Skip to main content
122

Dette jobopslag er udløbet

Nakkutilliinermik ingerlatsivik perorsaanermut tunngatillugu nakkutiliisussarsiorpoq

Aningaasaqarnermut Nunamullu Namminermut Naalakkersuisoqarfik Nakkutilliinermik ingerlatsivimmut namminersorsinnaasumik, inerilluarsimasumik misilittagalimmillu sulisussarsiorpoq.

Naatsorsuutigaarput:

  • Perorsaanermut tunngasut isumaginninnermilu perorsaasunut tunngasutillit iluini ilinniagaqarnikkut tunuliaquteqassasutit, ajornanngippat akademiikerisut qaffasitsigisumik.
  • Perorsaanermut tunngasut isumaginninnermilu perorsaasunut tunngasut iluini sulianut attuumassutilimmik siammasissumillu misilittagaqassasutit, ajornan-ngippat ulloq unnuarlu paaqqinnit-tarfinnut tunngasut iluini misilittagalik
  • Kalaallisut danskisullu oqalunnikkut allattariarsornikkullu erseqqissuliullaqqis-suunissat
  • Akuersaarpalaartumik naligisatullu isiginnillutit atassuteqallaqqissuunissat
  • Namminersorlutit aaqqissuussaasumillu sulisinnaasutit aammalu suliassat pif-fissalerneqarsimasut pitsaassutsillu ukkatarissagitit.
  • Suleqateqallaqqissuunissat
  • Angalanernik nuannarisaqartuunissat, tassami ilaatigooriarlutit sapaatit akun-neri sinnerlugit angala-sartussaassagavit

Uagut pilluta

Nakkutilliinermik ingerlatsivik Aningaasaqarnermut Nunamullu Namminermut Naalakkersuisoqarfimmi immikkoortortaqarfiuvoq namminersortoq kommunit isumaginninnermut inatsisit malillugit ingerlatsinerannik nakkutilliisartoq. Nakkutilliinermik Ingerlatsivik isumaginninnikkut nunatsinnilu ulloq unnuarlu paaqqinnittarfiit ingerlatsinerannut, aningaasaqarnerannut perorsaanerannullu tunngatillugu aamma nakkutilliisarpoq, takkunani nalinginnaasumik najoqqutassat aammalu aalajangersimasumik iliuusissatut pilersaarutit, kiisalu najugaqartunut aalajangersimasunut katsorsaanissamut pilersaarutit malittarineqarnersut nakkutilliinermi ukkatarineqartarlutik, ulloq unnuarlu paaqqinnittarfiit inatsisit atuuttut naapertorlugit pisussaaffimminnik tunniussisarnersut paasissinnaajumallugu. Suliassaqarfimmi tamatumarpiami Nakkutilliinermik ingerlatsivik perorsaanermut tunngatillugu nakkutilliisumik nammineersinnaalluartumik, inerissimasumik misilittagartuumillu sulisussarsiorpoq.

Nakkutilliinermik ingerlatsivimmi immikkoortortaqarfimmi pisortaq/nakkutilliinermut pisortaq ataaseq aammalu nakkutilliisut sisamat maannakkut sulisuupput.

Pingaarnerpaatut makku suliassarisassavatit

  • Nuna tamakkerlugu ulloq unnuarlu paaqqinnittarfinnik nakkutilliisarner-nik ingerlatsisarneq aammalu suleqatit peqatigalugit aaqqissuussisar-nerit.
  • Nakkutilliinernit nalunaarusianik il.il. suliaqartarneq nalunaarusianillu malitseqartitsisarneq
  • Nakkutilliinermik ingerlatsiviup suleriaasianik atortuinillu ineriartortitse-qataaneq

Ilinnut neqeroorutigisinnaavagut

  • Suliffeqarfik, aalajangiisinnaassuseqarnermik namminerlu sulisinnaassusermik pingaartitsisoq, illillu ulluinnarni sulisarnerit nammineerlutit sunniuteqarnissannut pitsaasumik periarfissalik
  • Atorfik pissanganartoq unammillernartorlu, allanngorartoq akisussaaffeqarnarluartoq suliassanullu tunngasutigut inuttullu ineriartorfissatigut pitsaasunik periarfissalik
  • Kalaallit Nunaanni annertuumik angalasarnissat

Sapaatip akunneranut akunnerit 40-t suliffiusarput, kisiannili qaangiuttoortarnissat naatsorsuutigisariaqarput, tassami atorfimmut atatillugu annertuumik angalasarnissat naatsorsuutigisariaqarmata.

Ulloq sulilerfissaq

1. august 2021 tamatumaluunniit kingorna piaarnerpaamik

Paasissutissat sukumiinerusut

Atorfik pillugu annertunerusumik paasisaqarusukkuit Nakkutilliinermik pisortaq Johan Lund Olsen oqa-rasuaat +299 346693/555485 atorlugu, imaluunniit ugguuna allagaqarlutit jlun@nanoq.gl-ikkut attaveqarsinnaavutit.

Ulloq qinnuteqarfissaq kingulleq

6. juli 2021 nal. 12:00

Tamatuma kingorna atorfinitsitsinissamut oqaloqateqarnissat piaarnerpaamik ingerlanneqassasut naatsorsuutigineqarput.

Ataani link atorlugu qinnuteqaat nassiunneqassaaq

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.   Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk