Skip to main content
152

Dette jobopslag er udløbet

Namminersorlutik Oqartussani sanaartornermut aserfatsaaliuinermullu iluarsartuullugit pilersaarusianut aqutsisoq

Sanaartornermut tunngasunik suliassanik suliaqarnissamut, taakkununnga ilaallutik nutaanik sanaartortitsinerit aserfallatsaaliuinermi suliassanut kajumissuseqaruit - tassaavutit ujartugarput.
Pisiortortarnermut, Sanaartornermut Ineqartitsinermullu Allaffimmi  suleqatigiinnut ikittunnguusunut suleqatissarsiorpoq, Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoqarfimmut sanaartornermik- aserfatsaaliuinermilu suliassanik suliaqartartunut, kiisalu Nuummi Namminersorlutik Oqartussat allaffeqarfiinut tunngatillugu ingerlatsinermi aserfallatsaaliuinermilu suliassanik isumaginneqataasussamik.

Suleqatigiit nunarput tamakkerlugu illoqarfinni nunaqarfinnilu suliniutit ingerlataraat. Suliassat pingaarnerit ilagaat siunissami Ilinniartut ineqarfissaasa sanaartorneqartussat pitsaassusaannut suliniummi aqutsisutut peqataanissaq. Iluarsartuullugu pilersaarusiap piaartumik aallartinneqartussatut naatsorsuutigineqartup, ilagaa illoqarfinni annerusuni iliniartut ineqarfiinik nutaanik untritilinnik arlalinnik sanaartornissaq, immikkoortunut pingasunut agguarlugit.

Atorfik pillugu
Iluarsartuullugit pilersaarusianut aqutsisutut suliassat makku pingaarnertut suliarisussaavatit:

  • Siunnersuisunik sanaartugassanillu suliassinneqartartunik suliariumannittussarsiuussisarnernik - aammalu isumaqatigiissusiortarnernik naammassinnittarnerit.
  • Iluarsartuullugu pilersaarusianik piareersaanermut naammassinninnernullu atatillugu atuisunik ilanngussillunilu suleqateqartarneq.
  • Pisariaqartitanik nalunaarsuisarnernik, iluarsartuullugit pilersaarusianut nassuiaatinik,  iluarsartuullugit pilersaarusianut siunnersuutinik assigisaanillu sukumiisumik misissueqqissaarisarnerit.
  • Nutaanik sanaartornernut annertunerusunillu aserfatsaaliuisarnertigut suliniutinut atatillugu sanaartornermi isumaginnittutut ingerlatsisarneq, taakkua ilagaat
    • Allannguinernut aqutsisarneq
    • Aaqqiagiinngissutinik suliaqartarneq
    • Suliniutinut aningaasaqarnermik aqutsisarneq
  • Ingerlatsinerup iluani pitsanngorsaanissaq kiisalu suliariumannittussarsiuussisarneq- aammalu isumaqatigiissusiortarnernut tunngaviusut.
  • Sammisat illuutinut tunngasut pillugit suleqatigiissitanut suliaqaqatigiinnullu peqataaneq.


Neqeroorutigaavut.
Illuutinik ingerlatsivimmi sulineq pissanganartoq, suliatigut unamminartumik avatangiiseqarneq ilinniakkatigut ineriartoqqinnissamut periarfissalik aamma nammineq ulluinnarni suliarisanut sunniuteqarsinnaanermut periarfissalik. Suleqatigiinneq inussiarnersumik ingerlasoq, sulineq qiimasumik ingerlanneqartoq.
Allaffik Aningaasaqarnermut- Sulisoqarnermullu Aqutsisoqarfimmi inissisimavoq tassanilu allaffimmi pisortaq sulisullu arfineq-pingasut sulipput, taakkunannga pingasut sanaartornermi suliassanik suliaqartartuupput.
Sapaatip akunneranut akunnerit 40-t suliffiusarput.
Atorfiniffissaq: 1. maaji imaluunniit isumaqatigiissuteqarnikkut

Ilinnut tunngasut

  • Illuliornermut tunngasutigut naleqqutumik ilinniaqqiffiusumik ilinniagaqarputit, assersuutigalugu illuliornermut ingeniøritut, illuliornermut konstruktøritut imaluunniit illunik titartaasartutut.
  • Illulianik sanaartukkanillu suliassatigut iluarsartuullugit pilersaarusianik aqutsinermik misilittagaqartuuvutit aammalu sanaartornermut maleruagassanik aammalu isumaqatigiissutitigut tunngaviusunik ilisimasaqarluartuusutit.
  • Sanaartornikkut teknikkikkut tunngasutigut sukumiinerusunik suliassatigut suliniutinik aqutsinermik tamarmiusumillu aaqqissuussisarnernik suliaqarnissamut piumassuseqarpit.  Taamaasillutit malinnaasinnaalluartuuvutit peqatigisaanillu ataasiakkaanut maluginniasuuvutit
  • Annikitsualunnik takunnissinnaassuseqarputit, aaqqissuussillaqqillutit, ataqatigiissaarillaqqissuullutit akisussaassusermillu tiguserusuttarlutit.  Suliassanik nammineerlutit suliniuteqartartuuvutit nammineerlutillu suliarisinnaalluarlugit.
  • Suleqatigiuminartuussaatit suliffeqarfiup iluani avataanilu soqutiginnittunik kinguneqartussamik oqaloqatiginnissinnaallutit kiisalu inatsisitigut ajornartorsiutit pillugit inatsisilerituujunngitsunut siunnersuisinnaallutillu ilitsersuisinnaassallutit. Sunniisinnaassuseqarputit allattariarsornikkut oqaatsitigullu paasiuminarsaallaqqissuussaatit. 
  • Nukimmik pitsaanerpaanngortitsinermik aammalu issittumi sanaartornermik pisortallu sanaartortarnerinik misilittagaqarneq kiisalu kalaallit oqaasiinik piginnaasaqarneq iluaqutaassaqaaq.

Attaveqarfissaq qinnuteqarnerlu
Atorfik pillugu apeqqutissaqaruit, allaffiup pisortaa Anders Malinovski uani andm@nanoq.glimaluunniit uunga +299 34 58 39 saaffigissallugu tikilluaqquneqarputit. Kalaallit Nunaanni Namminersorlutik Oqartussat pillugit paasissutissat nalinginnaasut nittartakkakkut www.naalakkersuisut.gl-ikkut pissarsiarineqarsinnaapput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk