Namminersorlutik Oqartussani Illuutinik Ingerlatsivik illuutinik ilisimasaqarluartumik sulisussarsiorpoq
Qitiusumik allaffeqarfiup illutaasa ingerlanneqarnerannut aserfallatsaalineqarnerannullu akisussaasuullutit suleqatigiit piumassuseqarluartut ilagerusuppigit? Taava Illuutinik Ingerlatsinermut Sullissinermullu Allaffik pikkorissumik sullissiumatuumillu sulisussarsiorpoq.

Atorfik pillugu
Atorfik pillugu Illuutinik ingerlatsivimmi Nuummi allaffiit illuutaannik 27-nik Namminersorlutik Oqartussat qitiusumik allaffeqarfiinit atorneqartuni ulluinnarni ingerlatsinermik aserfallatsaaliinermillu suliaqarfiusumi sulilissaatit.
Suliassatit assigiinngitsorpassuussapput, pingaarnertulli illuutit aserfallatsaaliorneqarnissaat suliassarissavatit aammalu illuutinik assigiinngitsunik ingerlatsinermi suliassaqartassallutit. Aalajangersimanerusumik suliassat makku taaneqarsinnaapput:

• Teknikimut illuutinullu tunngatillugu aserfallatsaaliinissamut pilersaarutip pilersaarusiorneqarnera atuutsinneqalerneralu
• Ikuallattoornissamut isumannaallisaanermullu tunngatillugu pilersaarusiorneq aserfallatsaaliinerlu
• Neqeroortitsinermi atortut suliarineri kiisalu neqeroortitsineq
• BIM atorlugu illunik nalunaarsuisarnermut misilittagaqarneq
• Illuutinut tungasut pillugit suliassat eqqarsaatigalugit suleqatigiissitanut pilersaarusiortunullu peqataaneq, ilaatigut suliassanut neqeroortitsinermut isummersoqataanermut atatillugu.
• Siunnersuinikkut siunnersuuteqarnikkullu ikiuunneq.
• Namminersorlutik Oqartussani immikkoortortanut allanut attaveqarneq oqaloqateqartarnerlu
• Allaffissornikkut suliassat aalajangersimasut.

Neqeroorutigaavut

Allaffimmi pissanganartunik suliassalimmi suliallu eqqarsaatigalugit unammilligassaqarfiulluartumi suliffeqarnissat, ulluinnarnilu sulianik ingerlatsisarnermut sunniuteqarnissamut periarfissaqartumi. Suleqatigiinneq inussiarnersumik ingerlasoq, ulluinnarnilu ulapaarfioqisumi sulineq qiimasumik ingerlanneqartoq, aammali ulluinnarni sulinerup ilaqutaqarnerullu imminnut ataqatigiinneranik ataqqinniffiusoq. Allaffik Aningaasaqarnermut Sulisoqarnermullu Aqutsisoqarfimmi inissisimavoq, tassanilu allaffimmi pisortaq sulisullu 13-it sulipput, taakkunannga sulisut 6-it Namminersorlutik Oqartussat kantiinaani sulisuullutik.
Sulineq sapaatip akunneranut akunnernik 40-nik sivisussuseqarpoq. Ikuallattoqarneranut annertuunillu aserortoqarneranut atatillugu piffissap suliffiusartup nalinginnaasup avataatigut sulisoqartarsinnaavoq.
Isumaqatigiissuteqarnikkut atorfinittoqarsinnaavoq.

Ilinnut tunngasut
Takorloorparput teknikkikkut ilinniagaqarsimanissat assersuutigalugu ingeniøritut imal. bygningskonstruktøritut
CAD-standard-inik, 3D-modellinik ilisimasaqarnissat paasissutissanillu annertuunik suliaqarsinnaanissat  CAD-programmini Revit, AutoCAD aamma Matterport-3D atornissaat pikkoriffigigitit Suleqatigiuminartuuvutit ilaatigullu ulluinnarni ulapaarfiusartumi malinnaasinnaallutit, isumassarsiallu malillugit iliuuseqarsinnaallutit.



Attaveqarneq qinnuteqarnerlu
Atorfik pillugu apeqqutissaqaruit, allaffiup pisortaa tullianut Bent Jokumsen ugguna bejo@nanoq.gl imaluunniit oqarasuaatikkut +299 34 52 33 saaffigissallugu tikilluaqqusaavutit. Mailikkut qinnuteqaatit tiguneqarneq ajorput.
Qinnuteqarfissamut killigititaq tassaavoq sisamanngorneq ulloq 7. juni.  Ingerlaavartumik oqaloqatiginnittoqartassaaq. Atorfik www.naalakkersuisut.gl aqqutigalugu suliffissat ataanni qinnutigineqassaaq.

Akissarsiat atorfininnermilu tunngasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.

Ineqarneq
Atorfimmut atatillugu sulisutut ineqarnissamut innersuussinertaqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisutut inissiamik innersuussivigineqarnissaminik pisinnaatitaavoq. Sulisutut inigisaq atorfeqarnermut tunngavoq, atorfeqarnerullu uninnerani qimanneqassalluni.

Qinnuteqaat, CV, ilinniarsimanermut aamma pikkorissarsimanermut uppernarsaatit aammattaaq pappilissat attuumassutillit "Qinnuteqaat nassiuguk" toorlugu nassiutikkit.
E-mailikkut qinnuteqaatit tiguneq ajorpavut.

Naalakkersuisut pillugit

Unammillernartunik suliassarsiorpit sulinerillu aqqutigalugu ulluinnarisaq sunniuteqarfigissallugu kissaatigaajuk, taamaaliornikkullu siunissamik ilusilersueqataallutit, taava Namminersorlutik Oqartussani atorfittaarnissaq ilinnut tulluarpoq.
Sulisut akornanni annertuumik akisussaaffeqarpalaarnissaq naatsorsuutigaarput sulianullu tunngatillugu piginnaasaqarluarnissaq pingaartillutigu, sulisut pissutsinik misissueqqissaartarnissaat pissutsinullu naleqqussarnissamut piareersimajuarnissaat pingaartilluarlutigit. Tamatuma saniatigut ulluinnarni suliassannik ilusilersuisinnaanerit tamakkiisumillu takunnissinnaanerit pingaaruteqarput.

Namminersorlutik Oqartussat tassaapput Qitiusumik Allattoqarfik 650-it sinnerlugit amerlassusilinnik naalakkersuisoqarfinnut arlalinnut aammattaaq immikkoortortaqarfinnut avataaniittunut arlalippassuarnut agguataarsimasunik sulisulik. Katilluta inuit 2500-rujut sinneqartugut Namminersorlutik Oqartussanut attuumassuteqartuuvugut. Qitiusumik Allattoqarfiup Naalakkersuisut aalajangernissaannut tutsuiginartumik tunngavissinnissaat aammattaaq politikikkut aalajangikkat piviusunngortinnissaat suliassaraa.
 

Qinnuteqaat nassiuguk