Skip to main content
96

Dette jobopslag er udløbet

Nerisaqarnermut tunngasunik misissuinermi tullersorti

Nerisaqarnermut tunngasunik misissuinermi tullersorti
Ilisimatusarfimmi nerisaqarnermut tunngasunik misissuinissami tullersortitut atorfik ukiumut ataatsimut killiligaq 1.marts 2019-mit inuttassarsiorneqarpoq, suliassarissallugu qangaaniilli nereriaatsip kitaamiusullu nereriaatsip sukkornermik nappaateqalernissamut sunniutigisartagaasa sanilliunnissaat.

Suliassat  
Suliassatit tassaassapput misissuinermi peqataasussanik pissarsiornermi ikiortaaneq, paasissutissanik kalaallisuunngortiterineq, Nunatsinni piffinni pingasuni paasissutissanik, piffinni tamani qaammatit marluk missaannik sivisussusilinni, katersinermi suleqataaneq, misissuinermi peqataasussanut paasissutissanik tunioraaneq apersuinerlu.
Qallunaat Nunaannit Nunatsinniillu ilisimatuut bioanalytikerillu suleqataaffigissavatit.
Sapaatip akunneranut agguaqatigiissillugu akunnerit 40-t suliffiusassapput.

Piginnaasat  
Nunatsinni misissuinerni assingusuni suleqataanermik misilittagalimmik pissarsiorpugut. Kalaallit qallunaallu oqaasiinik piginnaasaqarluassaatit, oqaluttariarsornermi allattariarsornermilu.

Qinnuteqaatit  
Atorfik soqutigigukku qinnuigaatsigit qinnuteqaateqaqqullutit, ilanngullugit atorfimmut soqutiginninnerit qinnuteqarninnilu tunuliaquttat allaaseralugit (annerpaamik qup. 1), CV kiisalu piginnaasanut ilinniarsimasanullu uppernarsaatit.

Annertunerusumik paasisaqarusukkuit 
Atorfimmut tunngasunik annertunerusunik paasisaqarusukkuit tikilluaqquatsigit ilisimatuup Marit Eika Jørgensen attaviginissaanut, Klinisk Epidemiologisk Afdeling, SDCC; telefon +45 30 91 33 05, e-mail marit.eika.joergensen@regionh.dk

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk