Skip to main content
153

Dette jobopslag er udløbet

Namminersorlutik Oqartussat pikkorissumik kantiinami aqutsisussarsiorput aqutsilluarsinnaasumik nerisassiorsinnaasumillu

Namminersorlutik Oqartussat pikkorissumik kantiinami aqutsisussarsiorput aqutsilluarsinnaasumik nerisassiorsinnaasumillu.
Peqqinnartunik nerisassiorusuppit kiisalu Namminersorlutik Oqartussat kantiinaata ineriartorteqqinnissaanut peqataarusuppit? Namminersorlutik Oqartussat kantiinaani aqutsisumik pikkorissumik piaartumik atorfinissinnaasumik kingusinnerpaamillu ulloq 1.september 2022 sulilersinnaasumik pissarsiorpugut.

Atorfik pillugu:
Kantiinami aqutsisumik pikkorissumik, aqutsinermilu akisussaaffimmik tigusisinnaasumik aamma inunnut 150-it missaannut nerisassiorsinnaasumik pissarsiorpugut.
Namminersorlutik Oqartussat kantiinaani nerisassat qaffasissumik pitsaassusillit ullut tamaasa sassaalliutigisarpavut kiisalu kantiinamut neriartortartut assigiinngiiaartunik pitsaasunik misigisaqartittarlutigit. Nerisassanik mamarluartunik nererusussuseqalersitsisartunik, peqqinnartunik toqqaanissamut kajumilersitsinikkut tamanna qulakkeerneqartarpoq. Nerisassat tunisassiassanit nutaarluinnarneersuussapput inuussutissaqarnermikkut qaffasissumik pitsaassusillit ukiullu qanoq ilinerani tunisassiarineqartartut malillugit neriassiarineqartarlutik. Nerisassiorneq avatangiisit eqqarsaatigalugit akisussaassuseqartumik suliaassaaq nerisanik igitsisarneq annikillisinneqarsimassalluni kalaallillu neriassaataannik atuiffiussalluni.
Kantiinami aqutsisutut sulinermi tassani pingaaruteqartut inissisimassaatit, tassani sulisunik aqutsisuussallutit, nerisassanut pilersaarusiortuussallutit, nerisassiornermik aningaasaqarnermillu il.il. suliaqassallutit, taamaammat suliffik assigiinngiiaartunik suliassaqarfiuvoq annertuumillu akisussaaffeqarfiulluni.

Suliassatit tassaapput:

  • Suleqatigiit sisamat ilinniartullu marluk aqullugillu ineriartortissavatit sulianut tunngasutigut sunniuteqarfigissallugit.
  • Ullaakkorsiutinut ullup qeqqanullu ataatsimoortunik nerisassaqartitsisarnermut nerisassanik allanngorartunik illinnartunillu tunniussisinnaaneq.
  • Tatiginartumik ingerlatsineq qulakkeerlugu.
  • Neriartortartunik oqaloqateqartarnerit, pisiortortarnerit, toqqorsivinnik aqutsineq aammalu nerisassat allassimaffiannik pilersaarusiortarnerit.
  • Kantiinap aningaasaqarneranik aqutsineq, allaffissornermi suliassat suliarineri, sulisunik sullissisarnernik akissarsianik assigisaannillu  suliaqartarneq.
  • Nerisassiornerni peqataasarneq.
  • Sulinermi atugassarititaasunik pitsaasunik isumannaatsunik peqqinnartunillu qulakkeerinninneq.
  • Eqqiluisaarnerup pitsaassusaa qaffasitsillugu ingerlatsineq.
  • Inatsisit naapertorlugit ulluinnarni nammineerluni nakkutilliisarnerup qulakkeerneqarnissaa isumagalugu.

