Inuili - Food College Greenland-mi nerisassiornermut assistentimut ilinniartitaanermi ilinniartitsisussatut atorfissat nutaaq.

Illit pillutit  

• Nerisassiornermut assistentitut imminut taagorsinnaallutit assigisaannilluunniit ukiunik tallimanik suliaqarsimallutit tunulequtaqarlutit
• Ilinniartitaanermik akunniliillunilu sulissussinermik pimoorussivutit
• Nunatsinni siunissami nerisassiornermut assistentinik ilinniartitaanermi peqataarusupputit
• Suleqatiginnissinnaavutit aaqqissukkamillu sulisinnaallutit
• Namminersorlutit sulisinnaavutit akisussaaffimmillu tigusisinnaallutit
• Nuannaartuuvutit, nutaaliullaqqillutit allallu isumassittarlugit

Uagut pilluta

• Nunatta tamarmiusup Food College´erivaatigut aamma ilinniartut ilinniartitaanerni makkunani suleqatigivagut: Iffiortoq, Inuussutissalerinermi ikiorti aamma assistenti, Gastronomassistent`i, Igasoq, receptionist`i aamma saqisoq
• Tatiginninneq pingaartipparput, ataqqinninneq suleqatigiinnerlu ulluinnarni sulinitsinni atugaraarput
• Naligiilluta naapittarnerput nuannaraarput
• Suliamik avatangiisivut nuannersuullutillu toqqissisimanartuupput, tamattalu immitsinnut ajunnginnerpaamik pineqarnissarput naatsorsuutigisarlugu

Kissaatigaarput majip aallaqqaataani 2023 sulilissasutit imaluunniit isumaqatigiissuteqarnikkut.
Atorfimmut tunngatillugu ingerlaavartumik oqaloqatiginnittarpugut qinnuteqaatillu tigunissaa qilanaarivarput.
Atorfimmut apeqqutissaqaruit, taava tikilluaqquneqarputit Forstander Poul N. Christensen poch@inuili.gl allaffigissallugu aamma Ilinniartitaanermi pisortaq Jacob Hansen jaze@inuili.gl allaffigisinnaavat imaluunniit oqarasuaatikkut 661313 attavigisinnaallugu

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk