissaartuussasutit sunniuteqarluarsinnaasunillu isummersinnaassasutit, aammalu suliassaqarfimmi politikkikkut eqqumaffigineqartumi allannguisinnaanissamut piumassuseqassasutit.
• Toqqissimasuussaatit aammalu ulluinnarni ulapaarfiusuni pisassat suliassallu allanngorartut tulleriiaarnissaannut piginnaaneqassaatit. Pilersaarusiorsinnaassaatit ilisimaarinnissinnaassaallutillu, aammalu allat taamaaliornissaannut ikiorsinnaassavatit. Piffissaliussat malinneqarnissaat qulakkeersinnaassavat eqqissisimasinnaassallutillu.
• Suliat ingerlaavartut malinnaaffiginissaannut piginnaaneqassaatit. Suleqatitit suliassanillu isumaginninneri maluginiarsinnaajuassavatit, aammalu aaqqissuussaaneq akimorlugu aammalu avataanit suleqatinut suleqateqarnerup pitsaasumik ingerlanissaanik qulakkeerinissaq piginnaaneqarfigissavat.
• Immikkoortortaqarfiup angusaasa piginnaaneqarfiusumik pitsaasumillu misigineqarnissaat pingaartissavat. Oqaatsit ersarissut paasiuminartullu atorlugit allakkatigut oqaluinnarnikkullu attaveqateqarneq pikkoriffigissavat. Peqqissaartuussaatit, aammalu immikkoortukkaat ingerlanersut misissortarneri nuannarissavat.
• Akisussaaffimmik tigusisarneq aammalu suliassanik kaammattuillutit allanut agguaassisarneq toqqissisimanarissavat.
• Naalakkersuisoqarfiup suliffeqarfittut toqqissisimanartutut ineriartornerani ikiuunnissat soqutigisarissavat.
• Suleqatinnut qanilaartuussaatit, aammalu ajornanngippat alapernaaffiusumik apersuineq, nammineerlutit qisuariaateqartarnitit, misilittakkatit, nukissaqarnerit suliaannillu nuannarisaqarnerit atorlugit ikiuussinnaassaatit.
• Naapertuisutut aammalu ukiorpassuarni tulliuttuni Naalakkersuisoqarfimmi pingaarutilittut inissisimasutut ilinnut isigisinnaassaatit.

Kalaallit Nunaanni pissutsinut ilisimasaqarnerit aammalu kalaallisut, danskisut tuluttullu oqaatsinut piginnaaneqarnerit iluaqutaassapput.

Neqeroorutigaavut:
 

• Iluaqutaasumik allannguisinnaanissamut annertuumik akisussaaffeqarneq assigisaanillu periarfissaqarneq.
• Pisortatut atorfik pissanganartoq, aqutsinermi ineriartornissamut periarfissaqarluartoq.
• Pisortaaqatigiit ingerlalluartut, qanittumik suleqatigiinnissamik tatigeqatigiinnissamillu pingaartitsisut.
• Suliffeqarfik pilerinartoq, pingaartorsiorfiunngitsumik nuannersumillu pissuseqarnerit ataqqinninnermik tatigeqatigiinnermillu sunnigaasimasut.
• Suliassaqarfik tamatigoortoq pissanganartorlu, nunami namminermi aamma nunarsuarmi eqqumaffigilluarneqartoq.

Ulluinnarni suliassat assigiinngitsorpassuupput, akuttunngitsumik saaffiginnissutit politikerit, sullissiviit, innuttaasut kommunillu tungaanneersuunerannik apeqqutaatitsiviullutik. Matumani atorfik assigiinngitsorpassuarnik aallaavilik annertuumillu akisussaaffeqarfiusoq pineqarpoq.

Aningaasarsiatigut atorfinitsitaanermilu atugassarititaasut
Atorfik akissarsiat sinaakkutaannut 38-mut massakkut akissaateqartinneqarpoq/ aalajangersimasumik akissaateqartinneqarpoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Akissarsiat atorfinitsitsinermilu piumasaqaatit atorfinitsitsinermi isumaqatigiissutaasartut / Kalaallit Nunaanni Namminersorlutik Oqartussat isumaqatigiissutaat aamma suliffeqarfimmi isumaqatigiinniarnermi piumasaqaatit naapertorlugit atorfinitsitsisoqassaaq
Sulineq sapaatit akunneranut akunnernik 40-nik sivisussuseqartassaaq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Annertunerusumik paasisaqarusuppit?
Atorfik pillugu annertunerusumik paasisaqarusukkuit Naalakkersuisoqarfimmi pisortaaneq Natuk Lund Olsen, oqarasuaat +299 539228, e-mail: natl@nanoq.gl, attaveqarfigineqarsinnaavoq.

Qinnuteqarnissamut killissarititaq
Qinnuteqaat CV-mik aamma soraarummeernermut uppernarsaatit assilinerinik ilaqartinneqartoq, link matuma kingulianiittoq aqqutigalugu kingusinnerpaamik 06. februar 2023-mi nassiunneqassaaq. E-mail-ikkut qinnuteqaatinik tigusineq ajorpugut.
 

Qinnuteqaat nassiuguk