Skip to main content
142

Dette jobopslag er udløbet

Nalunaarasuartaateqarnermut Aqutsisoqarfimmi inatsisileritooq

Kalaallit Nunaanni inuussutissarsiornermut nalunaarasuartaatinillu niueruteqarnermi atuisunut qulakkeereqataarusuppit?


Nalunaarasuartaateqarnermut Aqutsisoqarfimmi inatsisilerituutut nalunaarasuartaatinik sullissinernik, pitsaanerpaanik akikinnerpaanillu atuisut qulakkeerivigineqarnissaat kajungerissavat.
Internetinik data-nillu silaannakkut attavilinnik niueruteqarneq 2014-imi namminersortunngorsaavigineqarpoq.
Aqutsisoqarfiup maleruagassiuussinermut aalajangiisarnermi suliaanut suleqataassaatit, aammalu nalunaarasuartaateqarnermut maleruagassanik niuerfiit ineriartornerinut naleqqussaaqataassallutit.

Illit
Illit inatsisilerituutut (cand.jur imaluunniit cand.merc.jur) ilinniagaqarputit. Suliatigut nukittuujuvutit misissueqqissaarsinnaassuseqarlutillu. Nalunaarasuartaateqarnermut malittarisassiornerit imaluunniit inuussutissarsiornermut inatsisinik suliaqarnermik ilisimasaqarneq imaluunniit misilittagaqarsimaneq iluaqutaassaaq.
Angusaqarusuttartuuvutit, aammalu avatangiisini unammillernartuni, sulianik amerlasuunik ataatsikkut ingerlatsiviusinnaasuni sulinermik nuannarisaqarlutit. Namminersorlutit sulisinnaavugit, kisiannili aamma suleqatigiinnut ilaaneq pikkoriffigaat, tassungalu ataatsimorluni isumaqatigiissutit ataqqineqartarnerat, pilersitsiviusinnaasunik akissuteqartarnerit tigusisinnaanerillu ilaapput. Oqaatsit ersarissut atorlugit ingerlatitseqqissinnaavutit sunniuteqarsinnaassuseqarlutillu.

Uagut
Kalaallit Nunaanni nalunaarasuartaateqarnermi sullissinernik pitsaanerpaanik akikinnerpaanillu, inuussutissarsiortunut atuisunullu qulakkeerinissaa pillugu sulivungut, taamaasillunilu Paasissutissiinermut Attaveqaqatigiinnermullu Teknologii (IKT)-p inuiaqatigiit ineriartornissaanut tunngavissiilluarniassammat.
Suliagut piumasaqaateqarfiupput pisariusuullutillu, taamaattumillu nalunaarasuartaateqarnermik suliallit, naalakkersuisoqarfiit soqutigisaqartullu allat qanillugit attaveqarfigineqartarput. Suliatit suliffeqarfinnut angisuunut mikisunullu, kiisalu Kalaallit Nunaanni atuisunut ataasiakkaanut isumaqartussaapput.
Suliassat pingaartumik sulianut, annertuumik namminersorfiusussanut suliniuteqarfiusussanullu aaqqissuussaassapput. Ulluinnaat nuannersuupput, aammalu suleqatinut unammilligassanullu nutaanut ammaffiulluarlutik. Attaveqatigiinneq oqitsuuvoq ammallunilu, aammalu suliatigut inuttullu ineriartortuarnissat assut pingaartipparput.
Suliffeqarfinnik oqartussaasunillu suleqateqarnermi Nalunaarasuartaateqarnermut Aqutsisoqarfik sinniisuuffigissavat. Ilaanneeriarluni atorfimmut atatillugu angalasarnissaq naatsorsuutigineqarsinnaavoq.

Tamanut tunngasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat aamma DJØF-ip akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Inissiamik innersuussisoqarsinnaavoq, maleruagassat sukkulluunniit atuuttut naapertorlugit ineqarnermut akiliuteqarfiusartussamik, qularnaveeqquserneqartussamik il.il. Nuummi ineqarnikkut pissutsit peqqutaallutik inissiamut innersuunneqarnissamut utaqqisoqarsinnaavoq, taamaattumillu piffissap ilaani inissinneqarallarnissaq naatsorsuutigineqarsinnaavoq.
Atorfik Nuummi inissisimavoq. Illoqarfik periarfissarpassuaqarpoq, soorlu kulturip illorsua, filmertarfik, naluttarfik, timigissartarfik, kaffisorniartarfiit peqatigiiffiillu assigiinngitsut. Aamma Nuup eqqaani pinngortitami sisorartarfeqarpoq golfertarfeqarlunilu, kiisalu qajartornissamut, imaatigut angallammik angalanissamut, nunami pisuttuarnissamut aalalluartunullu sunngiffimmi allarpassuarnik sammisaqarnissamut periarfissaqarpoq.
Naalagaaffimmi tjenestemandit aammalu AC-mut isumaqatigiissutit arlallit, ilaatigut DJØF-ip aamma Finansministereqarfiup akornanni isumaqatigiissutit malillugit atorfillit Namminersorlutik Oqartussani atorfeqarnerminnut atatillugu akissarsiaqaratik sulinngiffeqarsinnaatitaapput.
Atorfimmi aallartiffissaq: 1. juuni 2019-imi imaluunniit isumaqatigiissuteqarnikkut.

Annertunerusumik paasisaqarusuppit?
Atorfik pillugu paasissutissat amerlanerusut immikkoortortaqarfimmi pisortaagallartoq Erik Rosing oqarasuaat toqqaannartoq (+299) 34 51 33 imaluunniit uunga e-mailimut allannikkut: erro@nanoq.gl aqqutigalugit saaffiginninnikkut pissarsiarineqarsinnaapput.
Qinnuteqaativit maannangaaq, kingusinnerpaamilluunniit 15. apriili 2019-imi tigunissaanut qilanaarpugut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk