Skip to main content
132

Dette jobopslag er udløbet

Naatsorsueqqissaartarfik kontorfuldmægtigimik pissarsiorpoq

Naatsorsueqqissaartarfik pillugu 
Naatsorsueqqissaartarfik Kalaallit Nunaanni qitiusumik kisitsisitigut paasussitissiortarpoq. Politikerit aamma allaffissornikkut aalajangiinerni, kiisalu inuiaqatigiit pillugit ilisimatusarnerni sukumiisumik itisiliilluni misissuinerni, paasissutissat tunngavigineqartussat pitsaalluinnartut Naatsorsueqqissaartarfimmi suliassat pingaarnersaraat.
 
Naatsorsueqqissaartarfik Aningaasaqarnermut Naalakkersuisoqarfiup ataaniippoq, taamaakkaluartoq Naatsorsueqqissaartarfiup siulersuisui akisussaanerpaajupput. Naatsorsueqqissaartarfik Aningaasaqarnermut Inatsit tunngavigalugu aamma inuit kiisalu pisortat suliakkiinerminni akiliutigisartagaat atorlugit ingerlanneqarpoq.
 
Atorfik pillugu
Naatsorsueqqissaartarfimmi kontorfuldmægtigitut ulluinnarni allaffissornikkut suliat akisussaaffigissavatit pisortat Naatsorsuuserivimmilu sulisut suleqatigilluinnarlugit. Naatsorsueqqissaartarfiup allaffeqarfiani kisimiittussaagavit naatsorsuutigissavat suliassat assigiinngisitaartut suliarisassagitit. Allaffissornikkut immikkoortortaqarfimmi sulisoq soraarninngortussaammat kingoraarlugu atorfeqassaatit, tamatumalu pinnginnerani qaammatinik marlussunni tassani sulisumit ilinniartinneqassaatit.
 
Suliassat aalajangersimasut ilaatigut makkuninnga imaqassapput:

  • Naatsorsuuserineq niuerniarnerlu
  • Angalanernut ingerlatsineq
  • Missingersuutinik ingerlatsineq
  • Aningaasarsialerineq
  • Sulisut isertarnerinut anisarnerinullu ingerlatsineq
  • Paasissutissanik sulisut atugassaanik piniarneq
  • Ulluinnarni allaffissornikkut suliassanik tamalaanik suliaqarneq.

Uku atorfimmut iluaqutaasinnaapput

  • Allaffissornerup iluani ilinniarsimaneq naatsorsuuserinermillu misilittagaqarneq
  • Sulisunik ingerlatsinermik misilittagaqarneq
  • Qarasaasianik atuinermut piginnaasaqarneq
  • Nammineerlutit sulisinnaaneq, suliannut tunniussimasuuneq suleqateqarsinnaanerlu
  • Oqaatsikkut allannikkullu erseqqissuliorsinnaaneq
  • Allaffeqarfiup qarasaasiaanut, soorlu IRIS XAL-imullu ilisimasaqarneq
  • Kalaallisut qallunaattullu oqalussinnaaneq allassinnaanerlu.   

Uku neqeroorutigivavut   
Suliffeqarfik pissanganartoq. Naatsorsueqqissaartarfik suliffiuvoq inuttut ineriartornissamut ilinniaqqinnissamullu periarfissagissaartoq. Suliffeqarfik ukuninnga inuttalik, naatsorsueqqissaarfiup pisortaa, allaffimmi pisortaq aamma sulisut 15-it. Naatsorsueqqissaartarfiup pisortaa ilinnut naalagaasaaq.
 
Suliffiup pitsaasuunissaa pingaartipparput pisariaqartillugulu ikioqatigiittarpugut. Suleqatigiinnut ilaalissaatit, suleqatigiit ataatsimoornermik pingaartitsisut akornanni.
 
Suliassavit nammineq ilusilersornissaanut periarfissaqarputit aamma suliassatit pisariusut tunngavigalugit suliannut tunngasunik ilinniaqqinnikkut ineriartornissannut periarfissaqassaatit.

Paasissutissat allat
Atorfik pillugu paasisaqarnerorusukkuit, naatsorsueqqissaartarfiup pisortaa Anders Blaabjerg uunga saaffigisinnaavat; oqar. 34 57 81, imaluunniit e-mail: abla@stat.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk