Find job
Dette jobopslag er udløbet
NITTARSAATEQQITAQ: Inatsisilerinermi kalaallisut taaguusersuutinik ineriartortitseqataarusuppit? - Oqaasileriffik inatsilerinermi taaguusersuutinik ineriartortitseqataasussanik marlunnik suleqatissarsiorpoq - Killilikkamik atorfinitsitsinerit
Oqaasileriffik Nuummiittoq marlunnik fuldmægtiginik, siunnersortinik AC-fuldmægtiginilluunniit kalaallisut inatsisilerinermi taaguusersuutinik ineriartortitseqataasussanik suleqatissarsiorpoq. Atorfiit aggustip 15-iannut 2025-mut killiligaapput piaartumillu inuttalerneqarnissaat kissaataavoq. Qinnuteqaatinik nalilersuinerit qinnuteqartunillu atorfimmut piukkunnartunik oqaloqateqarnerit ingerlaavartumik ingerlanneqassapput.
Atorfiit makkuninnga suliassartaqarput:
- Kalaallisut inatsisilerinermi taaguusersuutit ineriartortinneqarnissaat siunertaralugu oqaatsinik suliaqarneq, tamatumunnga atatillugu katersineq, nalunaarsuineq, misissuineq takussutissiinerlu
- Suliffeqarfinnik ulluinnarni inatsisilerinermi taaguutinik atuisunik suleqateqarneq
Piginnaasassat
- Oqaatsit pillugit ilisimatusarnermut tunngasunik naleqquttumik ilinniagaqarneq
- Attaveqaqateqarluarsinnaaneq, allattariarsornikkut oqalunnikkullu
- Oqaatsit pillugit suliaqarnermik ilisimasaqarneq misilittagaqarnerlu, pingaartumik kalaallisut oqaatsit pillugit
- Taaguusersuuserinermik ilisimasaqarneq
- Tamakkiisumik ataatsimut isiginnilluarsinnaaneq
- Namminersorsinnaaneq
- Nutaaliorsinnaaneq
- Oqaatsinik ukuninnga piginnaasaqarneq: kalaallisut oqaatsit ilitsoqqussaralugit, qallunaatut tuluttullu
Sulinermi piffissaq sapaatip-akunneranut nalunaaquttap akunneri 40-t.
Oqaasileriffik pillugu
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani ingerlatsivik inatsisit kalaallit oqaasiinut tunngasut tunngavigalugit suliassanik ingerlatsisoq. Annertunerusumik nittartakkami www.oqaasileriffik.gl-imi atuarit.
Paasissutissat annertunerusut
Atorfik pillugu annertunerusumik paasisaqarusuttut Oqaasileriffimmut saaffiginnissinnaapput, uunga:
- Beatrine Heilmann, Oqaasileriffimmi pisortaq (behe@oqaasileriffik.gl, tlf.: +299 38 40 61).
Qinnuteqarnissamut killigititaq
Qinnuteqaat, ilinniarsimanermut uppernarsaat CV-lu tiguneqareersimassapput: ataasinngorneq 9. oktobari 2023.
Atorfinitsitsineq pissaaq
15. oktobari imaluunniit immikkut isumaqatigiissuteqarnikkut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "Qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job