Skip to main content
67

Dette jobopslag er udløbet

Niuernermik Ilinniarfik ilinniakkanut ingerlaqqiffiusunut ilinniarnermi allatsimik pissarsiorpoq

Allaffissornikkut nukittuumik suliriaaseqarpit? Ilinniartut, sulisut aammalu avataaniik suleqatigut pitsaasumik eqqortumik saaffigiuminartumik sullissinnaavigit? Taamaappat  illit ujarpatsigit

Niuernermik Ilinniarfik ilinniarfiuvoq ingerlalluartoq eqeersimaartorlu, assigiinngitsorpassuarnik inuussutissarsiuteqarnerup tungaatigut suliffinnilu sungiusarfiusunik ilinniakkanik neqerooruteqartoq suliffeqarfinnik pisortallu suliffeqarfii qanimut suleqatigalugit. Niuernermik Ilinniarfik Nuummiittoq inerisaaleruttorpoq, pingaarnertut neqeroorutinik nutaanik angusaqarluarnissatsinnut ilinniartunillu aalajaatsunik peqarnissaminut nukittuungortitsisussanik siunertaqartumik, minnerunngitsumik inuussutissarsiornerup pisariaqartitanik nalimmassaanissaq. Ilinniakkat ingerlaqqiffiusut ilaqarputtaaq bachelor-inngorniarneq aammalu qaffasissunik ilinniarnertuutut ilinniakkat aammalu aningaasaqarnermut tunngasunik ilinniakkat.

Illit suliassatit
Ilinniartitaanermi allatsitut suleqatigiinnut ilanngutsissaatit, tassani suliassat nikerarput tunngaviusumik ilinniakkaniik, ilinniakkanut ingerlariaqqiffiusunut aammalu ilinniaqqinnernut. Ilinniartitaanermik allatsitut suliassat assigiinngiiaarput, sullissisinnaanermik, taamaattumik pisariaqarpoq nammineersinnaanissaq, suleqatillu allat akimorlugit suleqatigiinnissaq. Ulluinnarni ilinniartut, suleqatit, aqutsisut, allaffissornikkut sulisut, avataanilu suleqatit suleqatigissavatit. Ilinniarnermi immikkoortortaqarfimmut ilaalissaatit, tassani pilersaarusiornerit ilinniakkat pillugit allaffissornerit ingerlanneqartarput.

Suliassat imaapput:

  • Semister-ikkaartumik pilersaarusiornerit aammalu ingerlatsineq
  • Misilitsinnerit – aamma misilitseqqinnerit aammalu naammassinerit
  • Ilinniakkat aaqqissuussaanerisa aammalu atuartitsissutissat ilinniartitsisut peqatigalugit aserfallatsaalinissai.
  • Ulluinnarni sullissineq aamma allaffissornermi atortunik atuineq
  • Pilersaarusiornerit aammalu ilinniarnermut tunngasumut tunngasunik pisussanik ataqatigiissaarineq.
  • Suliffinnik sungiusarfissanik akuersisarneq, suliffeqarfinnut attaveqaataaneq il.il.
  • Suliassat takkuttussat tamaasaa suliarinissaai aammalu ineriartortitsinermi suliassat
  • Inatsisinik, maleruaqqusanik aammalu ilitsersuutinik malinnaanissaq


Sulinerup pisariaqartippaa, immikkoortortaqarfiit akimut suleqatiginissai, sulianillu immikkut maluginiagassartalinni eqeersimaartuunissaq. Ilinniartitaanermut nakkutilliisut aqutsisuannut attaveqassaatit.

Kissaatigaarput

  • Inuussutissarsiutigalugu- aammalu qaffasinnerusumik allaffissornikkut ilinniagaqarsimassasutit.
  • Ilinniakkanik aqutsinermi aammalu ilinniakkanik pilersaarusiornermik misilittagaqassasutit
  • Office-pakkemik ilisimasaqassasutit aammalu allaffissornermi atortut ilisimasaqarfigissagitit kissaatiginarpoq, soorlu Lectio, Wiseflow il.il.
  • Inuussutissarsiutitigut ilinniakkat soorunami aamma kalaallit nunaani ilinniartitaaneq ilisimasaqarfigissagit
  • Nammineersinnaassuseqassasutit aammalu allat peqatigalugit, ilusilersuisinnaallutit, pisunullu assigiingitsunut takunnissinnaassuseqassallutit.
  • Kalaallisut qallunaatullu piginnaasaqarnissat pingaartinneqarpoq assut
  • Tamatigoortuunissat, sapiissuseqarnissat aammalu ulapaarfiusumik sulisinnaanissat pingaaruteqarpoq.


Neqeroorutigaarput
suliffik pissanganartoq,  ilinniartoqarfimmi ineriartorfiusumi ulapaarfiusumilu, ilinniartunik, sulisunik pinngaartitsisumi, ineriartortitsinissamillu siunertaqartumi sulinissat. Tassani periarfissaqarputit ilinniartitaanermi ingerlariaatsinut pilersaarusiornernullu pilersitsinermi peqataanissannut. Suliassanik unammillernartunik pisoqarfiusumi, aammalu sulisuni tunniusimasuni, isumassarsiffiusunilu ilaalernissat, ulluinnarnilu qiimaneq ilaalluinnarpoq.

Sapaatip akunneranut nal. ak. 40 tiimit suliffiuvoq. 1. september 2018 aallarnerfigalugu atorfinititsisoqassaaq, imaluunniit piaartumik isumaqatigiissuteqarnikkut.  

Annertunerusumik paasisaqarusukkaanni
Atorfik ilinnut tulluartuusorigukku paasisaqarnerorusukkuillu uunga saaffiginnissinnaavutit: Ilinniarnermi nakkutilliisoq Lisa Andersen. oqarasuaat 34 25 70 imaluunniit e-mail atorlugu: lian@ninuuk.gl.

Aamma Niuernermik Ilinniarfik pillugu paasiniaasinnaavutit nittartakkamut uunga iserlutit: www.ninuuk.gl

Qinnuteqarneq
Qinnuteqarfissaq kingulleq 14. august 2020. Atorfinitsisinermi oqaloqatiginninneq ataavartumik ingerlanneqassaaq.
Qilanaarpugut tusarfiginissannut!

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk