Skip to main content
156

Dette jobopslag er udløbet

Nalunaarasuartaateqarnermi Aqutsisoqarfimmut kiisalu Radionik Nakkutilliivimmut pisortamik

Nuummi Nalunaarasuartaateqarnermi Aqutsisoqarfimmut kiisalu Radionik Nakkutilliivimmut Nalunaarasuartaateqarnermi Aqutsisoqarfik pisortassarsiorpoq.
 
Kalaallit Nunaanni nalunaarasuartaatinik niueruteqarnermi inuussutissarsiortunut, atuisunullu qulakkeerinneqataarusuppit?
 
Nalunaarasuartaatitigut atassuteqarnerup ineriartornera Nalunaarasuartaateqarnermi Aqutsisoqarfiup nakkutigisaraa, kisitsisitigut nalunaarusiortarpoq, inatsisissanik siunnersuusiortarpoq, soorluttaaq nalunaarasuartaatitigut atassuteqarneq pillugu piumasaqaatissatut akigititassatullu siunnersuutinik nalilersuisartoq, nalunaarasuartaateqarnermullu tunngatillugu Naalakkersuisunut siunnersuisarluni.
 
Tassunga tunngatillugu akuersissutinik, pilersuisussaatitaanernik, sullissisunillu allanik, Inatsisartullu inatsisaata malinneqarnissaanik Nalunaarasuartaateqarnermi Aqutsisoqarfik kiisalu Radionik Nakkutilliivik nakkutilliisinnaapput. Nalunaarasuartaateqarnermi Aqutsisoqarfiup Naalakkersuisut suleqatigalugit Nunani tamalaani aaqqissuussanut atassuteqarneq, Nalunaarasuartaateqarnermilu tunngasunut Danmarkip Kalaallit Nunaatalu akornanni atassuteqarneq isumagisaraa.
 
Danmarkimi Energistyrelsen/Energiministeren sinnerlugu, Kalaallit Nunaanni Radionik Nakkutilliivimmik ingerlatsineq Nalunaarasuartaateqarnermi Aqutsisoqarfiup isumagisaraa.
 
Nalunaarasuartaatitigut atassuteqaatinik atuisut tamarmik atuisinnaanissaat, Nalunaarasuartaateqarnermi Aqutsisoqarfimmi Pisortatut qulakkiissallugu sulissutigissavat. Aqutsisoqarfiup maleruagassiuussinermut aalajangiisarnermi suliaanut suleqataassaatit, nalunaarasuartaateqarnermullu maleruagassanik niuerfiit ineriartornerinut naleqqussaaqataassallutit. Piffissap ilaani angalangaatsiarsinnaasassaatit.
 
Nalunaarasuartaateqarnermi Aqutsisoqarfik kiisalu Radionik Nakkutilliivik aningaasaqarnermut systeminik immikkut ingerlatsipput, Frekvensadministrationssystemimillu nutaamik (systeminik ataatsimoorussamik) atuutsilersitsinissartik sulissutigalugu.

Naatsorsuutigaarput:

  • Pinngortitamik ilisimatusarnermut imaluunniit inuiaqatigiinnik ilisimatusarnermut imaluunniit allatigut naleqquttumik ilinniarnertuutut ilinniagaqarsimasutit.
  • Aningaasaqarnermut tunngaasunik ilisimasaqartutit, Nalunaarasuartaateqarnermilu Aqutsisoqarfiup kiisalu Radionik Nakkutilliiviup missingersuutaannik, naatsorsuutaannillu malitseqartitsisinnaasutit.
  • Misissueqqissaarsinnaasutit, suliassanullu ilisimasaqartutit.
  • Nalunaarasuartaatitigut attaveqaatit pillugit, nalunaarasuartaatinullu tunngatillugu malittarisaliornermik ilisimasaqartutit, misilittagaqartutilluunniit.
  • Politikkikkut aqutami sulinermik misilittagaqartutit.
  • Angusassanut siunnerfeqartuusutit, unammillernartumilu sulinissat nuannarigit.
  • Ersarissumik paasissutissiisinnaasutit, sunniuteqarsinnaasutillu.
  • Uppernarsakkamik aqutsisutut misilittagaqartuusutit.
  • Kalaallit Nunaanni inuiaqatigiinnut tunngasunut ilisimasaqarluarlutillu paasisimasaqarluartutit.
  • Oqaatsitigut piginnaasaqarluartutit.

kiisalu tulliuttutigut inuttut piginnaasaqartutit:

  • Aaqqissuussaanermi atorfiit qulingiluat akuerisaallutik, aaqqissuussaanermi mikisumi aqutsineq.
  • Kajumissaarillaqqittutit, qiimasuusutillu.

Annertunerusumik paasisaqarusuppit?
Atorfik pillugu annerusumik paasisaqarusukkuit, piffissami aggustip 6-ianit 28-ata tungaanut tullersortimut Embla Kristjánsdóttirimut oqarasuaammut 34 54 46-mut imaluunniit e-mail emki@nanoq.gl-imut, imaluunniit Naalakkersuisoqarfimmi pisortamut Ruth Lindhardtimut oqarasuaammut 34 54 53-imut imaluunniit e-mail rli@nanoq.gl-imut paasiniaasinnaavuti. 

Pinerluuteqarsimannginnermut uppernarsaat
Atorfimmi atorfinissinnaassaguit, malittarisassat naapertorlugit pinerluuteqarsimannginnermut uppernarsaateqartariaqarputit, pinerluuteqarsimannginnermullu uppernarsaat atorfeqarnermi atatiinnarneqarsinnaasariaqarluni. Taamaattumik pinerluuteqarsimasunik/pinerluuteqarsimanngitsunik allattorsimaffimmit uppernarsaammik qinnuteqaatinnut aallarniutaasumik tunniussissaatit. Taanna najukkami politeeqarfimmut piniarneqarsinnaavoq imaluunniit https://politi.dk/da/straffeattest/bestil-privat-straffeattest-imi qarasaasiakkut piniarneqarsinnaavoq. Imminut kiffartuunnissamik neqeroorutaasoq qallunaatuinnaq allassimavoq.
 

Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk