Skip to main content
153

Dette jobopslag er udløbet

Natsorsuutinut nalunngittumik ERP siunnersorti sulisarsiorpugut

Pisortat ataatsimut ERP-mi suliniutaanni annertuumi allatseqarfimmut siunnersorti
sulisussarsiorpugut. Suliniummi sulisassaavoq Kalaallit Nunaanni pisortani tamani
aningaasaqarnermik nalunaarsuiffiit taarsernissaat – Kalaallit Nunaanni kommunit
tallimat aamma Namminersorlutik Oqartussani, allatseqarfiullu Kalaallit Nunaanni
pisortat ataatsimut ERP-mi nalunaarsuiffimmik ingerlatsinissaq siunissami
qulakkiissavaa.
Immikkoortumi ataatsimi arlalillunilluunniit naatsorsuusserinermi aningaasanillu
aqutsinermik, ilinniartitsinermik, attaveqartarnermik suliniutinillu suliaqarnermik
misilittagaqartumik aalajangersimasumik sulisussamik sulisussarsiorpugut.

Suliassatit
Allaffimmi pisortamut akisussaaffeqarlutit suliassanik ukuninnga suliaqassaatit:

  • Nalunaarsuiffimmik ERP-mik ikkussuineq,
  • Atuisunik ikiuisarneq,
  • Kommunini aamma Namminersorlutik Oqartussani immikkoortortaqarfinnut
  • naalakkersuisoqarfinnullu oqaloqateqartarnermi attaveqartarnermilu peqataaneq,
  • Misileraanerni peqataaneq,
  • Ilinniartitsinermi atortunik suliaqarneq ilinniartitsinerillu,
  • Suliassat allat allaffiup suliassaanut tunngassuteqartut.

Piginnaasatit
ilimagaarput immikkoortuni ataaniittuni ataatsimi arlalinniluunniit misilittagaqartutit:
Aningaasaqarnermik aqutsinermik aningaasaqarnermilu nalunaarsuiffinnik
suliaqarneq, AX2012 suliaqarnermik misilittagaqartoq

  • Ilinniartitsisarneq,
  • Ikiuisarneq,
  • Paasititsiniaaneq,
  • Suliniutinik suliaqarneq, sapinngisamik IT-mik suliniutinik,
  • Kalaallisut danskisullu oqalussinnaaneq.

Ilimagaarput inuttut piginnaasaqarluartutit, tusarnaarsinnaasutit, paasissutissanik
paasisaqarsinnaasutit suliaralugillu aamma attaveqartarnermik pikkoriffeqartutit
aalaakkaasumillu attaveqaqalersinnaasutit. Suliffinni qaffasissutsinni tamani
attaveqallaqqissuuvutit, allattariarsornikkut oqaluinnarlunilu.
Ilinnikaatit
Piginnaasatit qulaaniittunut naapertuuppata pingaaruteqanngilaq.

Uagut pilluta
Naalakkersuisut anguniagaraat IT-mik digitaliseriinermillu annertunerusumik atuinikkut
Kalaallit Nunaanni inuiaqatigiit digitalikkut ineriartornerisa siuarsarnissaa, tassunga
ilanngullugu pisortat allaffissorneranni pisariillisaaneq.Tamanna ERP-mik
suliniuteqarnerup ilagaa pingaaruteqartoq. Suliniut maannakkut suliniutinik
aaqqissuussaanermit ataavartumik ingerlatsinermut tapersiisartuunermut
ikaarsaarfiujuartorpoq.

Neqeroorutigaagut
Atorfik assigiinngitsunik suliaqarfiusoq, namminersorfiusoq unammisassaqarfiusorlu
neqeroorutigaarput, suliamik ingerlatsinermi inuttullu ineriartornissamik periarfissiisoq.
Suleqatit pikkorissut tunniusimasullu peqatigalugit persuarsiorani suliffimmi
avatangiiseqarfiusumi peqataassaatit.
Aaqqissuussaanermi ERP-mi allatseqarfimmiissatit, taannalu maannakkut
Aningaasaqarnermut Sulisoqarnermullu Aqutsisoqarfiup ataaniippoq. ERP-mi
suliniummi suliniummik allaffimmi pisortamut akisussaaffeqassaatit.

Atorfik pillugu annertunerusunik paasisaqarusukkuit allaffimmi pisortaq Svend Lynge
Larsen attaveqarfigisinnaavat, oqarasuaatikkut +299 346478 imaluunniit
svll@nanoq.gl.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk