Find job
Dette jobopslag er udløbet
Namminersorlutik oqartussat Akileraartarnermut Aqutsisoqarfik kontorfuldmægtigimik pissarsiorpoq
Namminersorlutik oqartussat
Akileraartarnermut Aqutsisoqarfik
kontorfuldmægtigimik pissarsiorpoq
Akileraartarnermut Aqutsisoqarfik kontorfuldmægtigimik ulloq 1. maj 2023 isumaqatigiissuteqarnikkulluunniit sulilersussamik.
Atorfiup inissisimaffia immikkoortortallu suliarisai:
Atorfik Aningaasaqarnermut Immikkoortortaqarfiup ataaniittumi Maniitsumi naatsorsuuserivimmi inissisimavoq. Naatsorsuuseriviup akisussaaffigivai allaffissornikkut suliassat susassaqarfinni ukunani; akiligassiisarneq, akilikkat isaasut aniasullu nalunaarsorneri, akiliisartut nalunaarsorsimaffianni naatsorsuuserinermullu kontot atorneqartartut qaammatikkaartumik misissuiffigeqqissaartarneri.
Taamatuttaaq suliassat assigiinngitsut suliakkiissutigineqartut suliarineqartassapput.
Piginnaanerit piumasaqaataasut:
Akileraartarnermut Aqutsisoqarfiup naatsorsuutigaa namminersorlutit allaffissornikkut sullissineq piginnaaneqarfigilluarit.
Susassaqarfimmut inatsisaanullu ilisimasaqarnissat naatsorsuutilerinermilu paasinnittaaseqarluarnissat piumasaqaatigaarput.
Sullissinermut pitsaasunik piginnaasaqarnissat, nutaanik ilinniagaqarusuttuullutit, eriaginngilat suliassanik nutaanik suliaqalersinnaasarneq. Atorfininnermi qulaani suliassanut suleriaatsini ilinniartinneqarumaarputit.
Naatsorsuutigaarput allaffimmiutut assigisaannilluunnit ilinniagaqarsimasuunissat, naleqquttumik misilittagaqarnissat aammalu qarasaasiatigut atuisinnaaneq piginnaasaqarfigilluarnissat. Namminersorlutit, soqutiginnillutit, aalajaallutit akisussaaffimmillu tigumminnilluarlutit sulisinnaassuseqarnissat. Minnerunngitsumillu marluinnik kalaallisut danskisullu oqaaseqartuuguit iluaqutaassaaq.
Annertunerusumik paasisaqarniaraanni
Paasissutissat allat ukununnga saaffiginninnikkut piniarneqarsinnaapput Allaffimmi Pisortaq Kirstine Josefsen oqarasuaat toqqaannartoq: 34 55 71 mail: kijo@nanoq.gl
Namminersorlutik Oqartussat
Akileraartarnermut Aqutsisoqarfik
Postboks 1605
3900 Nuuk
imaluunnit www.naalakkersuisut.gl aqqutigalugu.
Kingusinnerpaamik qinnuteqarfissaq: Qinnuteqaat Akileraartarnermut Aqutsisoqarfimmi kingusinnerpaamik ulloq 03. april 2023 tiguneqareersimassaaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job