Naatsorsuutigaarput, illit:

  • Igaffimmi pisortatut imaluunniit kantiinami aqutsisutut misilittagaqartuusutit, taakkununnga ilaalluni sulisunik aqutsisarnerit kiisalu nerisassanik nillertunik kissartunillu qaffasissumik pitsaassusilimmik ingerlatsisarnernik suliaqarsinnaasuusutit.
  • Aningaasanik aqutsinermik paasisimasaqartuuvutit, aammalu pitsaasumik aningaasaqarnikkut toqqorsiveqarnikkullu aqutsisarnernik qulakkeerinnissinnaasuullutit.
  • Assersuutigalugu igaffimmi ningiutut/ittutut,  peqqissutsikkut inuussutissatigut imaluunniit igasutut bachelori Suliamut naleqquttumik ilinniagaqartutit.
  • Nerisassiornissamut piareersaanerni tamani peqataasinnaassuseqartutit.
  • Sulisunik neriartortartunillu attaveqarluarsinnaassasutit
  • Sulisunut tusarnaarsinnaassuseqarlutit  peqataaffigineqarusunnartumillu aqutseriaaseqartutit.
  • Aalajangiisinnaassuseqarneq.
  • Suliffimmi avatangiisimut igaffimmilu eqqiluitsuunissamik aqutseriaaseqartutit.

Neqeroorutigaavut:

  • Suliffik pissanganartoq akisussaassuseqarfiusorlu
  • Sapaatip akunneranut akunnerit 40-it suliffiusarput, unnukkut akunnerullu naaneri sulinngiffiusarlutik.
  • Kantiinap ingerlanneqarneratigut nammineq sunniuteqarlunilu ineriartortitsinissamut periarfissaqarpoq.
  • Suliatigut ineriartortitsinissamut periarfissaqarneq
  • Immikkoortortaqarfimmi aqutsisut allat aqutsineq pillugu oqaloqatiginissaanut periarfissaqarpoq.
  • Isumaqatigiissutit atuuttut naapertorlugit aningaasarsiaqarnermi atorfeqartitaanermilu atugassarititat.


Kantiina pillugu:
Namminersorlutik Oqartussat kantiinaat peqqinnartunik ullaakkorsiortitsisarpoq ullup qeqqasiortitsisarlunilu ulluinnarni 7.30-miit 14.00 tungaanut ingerlanneqartarpoq.
Naatsorsuutigineqarpoq Namminersorlutik Oqartussat kantiinaat inuit 150 missaanni amerlassusilinnik ullut tamaasa atorneqartartoq.
Igaffik nillataartitsivinnik qerititsivinnillu atortorissaarusersugaavoq nutaaliaasunillu atortoqarluni.
Kantiina ingerlaavartumik ilinniartoqartarpoq Suliffissarsiuussisarfillu suleqatigalugu suliffeqanngitsunut sivikitsumik suliffimmik misiliinissamut neqerooruteqartarluni.
Kantiina Aningaasaqarnermut Sulisoqarnermullu Aqutsisoqarfimmut atavoq. 


Attaveqarneq qinnuteqarnerlu
Atorfik pillugu apeqqutissaqaruit, tikilluaqquneqarputit attavigissallugu allaffeqarfimmi pisortaq Ella Lynge ugguuna +299 34 66 65 imaluunniit ely@nanoq.gl. Kalaallit Nunaanni Namminersorlutik Oqartussat pillugit paasissutissat nalinginnaasut pissarsiarineqarsinnaapput nittartakkakkut www.naalakkersuisut.gl.
Qinnuteqaat nalunaaqutserneqassaaq ”Kantiinami Pisortaq” tassungalu ilanngunneqassapput CV, ilinniarsimanermut uppernarsaat, karakterit assilineri kiisalu ilanngussassat suliffimmut attuumassuteqartut allat.
Qinnuteqarnissamut killiliunneqarpoq sisamanngorneq ulloq 19. august 2022. Oqaloqateqarnerit ingerlaavartumik ingerlanneqassapput. Atorfik www.naalakkersuisut.gl aqqutigalugu suliffissat ataanni qinnutigineqassaaq.

Akissarsianut atorfinitsitaanermullu tunngasut
Akissarsiat atorfinitsitaanermilu atugassarititaasut, taakkununnga ilaallutik atorfininnermi soraarnermilu angalasinnaanermut kiisalu pisattat nassiunneqarneranni aalajangersakkat aallaavigalugit Kalaallit Nunaanni Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.

Ineqarneq                                                                                                                                  Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini pigiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Qinnuteqaatit, CV, ilinniarsimanermut pikkorissaatigisimasanullu uppernarsaatit kiisalu paasissutissat attuumassuteqartut allat "qinnuteqaat nassiuguk" toorlugu nassiutikkit.
Maili atorlugu qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk