Allagarsiuteqqitaq:

Najugaqarfik Elisibannguaq Namminersorlutik Oqartussat isumaginninnermut aqutsisoqarfiup ataani inissisimasoq Maniitsumi immikkoortortaqarfitsinnut Sikkerneq-mi immikkoortortaqarfimmi aqutsisumik perorsaasutut ilinniarsimasumik pissarsiorpoq.

Ulloq atorfiniffissaq 01.04.2023 imaluunniit kingusinnerusukkut isumaqatigiissuteqarnikkut.
Qinnuteqarfissaq kingulleq 28.03.2023.

Najugaqarfik Elisibannguaq tassaavoq inersimasunut eqqarsartaatsimikkut innarluutilinnut najugaqarfiusoq katillugit 21-nik najugaqarfigineqarsinnaasoq. Najugaqartut 40-t 76-illu akornanni ukioqartuupput.
Sikkerneq tallimanik najugaqartuuteqarpoq.

Sikkerneq-mi immikkoortortaqarfimmi aqutsisutut qinnuteqartussamut piumasaqaatigaarput:

• ilisimasaqartuusutit eqqarsartaatsimikkut kinguarsimasunut.
• nammineersinnaasutit, nutarterinissamut piumassuseqartuusutit, aqutsinermillu misilittagaqassasutit.
• aqutsisoqatigiinnut suleqateqarnissat piareersimaffigissagit immikkoortortaqarfiit aqutsisui peqatigalugit.
• kalaallisut qallunaatullu oqaatsinik atuisinnaasutit.
• pinerlussimasuussanngitsutit.

Piareersimaffigissavat Sikkerneq-mi sulisooreersunik suleqateqarnissat, suliallu ingerlateqqinnissaat, atorfik tunngaviusumik sapaatip akunneranut 40-ni sivisussuseqarpoq, piareersimaffigissavalli nikerartumik sapaatillu akunnerisa naanerini nalliuttunilu sulisinnaasarnissat.

Annertunerusumik paasisaqarusukkuit pisortamut Ane Jensen-imut saaffiginnissinnaavutit tlf.: 81 33 43 / 52 02 62 kiisalu email: ne-forstander@nanoq.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk