Skip to main content
94

Dette jobopslag er udløbet

Namminersorlutik Oqartussani pisiortortarnermut, sanaartornermut aamma utaqqiisaasumik najugaqartitsinermut allaffimmi pisortaq

Pisiortortarnermut, sanaartornermut, utaqqiisaasumik najugaqartitsinermut aamma ineriartortitsinermut susassaqarfiup ineriartortinneqarnissaanut siuttoorusuppit - taamaassimassappat tassaasimassaatit suleqatissarput.

Allaffik pillugu
Allaffiup qitiusumik allaffeqarfimmi pisiortortarnermut, utaqqiisaasumik najugaqartitsinermut, sanaartornermut aserfallatsaaliugassanullu annertuunut aammalu ilinniartitaanermut, kulturimut aamma ilageeqarnermut kiisalu aqutsisoqarfiup ingerlataanik digitalinngortitsinermut tunngatillugu suliassat  isumagisarpai. Allaffik Aningaasaqarnermut Sulisoqarnermullu Aqutsisoqarfimmi Sullissinermut immikkoortortaqarfimmi inissisimavoq.

Pisiortortarnernut Allaffik suliarinnittussarsiuussisarpoq tamatumunngalu atatillugu ilitsersuisarluni, kiisalu Namminersorlutik Oqartussanut suliassaqarfinnut assigiinngitsunut tunngatillugu pisiortorfissanik isumaqatigiissuteqartarluni. Nioqqutissanik kiffartuussisarnissanillu pisiortortarnerup suli pitsanngorsaaffiginissaa atuutsinneqalernissaalu kiisalu Namminersorlutik Oqartussani oqartussaaffiit akimorlugit suleqatigiinnerulernissaq ataqatigiissaarinerulernissarlu anguniagaavoq - ineriartortitsinermik suliassaq pingaarutilittut akisussaaffigisassat.

Sanaartornermut tunngatillugu sanaartugassat aserfallatsaaliugassallu annertuut pilersaarusiortarneri aqunneqartarnerilu ukkatarineqassapput. Allaffimmi pisortatut tamakkiisumik isiginnittalersitsissaatit suliassallu isumannaannerusumik pitsaanerusumillu suliarineqartalersinnaanissaat isumagalugu.

Utaqqiisaasumik najugaqartitsinermullu allaffimmi Namminersorlutik Oqartussat utaqqiisaasumik inissiat sulisullu inissaanik tunineqartarneri isumagineqartarput. Tassunga atatillugu suliassaq pingaarneq tassaavoq suliat suliarineqartarnerisa pitsanngorsaaffiginissaat suliassaqarfimmullu atatillugu inatsisit atuuttut paasineqarnissaat malinneqarnissaallu.

Inerisaavik ineriartortitsinermut suliniutinik suliaqartarpoq aqutsisoqarfimmi ingerlatanik pitsaanerulersitsinissaq aamma digitalinngortitsinissaq qitiutillugu.  Tamatuma saniatigut immikkoortortaqarfik aamma digitalinut atortut ilaanik ingerlatsisuuvoq aserfallatsaalisuullunilu.

Atorfik pillugu
Allaffimmi pisortatut suliassatit pingaarnerit tassaapput:

  • Aalajangersimasumik atorfilinnut arfineq marlunnut aamma ilinniartumut ataatsimut pisortatut akisussaaffik
  • Allaffimmi suliassaqarfinnik eqaallisaaneq aamma pitsanngorsaaneq
  • Suliffeqarfiup iluani internetikkut pisiniartarnermik, sullissinermut isumaqatigiissutinik kiisalu pisiortortarnermi misissueqqissaarnissamik aaqqissuussinernik ataatsimut ingerlatsineq aamma pitsanngorsaaneq
  • Pisiortortarnermut EU-mik suleqatigiinnissaq pillugu isumaqatigiissummut peqataaneq
  • Suliariumannittussarsiuussineq, isumassarsiamit piviusunngortitsinermut.
  • Pisiniartarfinnik isumaqatiginninniarnerit
  • Suliffeqarfiup iluani pisiortortarnermut malittarisassatigut tunngavigisanik pitsanngorsaaneq
  • Suliffeqarfiup iluani avataanullu attaveqartarneq suleqateqarnerlu.


Suliffik soqutiginartoq unammilligassarpassualik, inussiarnersumik suleqatigiiffiusoq suliassarpassualillu, oqaloqatigiinnermik, ineriartortitsinermik sunniuteqarnissamillu qitiutitsisoq ilinnut neqeroorutigisinnaavarput.

Ilinnut tunngasut
Misissueqqissaallaqqissuuvutit inatsisilerinermik tunuliaqutalik aamma kisitsisinik paasisimasaqarluarlutit inerisaanissamillu sulerusussuseqarlutit. Inuttut takunnissinnaassuseqarputit, aaqqissuussillaqqillutit akisussaassusermillu tiguserusuttarlutit. Aammattaaq oqaluinnarlutit allattariarsornermilu paasiuminarsaallaqqissuuvutit.

Suliffimmi namminermi suleqatinillu avataaneersunik soqutiginnittunik oqaloqatiginnissinnaassuseqarputit. Siunnersuineq aamma ilitsersuineq nalorngisigineq ajorpat, aamma kukkusoqartillugu amigaateqartoqartillugulu aalajangiisinnaassuseqarlutit. Pisortatut aqutsinermik misilittagaqarnissat iluaqutaassaaq, piumasaqaataanngilarli.

Suliffimmi nunanit assigiinngitsuneersunik sulisulimmi sulisinnaassuseqassaatit suliffimmilu sulisut ukiui, piginnaasai suminngaanneerfinnillu assiginngitsuneersuni assiginngeqisumik atugassaqartitsiviusumi  sulisinnaassallutit.

Ingerlaqqiffiusumik ilinniagaqarsimavutit, immaqa ukutut cand.jur, cand.merc.jur assigisaannilluunniit – imaluunniit suliassaqarfiup iluani misilittagaqarlutit.

Kalaallisoorsinnaaguit aamma/imaluunniit Namminersorlutik Oqartussat pillugit ilisimasaqaruit iluaqutaassaaq.

Atorfiniffissaavoq 1. oktober imaluunniit isumaqatigiissuteqarnikkut.

Attaveqarfissaq qinnuteqarnerlu
Atorfik pillugu apeqqutissaqaruit, allaffimmi pisortamut Christian Ruiz Witting Christensenimut ugguuna chrw@nanoq.gl imaluunniit +299 34 51 55, immikkoortortamiluunniit pisortamut Mathias Laurits Mathiasenimut ugguuna mamm@nanoq.gl imaluunniit +299 34 58 64 saaffiginniinnarsinnaavutit.

Namminersorlutik Oqartussat pillugit paasissutissat nalinginnaasut nittartakkami uani
www.naalakkersuisut.gl nassaarineqarsinnaapput.

Qinnuteqarnissamut piffissaliussaq: Pingasunngorneq 29. september nal. 23:59.

ASA pillugu
Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. Maannakkut ASA 140-t missaanni sulisoqarpoq ilaatigut naatsorsuutit saqqummiunneqartarnerannut, pisiortornermi politikimut, isumaqatiginninniarnernut tunngasunut, aningaasarsiaqarnermut sulisoqarnermullu politikimut, Sulisoqarnermut immikkoortortap ineriartortinneranut, nutserisoqarnermut kiisalu illuutit ingerlanneqarnerannut akisussaasuulluni. ASA-mit siunertarisaq tassaavoq: Isumalluutinik Kalaallit Nunaanni inuiaqatigiit ineriartortinnerinut atorneqarsinnaanngortitsinissaq. ASA-mi makku ataqqineqaatsitut ilisarnaatigerusuppavut:

  • Ataatsimut isiginnilluni aaqqiissuteqartarneq
  • Pisariunngitsumik aaqqiissuteqartarneq
  • Tatiginnilersitsineq.


Akissarsiat atorfeqartitaanermilu atugassarititaasut:
Atorfik akissaateqarfimmi LR 36-mi maanna inissisimavoq.

1. april 2020 LR 36-mi akissarsiat imak isumaqagitiissutigineqarnikuupput qaamammut  Kr. 46.869 ukiumullu Kr. 562.427 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimi qaanngiuttornermusiaqarsinnaavoq ukiumoortumut akunneri 320 qaanngersimagaani, qaammatinullu pingasunut avillugit 80-t, taammaatoq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk