Skip to main content
150

Dette jobopslag er udløbet

Namminersorlutik Oqartussani Illuutinik Ingerlatsivik illuutinik ilisimasaqarluartumik sulisussarsiorpoq

Namminersorlutik Oqartussani Illuutinik Ingerlatsivik illuutinik ilisimasaqarluartumik sulisussarsiorpoq

Qitiusumik allaffeqarfiup illutaasa ingerlanneqarnerannut aserfallatsaalineqarnerannullu akisussaasuullutit suleqatigiit piumassuseqarluartut ilagerusuppigit? Taava Illuutinik Ingerlatsinermut Sullissinermullu Allaffik pikkorissumik sullissiumatuumillu sulisussarsiorpoq.  

Atorfik pillugu  Illuutinik ingerlatsivimmi Nuummi allaffiit illuutaannik 27-nik Namminersorlutik Oqartussat qitiusumik allaffeqarfiinit atorneqartuni ulluinnarni ingerlatsinermik aserfallatsaaliinermillu suliaqarfiusumi sulilissaatit. 
Suliassatit assigiinngitsorpassuussapput, pingaarnertulli illuutit aserfallatsaaliorneqarnissaat suliassarissavatit aammalu illuutinik assigiinngitsunik ingerlatsinermi suliassaqartassallutit. 

Aalajangersimanerusumik suliassat makku taaneqarsinnaapput:

  • Maskiinanik atortunillu innaallagiatortunik aserfallatsaaliuineq pitsanngorsaajuarnerlu
  • Teknikimut illuutinullu tunngatillugu aserfallatsaaliinissamut pilersaarutip pilersaarusiorneqarnera atuutsinneqalerneralu
  • Ikuallattoornissamut isumannaallisaanermullu tunngatillugu pilersaarusiorneq aserfallatsaaliinerlu
  • Neqeroortitsinermi atortut suliarineri kiisalu neqeroortitsineq
  • Illuutini nukissiummik atuinerup pitsanngorsarneqarnera
  • Illuutinut tungasut pillugit suliassat eqqarsaatigalugit suleqatigiissitanut pilersaarusiortunullu peqataaneq, ilaatigut suliassanut neqeroortitsinermut isummersoqataanermut atatillugu. 
  • Siunnersuinikkut siunnersuuteqarnikkullu ikiuunneq.
  • Namminersorlutik Oqartussani immikkoortortanut allanut attaveqarneq oqaloqateqartarnerlu
  • Allaffissornikkut suliassat aalajangersimasut.

Makku neqeroorutigaavut                                                                                                  Illuutinik nakkutilliivimmi sulineq pissanganartuuvoq unammillerneqartunik avatangiiseqarluni ulluinnarni nammineq suliat sunniuteqarfigisinnaallugit.  Suleqatigiinneq inussiarnersumik ingerlasoq, ulluinnarnilu ulapaarfioqisumi sulineq qiimasumik ingerlanneqartoq, aammali ulluinnarni sulinerup ilaqutaqarnerullu imminnut ataqatigiinneranik ataqqinniffiusoq. Allaffik Aningaasaqarnermut- Sulisoqarnermullu Aqutsisoqarfimmi inissisimavoq tassanilu allaffimmi pisortaq sulisullu aqqaneq marluk sulipput, taakkunannga sulisut arfinillit Namminersorlutik Oqartussat nerisarfianni sulisuullutik.
Sapaatip akunneranut nalunaaquttap akunneri 40-t suliffik. Ikuallattoqarneranut annertuunillu aserortoqarneranut atatillugu piffissap suliffiusartup nalinginnaasup avataatigut sulisoqartarsinnaavoq.
Isumaqatigiissuteqarnikkulluunniit atorfinitsitsisoqassaaq.

Ilinnut tunngasut
Sanaartornermi teknikeritut tunuliaquteqassaatit, assersuutigalugu sanaartornermi konstruktøritut, sanaartoriaatsimi ilisimasalittut, ingeniøritut imaluunniit teknikkimut attuumassutilimmik allamik ilinniagaqarsimassaatit, immaqalu sanasutut ilinniagaqarsimassallutit. Illuutit ajoqutigisinnaasaat, tassunga ilanngullugit oquit, inip iluani silaannaq assigisaallu pillugit tunngaviusumik ilisimasaqarnissaq iluaqutaassaaq. Namminersorlutit sulisinnaavutit, sungiussiallutit sullissiumatullutillu. Suleqatigiuminartuuvutit ilaatigullu ulluinnarni ulapaarfiusartumi malinnaasinnaallutit, isumassarsiallu malillugit iliuuseqarsinnaallutit. Kalaallisut qallunaattullu oqaseqartuunissat piumasaqaataavoq, tuluttoorsinnaaneq iluaqutaasinnaavoq.

Atorfik pillugu apeqqutissaqaruit, tikilluaqquneqarputit saaffigissallugu pisortap tullersortaa Bent Jokumsen uunga bejo@nanoq.gl imaluunniit +299 34 52 33. Mailikkut qinnuteqaatit tiguneqarneq ajorput. 
Qinnuteqarnissamut killiliunneqarpoq ataasinngorneq 30.novembari 2022. Atorfimmut tunngatillugu oqaloqatigiinnerit ingerlaavartumik ingerlanneqassapput.  Atorfik www.naalakkersuisut.gl aqqutigalugu suliffissat ataanni qinnutigineqassaaq.

Akissarsianut atorfinitsitaanermullu tunngasut Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.

Ineqarneq
 Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa. Atorfininnermi ini atorfeqarnermut atavoq atorfimmillu tunuarnermi qimanneqassalluni.

Qinnuteqaatit, siusinnerusukkut suliffigisimasavit allattorsimaffiat, ilinniarsimasanut pikkorissaatigisimasanullu uppernarsaatit kiisalu paasissutissat allat attuumassuteqartut "qinnuteqaat nassiuguk" toorlugu nassiutikkit.
Maili atorlugu qinnuteqaatinik tigusineq ajorpugut.

Naalakkersuisut pillugit                                                           
 Suliassanik unammillernartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit, taava Namminersorlutik Oqartussani sulinissat tulluuppoq.
Suliamut tunngatillugu sulisutut piginnaasaqarnissaq, pissutsinut misissueqqissaarneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit ataatsimoortumillu takunnissinnaanerit pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Naalakkersuisut aalajangernissaannut tutsuiginartumik tunngavissinnissaat kiisalu politikikkut aalajangikkat piviusunngortinnissaat Qitiusumik Allattoqarfiup suliassaraa.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk