Skip to main content
152

Dette jobopslag er udløbet

Namminersorlutik Oqartussani pisiortortarnermut, sanaartornermut utaqqiisaasumik najugaqartitsinermullu allaffimmi pisortaq

Pisiortortarnermut, sanaartornermut utaqqiisaasumik najugaqartitsinermullu allaffimmi ineriartorti-tsinermi suliassallu naammassineqartarnissaat eqqarsaatigalugit siuttutut sulerusuppit, taamaassi-massappat tassaasimassaatit suleqatissarput.

Allaffik pillugu
Allaffimmi pisortap suliassat  pisiortortarnermut, sanaartornermut utaqqiisaasumik najugaqartitsinermut aserfallatsaaliugassanullu annertuunut tunngasuteqartut qitiusumik allaffeqarfik aammalu ilinniartitaaner-mut, kulturimut ilageeqarnermullu tunngatillugu sullissisut sinnerlugit  isumagisarpai. Allaffik Aningaasaqar-nermut Sulisoqarnermullu Aqutsisoqarfimmi inissisimavoq tassanilu allaffimmi pisortap saniatigut sulisut arfineq pingasut aalajangersimasut ilinniartorlu ataaseq sulipput.
Pisiortortarnernut Allaffik suliarinnittussarsiuussisarpoq tamatumunngalu atatillugu ilitsersuisarluni, kiisalu Namminersorlutik Oqartussanut suliassaqarfinnut assigiinngitsunut tunngatillugu pisiortorfissanik isumaqa-tigiissuteqartarluni. Nioqqutissanik kiffartuussisarnissanillu pisiortortarnerup suli pitsanngorsaaffiginissaa atuutsinneqalernissaalu kiisalu Namminersorlutik Oqartussani oqartussaaffiit akimorlugit suleqatigiinneru-lernissaq ataqatigiissaarinerulernissarlu anguniagaavoq - ineriartortitsinermik suliassaq pingaarutilittut akisussaaffigisassat.
Sanaartornermut tunngatillugu sanaartugassat aserfallatsaaliugassallu annertuut pilersaarusiortarneri aqunneqartarnerilu ukkatarineqassapput. Allaffimmi pisortatut tamakkiisumik isiginnittalersitsissaatit suliassallu isumannaannerusumik pitsaanerusumillu suliarineqartalersinnaanissaat isumagalugu. Sanaartukkanut annertuunut tunngatillugu sanaartortitsisutut inissisimallutit peqataasassaatittaaq.
Utaqqiisaasumik najugaqartitsinermullu allaffimmi Namminersorlutik Oqartussat utaqqiisaasumik inissiat sulisullu inissaanik tunineqartarneri isumagineqartarput. Tassunga atatillugu suliassaq pingaarneq tassaa-voq suliat suliarineqartarnerisa pitsanngorsaaffiginissaat suliassaqarfimmillu atatillugu inatsisit atuuttut paasineqarnissaat malinneqarnissaallu.

Atorfik pillugu
Allaffimmi pisortatut suliassat makku pingaarnertut isumagisassaraatit:

  • Aalajangersimasumik atorfillit ilinniartullu ataatsip pisortatut akisussaaffigineri
  • Allaffimmi suliassat eqaallisarlugillu pitsanngorsaaffigineri
  • Allaffimmi suliassat iliuuseqarfigisariaqakkat suliarinissaasa pilersaarusiorfigineri
  • Pisiortortarnermut tunngatillugu suliassani  EU-mik isumaqatigiissummut tunngassutilimmi ilapertuutaasarneq
  • Suliariumannittussarsiuussineq, isumassarsiamit piviusunngortitsinermut.
  • Pilersuisunut isumaqatiginninniarnerit
  • Pisiortortarneq pillugu namminerisamik atugassanik malittarisassanik pitsanngorsaaneq
  • Suliffeqarfiup iluani avataanullu attaveqartarneq suleqateqarnerlu

Suliffik soqutiginartoq unammilligassarpassualik, inussiarnersumik suleqatigiiffiusoq suliassarpassualillu, oqaloqatigiinnermik, ineriartortitsinermik sunniuteqarnissamillu qitiutitsisoq ilinnut neqeroorutigisinnaa-varput.

Ilinnut tunngasut
Misissueqqissaallaqqissuuvutit kisitsisinik paasisimasaqarluarlutit aamma inerisaanermik sulerusussuseqar-lutit. Inuttut annikitsualunnik takunnissinnaassuseqarputit, aaqqissuussillaqqillutit, ataqatigiissaarillaqqis-suullutit akisussaassusermillu tiguserusuttarlutit.  Oqaluinnarlutit allattariarsornermilu paasiuminarsaallaq-qissuuvutit.
Suliffimmi namminermi suleqatinillu avataaneersunik soqutiginnittunik oqaloqatiginnissinnaassuseqarputit. Siunnersuillaqqillutillu ilitsersuillaqqissuuvutit kukkusoqartillugulu amigaateqartoqartilluguluunniit paasi-nartuliorsinnaallutit. Pisortatut aqutsinermik misilittagaqarnissat iluaqutaassaaq, piumasaqaataanngilarli.
Suliffimmi nunanit assigiinngitsuneersunik sulisulimmi sulisinnaassuseqassaatit suliffimmilu sulisut ukiui, piginnaasai suminngaanneerfinnillu assiginngitsuneersuni assiginngeqisumik atugassaqartitsiviusumi  suli-sinnaassallutit.
Ingerlaqqiffiusumik ilinniagaqarsimavutit, immaqa ukutut cand.polit, cand.econ, cand.jur, cand.merc.jur, cand.merc scm assigisaannilluunniit – imaluunniit suliassaqarfiup iluni misilittagaqarputit.
Sapaatip akunneranut akunnerit 40-t suliffiusarput.
Atorfiniffissaq 1. september imaluunniit isumaqatigiissuteqarnikkut.

Aningaasarsiatigut atorfinitsitaanermilu atugassarititaasut
Atorfik akissaateqarfimmi LR 36-mi maanna inissisimavoq. 1. april 2018 LR 36-mi akissarsiat imak isumaqagitiissutigineqarnikuupput qaamammut  Kr. 45.394 ukiumullu Kr. 544.723 tunngaviusumik aningaassarsiarititaasoq tapillu aalajangersimasut ilanngulugit.
Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.
Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.
Aallaaviusumik sapaatip akunnerani suliffiuvoq akunneri 40-t, atorfimi qaanngiuttornermusiaqarsinnaavoq ukiumoortumut akunneri 320 qaanngersimagaani, qaammatinullu pingasunut avillugit 80-t, taammaatoq ulloq sulinngiffiusussaasoq annaagaani ajunngitorsiassaqarfiunngilaq.
Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Attaveqarfissaq qinnuteqarnerlu
Atorfik pillugu apeqqutissaqaruit, tikilluaqquneqarputit saaffigissallugu Immikkoortortaqarfiup pisortaa Lise Sand Ellerbæk uani liel@nanoq.gl imaluunniit ugguuna +299 34 66 81. Kalaallit Nunaanni Namminersorlutik Oqartussat pillugit paasissutissat nalinginnaasut pissarsiarineqarsinnaapput nittartakkakkut www.naalakkersuisut.gl.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk