Skip to main content
136

Dette jobopslag er udløbet

Namminersorlutik Oqartussat ataanni Naalakkersuisut Siulittaasuata Naalakkersuisoqarfiani Nuummiittumi HR Ineriartortitsinermi aamma Attaveqarnermut immikkoortortaqarfiani ilinniarnertuunngorniamik ilinniartussarsiorpoq AU - IHM

Kiffartuusserusussuseqarpit Attaveqarnermut aamma nittarsaanermut poqersuuit? Nammineq ilikkagaqarnissannut ineriartornissannullu akisussaaqataarusuppit?
Namminersorlutik Oqartussat ataanni Naalakkersuisut Siulittaasuata Naalakkersuisoqarfiani Nuummiittumi HR Ineriartortitsinermi aamma Attaveqarnermut immikkoortortaqarfiani ilinniarnertuunngorniamik ilinniartussarsiorpoq AU - IHM.

Kikkuuvugut?
HR Ineriartortitsivimmi 9 – 10 sulisuupput aamma Attaveqarnermut immikkoortortaqarfimmi massakkuungallartoq 3 – mik sulisoqarluni Naalakkersuisut Siulittaasoqarfiata Naalakkersuisoqarfiata ataani kiffartuussivittut inissisimavugut. Suliatta pingaarnersaraat Suliffiup avatagiisittalu peqqinnartumik inissisimanissaat, Namminersorlutik Oqartussani aqutsisui siunnersornnissaat, Pikkorissaanerit, ilaatigullu Ilinniakkanik Kalaallit Nunaani saqqummersitsinerit aammalu ilinniagaqartunut suliffissanik saqqummiussinerit.
Attaveqarnermut Immikkoortortaqarfiup pingaarnertut suliarisarpai paasissutissiinerit aammalu nutaarsiassanik saqqummiussinerit paasissutissanillu pareersaanerit.

Suliassatit:
Ulluinnarni suliassat suliarineqarneranni peqataassaatit; soqutigisatit piginnaasatillu naapertorlugit nammineq suliassanut tunngasut pilersaarusiornissaannut naammassinissaannullu akisussaaqataassaatit. Suliassat nalinginnaasumik makkuussapput:

  • Pikkorissaanermi allaffissornikkut suliassat
  • Akiligassanik nassiussinerit / akiliisarnerillu
  • Nittarsaanermut pilersaarusiorneq peqataaffingalugu
  • Kalaallit Nunaani ilinniakkanik saqqummiussinermi peqataaneq, Suliffinnillu saqqummiussinermi peqataaneq
  • Nittarsaanermut nioqqutissanik pisiniaqataaneq
  • Teknikkimut tunngasunik suliaqartarneq
  • Nittarsaanermut quppersakkanik suliaqartarneq

Ullut ilaat ulapaarfiusassapput, allalli nalinginnaanerusassallutik– taamaammat eqaatsumik suleriaaseqarneq, alapernaanneq akisussaassuseqarnerlu ilinniartuutigiligassatta piginnaasassaattut pingaartikkusuppagut.

Saniatigut makku piginnaasassatut naatsorsuutigaagut:

  • Nammineersinnaassuseqarneq pisussaaffimmillu eqquutitserusunneq
  • aaqqissuussamik suleriaaseqarneq
  • Ulluinnarni sulinermi ilinniagaqassutsikkut inuttullu akuuneq
  • Kisitsisinut poqersuuneq
  • Inussiarnersuuneq piumassuseqarnerlu

Piginnaasannik pitsaanerpaanik tunnniussinissat naatsorsuutigaarput– uagullu ilinniarnerpit ilinniarfiullu ilinniakkatigut inuttullu unammilligassarpassuallip pitsaanerpaanissaa isumagissavarput.

Akissarsianut atorfininnermullu tunngasut
Atorfininnerup nalaani akissarsiat atorfininnermilu atugassarititaasut allat, Kalaallit Nunaanni Namminersorlutik Oqartussat kattuffiullu isumnaqatiginninniarsinnaatitaasup akornanni isumaqatigiissutaasut naapertorlugit atorfinititsisoqassaaq.

Ineqarneq
Atorfimmut atatillugu inissamik innersuussisoqarsinnaanngilaq.

Paasissutissat nalinginnaasut
Sap. ak. nal. ak. 40-it suliffiusarput.

Ilinniarnerit
Aningaasaqarnermut isumalluutinillu aqutsinermut ilinniarnertuunngorniarneq ingerlappat imal. aallartittussaavat.

Paasissutissat allat
Ilinniartunngorsinnaanermut tunngatillugu paasissutissanik allanik pissarserusukkuit Ilinniartunut ataqatigiissaarisartoq Frederik Lundblad oqarasuaatikkut: 34 58 42 attavigisinnaavat.

Qinnuteqaat
Qinnuteqarfissaq juni 06-ni  2022 killeqarpoq
 
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk