Skip to main content
109

Dette jobopslag er udløbet

Niuernermik Ilinniarfik, Nuuk ilinniartitsisunik pissarsiorpoq

Niuernermik Ilinniarfik ilinniarfiuvoq eqeersimaartoq ingerlalluartorlu, assigiinngitsorpassuarnik inuussutissarsiuteqarnerup tungaatigut ilinniakkanik neqerooruteqartoq. Siunissaq pissanganartoq ornipparput, suliniuterpassuarnik ulikkaartoq. Taamaattumik massakkut ilinniartitsisunik pissarsiorpugut.

Suliassatit:

  • Inuussutissarnermi aningaasaqarneq (TNI/EUD aamma ilisimatusarnermik ilinniagaqartut qaffasissusaat naligalugit)
  • Tunisaqarneq aamma tuniniaaneq & Kiffartuussineq (TNI/EUD, aamma Ilisimatusarnermik ilinniagaqartut naligalugit)
  • Nunani tamalaani tuniniaaneq aamma niuerneq (Ilisimatusarnermik ilinniagaqartut naligalugit)
  • Pilersitsisumik ineriartortitsineq (TNI/EUD naligalugu)Digitalimik tuniniaaneq (Bachelor naligalugu)
  • Misissueqqissaarneq aamma naatsorsuuserineq (Bachelor naligalugu)
  • Nunarsuarmi aningaasaqarneq (ilisimatusarnermik ilinniagaqartut aamma Bachelor naligalugit)
  • Aningaat aningaasaliinerlu (ilisimatusarnermik ilinniagaqartut aamma Bachelor naligalugit)
  • Ingerlatsinermi aningaasaqarneq
  • Ukiumoortumik nalunaarusiorneq aamma Naatsorsuutinut misissueqqissaarneq
  • Naatsorsuutit iluani/avataanilu
  • Aningaasanik aqutsineq (pisortani, taamatullu privat-imik)(Ilisimatusarnermik ilinniagaqartut naligalugit)

Ilinniartitsisutut ilinniartitaanermi nakkutilliisut tunuliaqutarissavatit aammalu sulininni ilinniartitsisut allat suleqatigissavatit. Sulianni pingaaruteqartussaavutit, ilinniartitseriaatsimik siunissamik takorluukkanik aammalu pilersaarutinik pinngorartitsisussaallutit.
 
Kissaatigaarput:
Inuussutissarsiutigalugu- aammalu qaffasinnerusumik ilinniagaqarsimassasutit, kissaatiginarpoq pædagogikummimik naammassisaqarsimassasutit. Sulinermik qajannaatsumik misilittagaqarsimassasutit, ilinniartitsinermik ilikkartitsisinnaanermillu misilittagaqassasutit. Ilinniartitsisugut pitsaasumik suliassanullu piumassuseqarluartuupput aammalu ineriartornitsinni suleqatigiinneq avitseqatigiinnerlu pingitsoorneqarsinnaangillat. Oqaatsinik arlalinneq piginnaaneqarsinnaavutit. Tamakkua saniatigut sulinermik misilittagaqarnissaq, ilinniartitsinermi misilittakkaniik pingaartinneqarneruvoq.
Pisuni tamani pingaaruteqarpoq eqeersimaartumik pissuseqassasutit, suleqatitit ilinniartullu eqqarsaatigalugit.

Neqeroorutigissavarput:
Suliffik pissanganartoq, ilinniarfimmi ineriartortumi, aammalu suliatigut pikkorissarnertigut ilinniaqqissamillu ineriartorfiusoq.  Pikkorissunik eqeersimaartunillu suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.

Sulinerup sivisussusaa nal.ak. 40-t sap.ak.-nut. Sulilernissaq 1. juli 2019 imaluunniit isumaqatigiinneq malillugu.

Paasissutissat allat
Ilutsinni ilinniartitsisutut imminut takorloorsinnaavit, atorfimmilu annerusumik paasisaqarusullutit, ilinniarnermut nakkutilliisut Bramer Sørensen, oqarasuaat +299 34 25 70, mail brso@ninuuk.gl imaluunniit Frederik Lundblad frlu@ninuuuk.gl tlf.  342585 attavigisinnaavatit.
 
Niuernermik Ilinniarfik pillugu paasisaqarsinnaavutit ugguuna www.ninuuk.gl.

tusarfiginissat qilanaaraarput!

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk