Skip to main content
89

Dette jobopslag er udløbet

Namminersorlutik Oqartussani Illuutinik Ingerlatsivimmut isumaqatigiissuteqartarnermik aningaasaqarnermillu aqutsinermut siunnersorti

Aningaasaqarnermik aqutsinermik tamanut tunngasunik suliaqarnissamut aammalu isumaqatigiissutit eqqiaanermut, aputaajaanermut tunngasut nakkutiginissaanut kajumissuseqarpit? - taava illit ujartorpatsigit.
Illuutinut Sullissinermullu Allaffeqarfimmi illuutinut tunngasunik sullissivik Nuummi allaffeqarfiit illuutaannik 24-usunik kiisalu Namminersorlutik Oqartussani kantiina Tamu Namminersorlutik Oqartussat qitiusumik allaffissornerannut atorneqartartunik ingerlatsinermik aserfallatsaaliinermillu suliaqarpoq. Tamakku saniisigut allaffeqarfik eqqiaasarnernut, aputaajaasarnernut atatillugu kiffartuussisarnernut tunngasunut kiisalu Namminersorlutik Oqartussani qitiusumik allattoqarfimmi pigaartunut kalerrisaarutinullu akisussaasuuvoq.

Atorfik pillugu
Ullormut naatsorsuutinik allattuineq aamma qaammammut missingersuutinik nakkutilliineq akisussaaffigissavatit, taanna ilutigalugu ulluinnarni isumaqatigiissutinut malillugit nakkutiginninneq kiisalu pisiortorfiup atuisullu/sullitallu akornanni attaveqaqatigiinneq isumagisassallugit. Tamakku saniisigut atorfimmi uku suliassaapput:

  • Ulluinnarni immikkoortortaqarfiup kantiinallu naatsorsorneqarnissaat isumagalugit.
  • Qaammatikkaartumik missingersuutinik nakkutilliineq.
  • Allaffeqarfiup suliassaqarfinnut atatillugu pisiortornerit.
  • Ulluinnarni isumaqatigiissutinut tunngasut ingerlanerat qulakkeerinninneq, matumani asaaneq, allungiartorfiit igalaallu qillersarneqarnissai.
  • Allaffiup suliassaqarfiini neqeroorutaasussatut pilersaarutinut siunnersuutissanik neqerooruteqartarnernut inatsisilerituut suleqatigalugit suliaqartarnernut ilanngussisassaatit.
  • Atuisut pisiortortarfiillu oqaloqatigisarneri.
  • Namminersorlutik Oqartussani immikkoortortanut allanut attaveqarneq oqaloqateqartarnerlu.


Neqeroorutigaavut
Allaffimmi pissanganartunik suliassalimmi suliallu eqqarsaatigalugit unammilligassaqarfiulluartumi suliffeqarnissat, ulluinnarnilu sulianik ingerlatsisarnermut sunniuteqarnissamut periarfissaqartumi. Aningaasaqarnermik tamakkiisumik takunnissinnaanissamut atatillugu Namminersorlutik Oqartussani sanaartukkanik ilisimasalinnik aammalu kiffartuussissutinik suliassaqarfimmi neqerooruteqartarnermut atatillugu neqerooruteqartarnernut inatsisilerituunik qanimut suleqateqassaatit.

Suleqatigiinneq inussiarnersumik ingerlasoq, ulluinnarnilu ulapaarfioqisumi sulineq qiimasumik ingerlanneqartoq, aammali ulluinnarni sulinerup ilaqutaqarnerullu imminnut ataqatigiinneranik ataqqinniffiusoq. Allaffik Aningaasaqarnermut- Sulisoqarnermullu Aqutsisoqarfimmi Sullissinermut Immikkoortortaqarfimmi inissisimavoq tassanilu allaffimmi pisortaq sulisullu aqqaneq-marluk sulipput, taakkunannga sulisut arfinillit Namminersorlutik Oqartussat nerisarfianni sulisuullutik.
Sapaatip akunneranut nalunaaquttap akunneri 40-t suliffiusarput.
Atorfininnissaq 1. august isumaqatigiissuteqarnikkulluunniit pissaaq.

Ilinnut tunngasut
Qiimasumik attaveqaqatigiittarnernut periuseqarputit suliffiullu iluani avataaniillu soqutiginnittunik kinguneqartussamik oqaloqateqartassaatit. Inuttut kiffartuusserusussuseqarputit, annikitsualunnik takunnissinnaassuseqarputit, aaqqissuussillaqqillutit, ataqatigiissaarillaqqissuullutit, ajornartorsiutinik aaqqiisinnaallutit akisussaassusermillu tiguserusuttarlutit. Suliassanik nammineerlutit suliniuteqartartuuvutit nammineerlutillu suliarisinnaalluarlugit. Aamma Kalaallisut, danskisut tuluttullu oqalunnikkut allattariarsornikkullu oqaaseqatigiiliullaqqissuuvutit. Qarasaasialerisarneq soqutigisarivat aningaasaqarnermilu aqutsissutinik excel-imillu misilittagaqarputit.
Naleqquttumik tunuliaqutaqarputit soorlu inuussutissarsiornermi aningaasaqarnermik ilisimatusarnermi, inuiaqatigiilerinermi bacheloritut ilinniarsimallutit, NI-mi ilinniagaqarsimallutit imaluunniit allaffissornermut attuumassutilimmik allaffissornermut  aningaasaqarnermullu tunngasumi ilinniagaqarsimassallutit.

Akissarsiat atorfininnermilu atugassarititaasut
Akissarsiat atorfinitsitaanermilu atugassarititaasut, taakkununnga ilaallutik atorfininnermi soraarnermilu angalasinnaanermut kiisalu pisattat nassiunneqarneranni aalajangersakkat aallaavigalugit Kalaallit Nunaanni Namminersorlutik Oqartussat sulilertussallu kattuffiata isumaqatiginninniaasinnaatitaasup akornanni isumaqatigiissutit naapertorlugit pissapput.

Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Attaveqarfissaq qinnuteqarnerlu
Atorfik pillugu apeqqutissaqaruit, tikilluaqquneqarputit attavigissallugu allaffeqarfimmi pisortaq Ella Lynge ugguuna +299 34 66 65 imaluunniit ely@nanoq.gl. Kalaallit Nunaanni Namminersorlutik Oqartussat pillugit paasissutissat nalinginnaasut pissarsiarineqarsinnaapput nittartakkakkut www.naalakkersuisut.gl.
Qinnuteqaat nalunaaqutserneqassaaq ”Illuuteqarnermi immikkoortortamut sulisoq”, ilanngunneqassappullu CV, ilinniarsimanermut uppernarsaat, kiisalu ilanngussassat suliffimmut attuumassuteqartut allat.
Qinnuteqarnissamut killiliunneqarpoq pingasunngorneq ulloq 22. juli 2020 Sapaatip akunnerani 31-imi oqaloqateqarnerit ingerlanneqassasut naatsorsuutigineqarpoq Atorfik ugguuna qinnutigineqassaaq: http://www.naalakkersuisut.gl/da/Naalakkersuisut/Job/Atorfiit inuttassarsiukkat

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk