Skip to main content
107

Dette jobopslag er udløbet

Niuernermik Ilinniarfik ilinniartitaanermut ataqatigiissaarisumik sulisussarsiorpoq

Niuernermik Ilinniarfik ilinniarfiuvoq ingerlalluartoq, assigiinngitsorpassuarnik inuussutissarsiuteqarnerup tungaatigut ilinniakkanik neqerooruteqartoq.. Siunissaq pissanganartoq ornipparput, suliniuterpassuarnik ulikkaartoq. Taamaattumik massakkut ilinniartitaanermut ataqatigiissaarisumik pissarsiorpugut.
Allaffissornikkut nukittuumik suliriaaseqarpit? Ilinniartut, sulisut aammalu avataaniik suleqatigut pitsaasumik eqqortumik saaffigiuminartumik sullissinnaavigit? Taamaappat  illit ujarpatsigit

Illit suliassatit
Ilinniartitaanermi ataqatigiissaarisutut suliassatit assingiingiiaarput, taamaattumik pisariaqarpoq nammineersinnaanissaq, suleqatillu allat akimorlugit suleqatigiinnissaq. Ulluinnarni ilinniartut, ilinniartitsisut, ilinniarnermut nakkutilliisut, allaffimmi sulisut aammalu suleqatit avataaneersut suleqatigisussaavatit. Suliassaapput, ilinniartut saaffiginnissutaat, Lectio atorlugu sulineq, misilitsinnermi atortoq Wiseflow atorlugu sulineq, allakkatigut sulineq aammalu suliassat oqinnerusut ilinniarnermi nakkutilliisut suleqatigalugit. Atorfiup pisariaqartippaa siulliulluni sassarsinnaaneq, ilinniartut ilinniartitsisullu peqatigalugit, suliassani eqeersimaarfiusuni aallussilluarsinnaneq. Ilinniarnermi nakkutilliisut attaveqaatigissavatit.

Kissaatigaarput
Inuussutissarsiutigalugu- aammalu qaffasinnerusumik allaffissornikkut ilinniagaqarsimassasutit imaluunniit assigisaanik. Naatsorsuutigaarput, nammineersinnaassuseqassasutit, ilusilersuisinnaallutit, pisunullu assigiinngitsunut takunissinnaassuseqassallutit. IT-ip tungaatigut piginnaaneqassasutit aammalu naliginnaasumiki Office-pakki atorsinnaassagit. Taakkua saniatigut suleqatikuminartuunissat saaffigiuminartuunissallu aammalu kalaallisut qallunaatullu piginnaaneqassasutit, Pisuni tamani pingaaruteqarpoq, illit suleqatinnut ilinniartunullu, suleqataalluarnissat, sutigut tamatigut.

Neqeroorutigaarput
Piffissaq tamakkerlugu atorfik, ilinniartoqarfimmi ineriartorfiusumi ulapaarfiusumilu. Inuttut ineriartornissamik pikkorissanissamut, ilinniaqqinnissamullu periarfissalik. Suliassat unamminartut pissanganartullu, suleqatit tunniusimasut, ineriartortitserusuttut pikkorissullu suleqatigalugit, qiimaneq ulluinnarsiutigalugu.

1. marts 2019 aallarnerfigalugu atorfinititsisoqassaaq, imaluunniit piaartumik isumaqatigiissuteqarnikkut.  

Annertunerusumik paasisaqarusukkaanni
Atorfik ilinnut tulluartuusorigukku paasisaqarnerorusukkuillu uunga saaffiginnissinnaavutit: Atuarfiup pisortaa Christel Lund Bøjler oqarasuaat 342580 imaluunniit e-mail atorlugu: clb@ninuuk.gl.

Aamma Niuernermik Ilinniarfik pillugu paasiniaasinnaavutit nittartakkamut uunga iserlutit: www.ninuuk.gl
Qinnuteqarneq
Qinnuteqarfissaq kingulleq 22. februar 2019. Atorfinitsisinermi oqaloqatiginninneq ilimagineqarsinnaavoq pissasoq sapaatip akunnera 9-mi.

Qilanaarpugut tusarfiginissannut!

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk