Skip to main content
111

Namminersorlutik Oqartussani Illuutinik Ingerlatsivimmut isumaqatiginninniarnermi aningaasaqarnermillu aqutsinermi siunnersorti

Nalinginnaasumik aningaasaqarnermik aqutsinermik suliaqarnissamut aammalu ilaatigut isumaqatigiissutit eqqiaanermut, aputaajaanermut tunngasut malitseqartinnissaannut kajumissuseqarpit- tassaavutit ujartugarput.
Illuutinut Sullissinermullu Allaffeqarfik Illuutinik Ingerlatsiviup Nuummi allaffeqarfinnik 23-usunik ingerlatsinermik aserfallatsaaliuinermillu ingerlatsisuuvoq, Namminersorlutik Oqartussat qitiusumik allaffeqarfianit atorneqartartunik.  Tamatuma saniatigut allaffik qitiusumik allaffeqarfimmi kiffartuussissutinik isumaginnittuuvoq - matumani eqqiaaneq, aputaajaaneq, kalerrisaarineq pigaartooqataasarnerlu ilaallutik.

Atorfik pillugu
Isumaqatigiissutinik aqutsinermut akisussaasuussaatit tassanilu illit suliffiup iluani attaveqaqatigiittarnernut aammalu pisiortortarfinnik atuisarnernut suliaqartuussallutit. Tamakku saniisigut allaffimmi aningaasaqarnermik aqutsinermik suliaqassaatit.  Tamakku saniisigut atorfimmi uku suliassaapput:

  • Isumaqatigiissutinik piviusunngortitsineq
  • Pilersuisunut isumaqatiginninniarnerit
  • Isumaqatigiissutinik aqutsinermut atatillugu isumaqatigiinngissummik aaqqiiniarneq
  • Allaffiup suliassaqarfiini neqeroorutaasussatut pilersaarutinut siunnersuutissanik neqerooruteqartarnernut inatsisilerituut suleqatigalugit suliaqartarnernut ilanngussisassaatit.
  • Namminersorlutik Oqartussani immikkoortortanut allanut attaveqarneq oqaloqateqartarnerlu.
  • Ulluinnarni akiligassanik akuersineq
  • Qaammatikkuutaartumik missingersuutinik malitseqartitsineq
  • Kantiinap aningaasaqarnikkut tamakkiisumik takunnissinnaanissaanut ikiuunneq 
  • Allaffiup suliassaqarfiinut atatillugu pisiortortanerit

Allaffimmi pissanganartunik suliassalimmi suliallu eqqarsaatigalugit unammilligassaqarfiulluartumi suliffeqarnissat, ulluinnarnilu sulianik ingerlatsisarnermut sunniuteqarnissamut periarfissaqartumi. Aningaasaqarnermik tamakkiisumik takunnissinnaanissamut atatillugu Namminersorlutik Oqartussani sanaartukkanik ilisimasalinnik aammalu kiffartuussissutinik suliassaqarfimmi neqerooruteqartarnermut atatillugu neqerooruteqartarnernut inatsisilerituunik qanimut suleqateqassaatit.

Suleqatigiinneq inussiarnersumik ingerlasoq, ulluinnarnilu ulapaarfioqisumi sulineq qiimasumik ingerlanneqartoq, aammali ulluinnarni sulinerup ilaqutaqarnerullu imminnut ataqatigiinneranik ataqqinniffiusoq. Allaffik Aningaasaqarnermut- Sulisoqarnermullu Aqutsisoqarfimmi Sullissinermut Immikkoortortaqarfimmi inissisimavoq tassanilu allaffimmi pisortaq sulisullu aqqaneq-marluk sulipput, taakkunannga sulisut arfinillit Namminersorlutik Oqartussat nerisarfianni sulisuullutik.
Sapaatip akunneranut akunnerit 40-t suliffiusarput.
Atorfiniffissaq: 1. november imaluunniit isumaqatigiissuteqarnikkut

Ilinnut tunngasut
Qiimasumik attaveqaqatigiittarnernut periuseqarputit suliffiullu iluani avataaniillu soqutiginnittunik kinguneqartussamik oqaloqateqartassaatit. Inuttut annikitsualunnik takunnissinnaassuseqarputit, aaqqissuussillaqqillutit, ataqatigiissaarillaqqissuullutit, ajornartorsiutinik aaqqiisinnaallutit akisussaassusermillu tiguserusuttarlutit.  Suliassanik nammineerlutit suliniuteqartartuuvutit nammineerlutillu suliarisinnaalluarlugit. Oqaluinnarlutit allattariarsornermilu paasiuminarsaallaqqissuuvutit. Kalaallisut oqalussinnaaguit kiisalu aningaasaqarnikkut aqutsissutit excelilu misilittagaqarfigigukkit iluaqutaassaaq.
Naleqquttumik tunuliaqutaqarputit soorlu inuussutissarsiornermi aningaasaqarnermik ilisimatusarnermi, inuiaqatigiilerinermi bacheloritut ilinniarsimallutit, NI-mi ilinniagaqarsimallutit imaluunniit allaffissornermut attuumassutilimmik allaffissornermut  aningaasaqarnermullu tunngasumi ilinniagaqarsimassallutit.  Aningaasaqarnermik isumaqatiginninniarnermilu aqutsineq kiisalu suliariumannittussarsiuussisarneq misilittagaqarfigigaanni iluaqutaassaaq.

Attaveqarfissaq qinnuteqarnerlu
Atorfik pillugu apeqqutissaqaruit allaffiup pisortaata Ella Lyngep ely@nanoq.gl-ikkut imaluunniit +299 34 66 65-imut attaviginissaanut tikilluaqquneqarputit. Kalaallit Nunaanni Namminersorlutik Oqartussat pillugit paasissutissat nalinginnaasut nittartakkakkut www.naalakkersuisut.gl-ikkut pissarsiarineqarsinnaapput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk